అంశం: చిత్ర కవిత
శీర్షిక: *నిశీధిలో జాబిలి*
నింగి లోన చందమామ నిగనిగ లాడుతూ
తొంగి చూస్తూ కొలను లోకి
నిదుర లేపి కలువ భామను వెన్నెల వెలుగులో
లేలేత బుగ్గలను ముద్దాడే!
ప్రతి మాసం శుక్ల పక్షం రోజులలో చకోరపక్షిలా
నిత్యం ఎదురు చూస్తున్న కలువ భామ
అరవిరిసిన ముద్దు గుమ్మలా
సిగ్గులొలక బోస్తూ చేయి చాపే!
సిగ్గు పైటను తొలగించి చందమామ
కలువను కనులారా తిలకించ
జనులకు కనబడకుండా చెలిని
మాయజేసే పడవను అడ్డంగాపెట్టి!
ఆహా! ఎంతటి మనోహర దృశ్యం నిశీధిలో
నిశ్చలమైన నదిలో జాబిలి వెన్నెలకు
చేపలు ఎగిరి పడుతుండే చంద్రవంకలా
పడవ నిట్టూర్పుతో బానిసై కదలకుండే!
No comments:
Post a Comment