స్నేహ బంధం

 అంశం: స్నేహ బంధం

శీర్షిక: అతి స్నేహం అమృతం - విషం

ప్రక్రియ: వచన కవిత

స్నేహముంటే ఒక ధైర్యం
స్నేహముంటే ఒక బలం
స్నేహముంటే ఒక పరిష్కారం
స్నేహముంటే ఒక ఓదార్పు
స్నేహం ఎంతో మధురం!

స్నేహమంటే ఇద్దరి మనసుల కలయిక
స్నేహమంటే ఇద్దరి అభిప్రాయాల కలయిక
స్నేహమంటే ఇద్దరి ఆలోచనల కలయిక
స్నేహమంటే ఒక గౌరవం, ఒక నమ్మకం!

కవిత వేరు కథ వేరు కావ్యం వేరు
సినిమా వేరు జీవితం వేరు
ఒప్పందం వేరు స్నేహం వేరు
కృత యుగం వేరు త్రేతా యుగం వేరు 
ద్వాపర యుగం వేరు కలియుగం వేరు
త్రేతా యుగంలో రామ సుగ్రీవుల స్నేహం వేరు 
ద్వాపరయుగంలోకుచేలుడు కృష్ణుడి స్నేహంవేరు
కలియుగంలో ఇద్దరి మనుష్యుల స్నేహంవేరు!

స్నేహం అమృతం  విషం
అతి స్నేహం అనర్ధ దాయకం
గుడ్డి  స్నేహం  ప్రమాదకరం
అతి విశ్వాసం తో జీవిస్తే మిగిలేది శూన్యం!

స్నేహమని మేలు చేకూర్చే వారు 
నూటికి ఒక్కరు 
స్నేహమని చెప్పి కుటుంభాలను
కూల్చిన వారు లక్షలు
భార్య ప్రియుడు కలిసి భర్తలను 
హత్యలు చేసిన వారు వేలు
మోసాలు చేసిన వారు కోకొల్లలు
స్నేహం ఎంత వరకు ఉండాలో
అంత వరకే ఉండాలి
బయటి వరకే పరిమితం కావాలి
స్నేహం రెండు వైపులా పదునైన 
కనబడని కత్తి లాంటిది
అతి విశ్వాసం ఆత్మ వంచనే 
నమ్మకం నట్టేట ముంచుతుంది 
అమితాబచన్ ను ఏబిసి కార్పోరేషన్ లో
నిరుపేదను చేసింది స్నేహితులే 
కోన్ బడేగా కరోడ్ పతి సీరియల్ తో 
మల్లీ కుబేరుడయ్యాడు 
అనిల్ అంబానీ ని చాడీలు చెప్పి
కుప్పకూల్చింది ప్రాణ స్నేహితులేగా!