విశ్వంభరుడు/సినారె

అంశం : మహా కవి డాక్టర్ సి. నారాయణ రెడ్డి:

శీర్షిక: *విశ్వంభరుడు*:

వాన చినుకులు పడగానే 

పుడమి పులకరించినట్లు
భానుడు ఉదయించగానే
కాంతి కిరణాలు ప్రసరించినట్లు 
పువ్వు పుట్టగానే పరిమళించినట్లు!

మారు మూల చిన్న పల్లెలో
హనుమాజి పేట మట్టిగడ్డన
కరీంనగర్ జిల్లా లోని
వ్యవసాయ కుటుంబాన
బుచ్చమ్మ మల్లారెడ్డిల ముద్దు బిడ్డగా
జననమొంది
పీజీ వరకు ఉడ్దూలోనే చదివి
ఉష్మానియా నుండి డాక్టరేట్ 
పొందిన విజ్ఞాన తేజస్వి సినారె!

అద్యాపకులుగా, ఆచార్యులుగా
పలు సేవలనందించి ధన్యుడాయే
అలవోకగా అరువది గ్రంధాల ముద్రించి
తెలుగు సాహిత్య లోకంలో అగ్రగణ్యుడాయే
ఇందుగలడందు లేడని 
పద్య ,గద్య ,వచన ,కవితలు
గజల్స్ యందు పరిపూర్ణు డాయే!

గుళేబకావళికథ సినిమా  పాటలతో
సినీ రంగ ప్రస్థావన చేసి
మూడు వేల పైగా పాటలు వ్రాసి
ప్రేక్షకులను మంత్ర ముగ్ధులను చేసే
"మాతృభాష" కన్న తల్లి లాంటిదని
దానిని రక్షించాల్సిన భాద్యత ప్రతిఒక్కరిదని 
సందేశమిచ్చిన దార్శనికుడు!

విశ్వంభర కావ్యానికి ప్రతిష్టాత్మక
జ్ఞానపీట్ పురస్కారం 
కేంద్ర సాహిత్య అవార్డ్ 
పద్మశ్రీ , పద్మభూషణ్ ,మరెన్నో
బిరుదులు , సన్మనాలు , సత్కారాలతో 
పరవిశించి పోయే
మన సింగి రెడ్డి నారాయణరెడ్డి!