Thursday, July 31, 2025

చతురస్ర గతి గజల్స్

అంశం: చతురస్ర గతి గజల్స్ (444444)24

వేకువ జామున లేచి చదివితే ఎంత ఇష్టమో
చదివిన చదువులు మదిన నిలిపితే ఎంత ఇష్టమో!

గులాబి తోటకు కాపరి నయినా ఎంత హాయినో
మాటికి మాటికి కలియ తిరిగితే ఎంత ఇష్టమో!

నింగిన సింగిడి సప్త వర్ణాలు ఎంత అందమో
నేలన చల్లని  గాలి వీచితే ఎంత ఇష్టమో!

పచ్చిక బయళ్ళు తోటలు నెమళ్ళ వన విహారాలు
నెమళ్ళు తోటన పురులు విప్పితే ఎంత ఇష్టమో!

రైతుకు వానలు పడితే ఎంతయో తృప్తి కృష్ణా!
జనులకు నిండుగ కడుపు నింపితే ఎంత ఇష్టమో! 

Posted by at

No comments:

Post a Comment

Subscribe to: Post Comments (Atom)