ఓ నా నిచ్చెలీ

అంశం: కలవో !కథవో! కవితవయ్యావో!

శీర్షిక: *ఓ నా నిచ్చెలీ!*

అందమైన ఓ నా చెలీ!
వయ్యారం నీ నడక  సుందరం నీ సౌందర్యం
అద్బుతం నీ నుదుట సిందూరం
మనోహరం హంస రెక్కల వంటి నీ కనురెప్పలు!

ఎందుకో ఆ అలక!
నల్లని మేఘాల కురులను తాకలేదనా
చిగురాకు పచ్చ చీరను నీకు చుట్ట లేదనా
సముద్ర కెరటాలలా ఎగిసి పడే సొగసులను
పొగడలేదనా
అవునులే స్త్రీల మనోగతం తెలుసు కోవడం
కష్టమే మరి!

ఓ నా నిచ్చెలీ!
నీ అలక తీర్చ నేనేమి చేయను
మురళీ రవం ఊదనా జోల పాట పాడనా
స్వర్గాన్ని నీ ముందుకు తీసుకొనిరానా!

ఓ అరవిరిసిన ప్రియతమా!
*కలవో! కథవో! కవితవయ్యావో!*
ఓహో! అర్ధమైందిలే నీ ఆహార్యాలు
వస్తుందిలే ఇక మధు మాసం
తీరుతుందిలే నీ సుందర స్వప్నం
తృప్తి నొందునులే నీ మానసం!