*శ్రీ రామానుజ ఫిలసాఫికల్ ఫౌండేషన్ ట్రస్ట్*
భారత దేశ మంతటికి గాను , దాతలు, శ్రేయోభిలాషులు మరియు అప్పటి జడ్జి *శ్రీమాన్ లేట్ గోపాల కృష్ణమూర్తి* గారు , పేద ప్రజలను / బంధువులను ఆదుకోవాలనే ప్రధాన ఉద్దేశ్యంతో *చాత్తాద శ్రీవైష్ణవ వెల్ఫేర్ ట్రస్ట్* 1997 లో ఆవిర్భవించింది. దీని రిజిస్ట్రేషన్ నెంబర్. 69 / 19997 .దీనికై సర్వశ్రీ బి . బాలకృష్ణ గారు , టి . రాజమన్నార్ గారు మరియు సూర్యనారాయణ గారు మొదలగు విశాఖ వాస్తవ్యులు చేసిన కృషి ఎంతో ప్రశస్త నీయమైనది. అయితే , ఆ తరువాత ఒక సంవత్సరం వరకు , ఇందులో ఎలాంటి కార్యక్రమాలు జరుగలేదు.
ఆ తరువాత , ప్రజాకాంక్షను కోరే పెద్ద మనసు గల దాతలు, శ్రేయోభిలాషులు కొందరు కలిసి ట్రస్టీస్ గా ఏర్పడి 1998 లో , దీని పేరును *శ్రీ రామానుజ ఫిలసాఫికల్ ఫౌండేషన్ ట్రస్ట్* గా మార్చడం జరిగినది.
దీని యొక్క రిజిస్టర్డ్ ఆఫీస్: ఎం .ఐ . జి . II -97 , సెక్టార్ - 3 , ఎం . వి .పి. కాలనీ ,విశాఖపట్నం - 530017 . ఆంధ్ర ప్రదేశ్ .
హైదరాబాద్ చాప్టర్ ఆఫీస్: 2 - 2 - 1146 - 7 - 12 / 1 , న్యూ నల్లకుంట , నర్మదా భవన్, శివమ్ రోడ్ , హైదరాబాద్ - 500044 . తెలంగాణ .
*ఆబ్జెక్టివ్స్ ఆఫ్ ట్రస్ట్:*
01 . కుల మతాలతో సంబంధం లేకుండా , పేద విద్యార్థుల విద్యార్జన కొరకు ఉపకార వేతనములు మరియు ఇతర సదుపాయాలు కలుగ చేయడం.
02 . పేద , బిక్కు , వితంతువులకు , వృద్ధులకు, వైద్య సదుపాయాలు కలుగజేయడం .
03 . నిరుద్యోగులకు , శారీరక వికలాంగులకు ఆర్ధిక సహాయాన్ని అందించడం.
04 . ఇతర ప్రజా చారిటబుల్ ట్రస్ట్ లకు , ఇన్స్టిట్యుషన్స్ కు మరియు అసోసియేషన్స్ కు అన్నధానాలకు నిధులు ఇవ్వడం .
05 . నిరుద్యోగులు ఉద్యాగాలు పొందడానికి , ట్రైనింగ్ సహకారాలను అందించడం.
06 . నీతివంతమైన , సాంఘీక , వైజ్ఞ్జ్యానిక, సాహిత్య మరియు ఆధ్యాత్మిక పుస్తకాలను పబ్లిష్ చేయడం, మొదలైనవి .
*శ్రీ రామానుజ ఫిలసాఫికల్ ఫౌండేషన్ ట్రస్ట్* చైర్మన్ గా *శ్రీ కర్పూరం వెంకటేశ్వర్లు* గారు 2010 వరకు చైర్మన్ గా కొన సాగారు . ఇప్పటికీ ట్రస్ట్ మెంబెర్ గానే కొన సాగుతున్నారు . ఆ తరువాత శ్రీమంతుడు *శ్రీ దాస్యం మురళీధర్ స్వామి* గారు చైర్మన్ గా ఉన్నారు .
ఇప్పడు * శ్రీ మాచవరం వెంకటేశ్వర్లు* గారు చైర్మన్ గా కొన సాగుతున్నారు.
ఇప్పుడు *శ్రీ రామానుజ ఫిలసాఫికల్ ఫౌండేషన్ ట్రస్ట్* , మన చాత్తాద శ్రీవైష్ణవ సంఘానికి అనుబంధం గానే నడుస్తున్నది.
*శ్రీ రామానుజ ఫిలసాఫికల్ ఫౌండేషన్ ట్రస్ట్* కు ఎంతోమంది దాతలు, దానకర్ణులు ,విశాల హృదయులు విరాళాలు ఇచ్చారు. ముఖ్యంగా చెప్పుకోవాల్సింది , దానకర్ణురాలు Dr.*శ్రీమతి నర్మద* గారు . Dr. *శ్రీమతి నర్మద* గారు సుమారుగా 80 వేల డాలర్లు , వాయిదాల పద్దతిలో ఇచ్చారు . అప్పుడు మన కరెన్సీలో చూసుకుంటే సుమారుగా 40 లక్షల రూపాయలు. అప్పుడు వారి అనుమతితో సుమారుగా 23 లక్షలను ఫిక్షుడు డిపాజిట్ చేసి , కొంత డబ్బును *నర్మదా భవన్* నిర్మాణానికి ఖర్చు చేశారు.
*శ్రీ రామానుజ ఫిలాసఫికల్ ఫౌండేషన్ ట్రస్ట్* కార్యక్రమాల గురించి , అప్పటి గౌరవ కార్యదర్శి *శ్రీమాన్ దాస్యం మురళీధర్ స్వామి* 2005 రిలీజ్ ఐన సావనీర్ లో ఏమి అన్నారో వారి మాటలలోనే చూడండి.
*మన సమాజంలో చాల మంది బీద వారున్నారు . వారిలో ఎక్కువ మంది అతి బీద వారు గ్రామీణ ప్రాంతాలలోనే ఉన్నారు . వీరి సంపాదన కనీసం కూడు , గుడ్డకు సరిపోదు . కొంత మంది తమ పిల్లలకు ప్రభుత్వ పాఠశాలలో కూడా ఉచిత విద్యను అందించలేని పరిస్థితులలో ఉన్నారు . పేదరికంతో , అజ్ఞ్యానంతో , అనారోగ్యంతో ఇబ్బందులు పడుతూ కాలం వెళ్లబుచ్చుతున్నారు. కొన్ని సందర్భాలలో సంపాదించే కుటంబ సభ్యుల అకాల మరణంతో భార్యా పిల్లలు దిక్కులేని స్థితికి చేరుకుంటున్నారు. మరియు కుటుంభంలో సంపాదించే కుమారులు సైతం వేరు పడటంతో వృద్ధులకు నిలువ నీడ లేని పరిస్థితులు ఏర్పడుతున్నవి*.
*పై సమస్యల బాధల నివారణకై రాష్త్ర , కేంద్ర ప్రభుత్వాలు ఎన్నో పథకాలతో విశేషంగా కృషి చేస్తున్నవి. కొన్నిమానవతా సంస్థలు వారికీ నచ్చిన ఆశయాలతో వారి పరిధిలో కొందరి బీద వారికీ సహాయం చేస్తున్నారు. ఇవి కాక కొన్ని ఆర్ధికంగా నిలదొక్కుకున్న కుల సంస్థలు , వారి కులం లోని బీదలకు ఆర్ధిక సహాయం అంద చేస్తున్నాయి . వీటన్నిటి వలన కూడా అందరి బీదలకు పూర్తి స్థాయిలో సాయం అందడం లేదు*.
బీదల పాట్లు , కష్టాలు ఎలా ఉంటాయో , 2005 లోనే సావనీర్ లో *శ్రీ దాస్యం మురళీధర్ స్వామి* గారు , చాలా చక్కగా రిపోర్ట్ చేశారు . *శ్రీ దాస్యం మురళీధర్ స్వామి* గారికి , మన సమాజం పట్ల , బీదల పట్ల ఎంతటి అవగాహన , సానుభూతి , దయ ఉందో ,దీనిని బట్టి మనం అర్ధ చేసుకోవచ్చు. అంతే కాదు . వారు పెద్ద మొత్తంలో విరాళాలు కూడా ఇచ్చిన దయార్ద్ర హృదయుడు.
ఇప్పటికీ ప్రతి సంవత్సరం ఎంతో మంది దాతలు దేశ , విదేశాలనుండి విరాళాలు పంపిస్తున్నారు. అంతే కాదు, పెద్ద ఉద్యోగంలో ఉన్న ఒక బంధువు , *శ్రీ రామానుజ ఫిలసాఫికల్ ఫౌండేషన్ ట్రస్ట్* కు , తన వేతనంలో , ప్రతి నెలా 1 % ఇస్తానని 2005 లోనే వాగ్దానం చేశాడు.
ఆ విధంగా వచ్చిన విరాళాలను ,డిపాజిట్ల పై వచ్చే వడ్డీలను మరియు ఇతర ఆదాయాలను 2003 వ సం. నుండి వృద్ధులకు , వితంతంతువులకు పింఛన్లు ఇస్తున్నారు . పేద విద్యార్థులకు ఉపకారవేతనాలు ఇస్తున్నారు . రోగులకు ఆర్ధిక సహాయం చేస్తున్నారు. కుల మత బేధం లేకుండా అన్నదానం నిర్వహించే నాలుగు సంస్థలకు నిధులను అంద చేస్తున్నారు . ముఖ్యంగా మన కమ్యూనిటీ కే అధికంగా నిధులను వెచ్చిస్తున్నారు.
అలానే ప్రతి సంవత్సరం ఆదాయపన్ను చట్టం ప్రకారం , విరాళాలను ఖర్చులను ఆడిటింగ్ జరిపిస్తున్నారు . ఆ విధంగా చేయడం వలన , ఆదాయపన్ను చట్టం విరాళాలలకు , 50 % పన్ను మినహాయింపులు కల్పిస్తున్నది. ప్రతి విరాళాలను , ఖర్చులను పారదర్శకంగా , మన పత్రికలో రెగ్యులర్ గా ప్రచురిస్తున్నారు.
ఎంత చక్కగా కార్యక్రమాలు నిర్వహించినా , చాల మంది బంధువుల నుండి కొన్ని ఆరోపణలు వస్తున్నవి. అవి ఏమిటంటే ,
01 . *శ్రీ రామానుజ ఫిలాసఫికల్ ఫౌండేషన్ ట్రస్ట్* ఉంది అన్న సంగతి , కమిటీ సభ్యులు ఎవరు ? ఎలా ఎన్నుకోబడుతారు ? దాని వలన ఎవరికి సహాయం అందుతుంది? మన కులం వారికేనా? ఇతర కులాల వారికి కూడానా? ఎవరు రెకమండేషన్ చేయాలి? అన్న విషయం సుమారుగా 70 % బంధువులకు తెలియదు.
02 . ప్రతి సం. రం. కేవలం కొన్ని శాఖలకే పెర్మనెంట్ గా సహాయం అందుతుంది. చాలా శాఖలకు ఆర్ధిక సహాయం అందడం లేదు. రాష్ట్రములో సుమారుగా 46 శాఖలున్నాయి . అంటే మిగిలిన శాఖలలో బీదలు , వృద్దులు , వికలాంగులు , వితంతువులు లేరా?
03 . ఎప్పుడు అప్లై చేయాలి? ఎవరికి అప్లై చేయాలి? ఏమేమి సబ్మిట్ చేయాలి? ఎవరికి అప్లికేషన్స్ సబ్మిట్ చేయాలి ? ఎవరు రికమండ్ చేయాలి? అనే విషయాలు పత్రికలో అడ్వాన్స్ గా రావడం లేదు . ఒక వేల వచ్చినా , సమయం అయిపోయాక చేతిక పత్రిక అందడం వలన , మరల సం . వరకు వేచి ఉండాల్సిన పరిస్థితి.
04 . ఎంతో మంది అధ్యక్షులు , శాఖల నుండి అప్లికేషన్స్ పంపించినా , ఇంత వరకు సమాధానం లేదు. అనే ఆరోపణలు ఉన్నాయి.
05 . విరాళాలు పంపించిన వారికి ఎంత శాతం పన్ను మినహాయింపు ఉంటుంది? , ఎలా క్లెయిమ్ చేసుకోవాలి? అనే వివరాలు తెలియడం లేదు అనే ఆరోపణలు వస్తున్నాయి.
06 . ఒక్క రోజు కూడా మీటింగ్ పెట్టి , ట్రస్ట్ గురించి బంధువులకు అవగాహన కల్పించిన దాఖలాలు లేవు అనే ఆరోపణలు వస్తున్నాయి .
07 . దాతలనుండి నిరంతరాయంగా విరాళాలు సేకరించి , పేదలకు ఆర్ధిక సహాయం అందించడానికి , కాల నియమాలు ఎందుకు అని ప్రశ్నిస్తున్నారు.
08 . ఆన్ లైన్ లో విరాళాలు అందిస్తే , పెండింగ్ లో ఉన్న మొత్తం ఇంత అని పత్రికలో ప్రకటించక పోవడం. పెండింగ్ లో ఉన్న బ్యాంక్ క్రెడిట్ మొత్తాలకు రసీదులు వ్రాసి పెట్టక పోవడం.
09 . ట్రస్ట్ ఫోన్ నెంబర్ ఏమిటి ? ఎవరిని కాంటాక్ట్ చేయాలి? వెబ్సైట్ , ఇమెయిల్ ఐడి ఏమిటి ?
ట్రస్ట్ పై అవగాహన పెంచుకోండి. ఈ ట్రస్ట్ రాష్ట్రం లోని అర్హులందరికి, ఉన్నంతలో ఆర్ధిక సహాయం అందిస్తుంది. తాహత్తు ఉన్నవారు విరాళాలు ఇవ్వండి . పన్ను మినహాయింపులను పొందండి. అడుగడుగునా ప్రశ్నించే తత్వం పెంచుకోండి. అర్హులైన వారు , శాఖల అధ్యక్షుల ద్వారా అప్లై చేయండి. ఆ తరువాత కూడా ఎందుకు రాలేదో విచారించండి. అనర్హులు లబ్ది పొందితే నిలదీయండి. మౌనం చాలా ప్రమాద కరం*.