REDUCE OF INTEREST RATES ON POST OFFICE SAVING SCHEMES W.E.F.01.04.2017.

ప్ర : మూలిగే నక్కపై , తాటికాయ పడ్డట్టు అంటే ఏమిటి ?

జ : ఒక వైపు నిత్యావసరాల ధరలు , పెట్రోల్  ధరలు  , పాల  ధరలు , వంట గ్యాస్ ధరలు ,  మందుల ధరలు , వైద్య ఖర్చులు , విద్యా ఖర్చులు   పెరుగుతుంటే , మరో వైపు  ఏప్రిల్ 1, 2017 నుండి చిన్న మొత్తాల  (పోస్టాఫీస్ ) పొదుపు పధకాల  వడ్డీ  రేట్లు  0. 1%  కేంద్ర ప్రభుత్వం తగ్గించింది . ఇక రేపో మాపో  బ్యాంకులు కూడా అదే బాటనా  నడుస్తాయి . పెట్రోల్ ధర  నెలకో రూపాయి  పెరిగి పోతుంది . పాల ధరలు (విజయ )  లీటరుకు  రూ . లు . 2/- ఏప్రిల్ 1, 2017 నుండే  పెంచేశారు . ఇక బ్యాంకులలో  డబ్బులు పరిమితికి మించి వేసినా  తీసినా , కనీస నిల్వలను  మెయింటేన్  చేయక పోయినా , ధనిక పేద తార తమ్యం లేకుండా  చార్జీలు  పడబోతున్నాయి . అందుకే  'మూలిగే నక్కపై , తాటి కాయ పడ్డట్టు ' అనే సామెత  , 'గోరు చుట్టుపై  రోకటి పోటు ' అనే సామెత  మరియు  'కాలిన గాయంపై  కారం చల్లినట్లు ' అనే సామెత  దీనికి చక్కగా వర్తిస్తుంది . అయితే , 'గుడ్డిలో మెల్లెలా '  శుభ వార్త  ఏమంటే  సేవింగ్  అకౌంట్ పై  వడ్డీ  రేటు తగ్గించ లేదు . అదే 4% కంటిన్యూ  అవుతుంది . 

ఏప్రిల్  1, 2017  నుండి  స్టాఫీసులలో , చిన్న మొత్తాల పొదుపు పధకాలపై వడ్డీ రేట్లు (POST OFFICE SAVING SCHEMES INTEREST RATES) ఇలా  ఉండ బోతున్నాయి. 

 అయితే  తేది . 31.03.2017  నాటికి చేసిన  పొదుపుపై  ఎలాంటి మార్పు ఉండదు . పోస్టాఫీసులలో  , చిన్న మొత్తాల  పొదుపు పధకాలపై   సవరించిన వడ్డీ రేట్లు:పొదుపు పధకాలు :  ప్రస్తుత వడ్డీ రేట్లు  %       సవరించిన  వడ్డీ రేట్లు %                                                  (Till 31.03.2017)     (From 01.04.2017)

 01. సేవింగ్  డిపాజిట్                        4.0                                4.00              

 02. 1 సం . డిపాజిట్                         7.0                                 6.90             

 03. 2 సం . డిపాజిట్                         7.1                                 7.00              

 04. 3 సం . డిపాజిట్                         7.3                                 7.20             

 05. 5 సం .  డిపాజిట్                        7.8                                 7.70             

 06. 5 సం .రికరింగ్  డిపాజిట్             7.3                                 7.20              

07. 5 సం . వృద్దుల సేవింగ్ డిపాజిట్ 8.5                                  8.40           

08. 5 సం .  ఎం . ఐ . ఎస్ . డిపాజిట్  7.7                                 7.60             

09. 5 సం .ఎన్ . ఐ  . సి .  డిపాజిట్    8.0                                 7.90            

10. పి . పి. ఎఫ్ . డిపాజిట్                  8.0                                 7.90          

11. కిసాన్ వికాస  . డిపాజిట్               7.7                                 7.60            

12. సుకన్య సమృద్ధి ఖాతా                  8.5                                  8.50

నోట్ : ఈ  వడ్డీ రేట్లను  కేంద్ర ప్రభుత్వం  ప్రతి 3 నెలల కొక సారీ  సవరిస్తుంది . వడ్డీ రేట్లను తగ్గించడానికి , పెంచ డానికి  అనేక  విషయాలను పరిగణలోకి తీసుకుంటారు . అందులో ముఖ్యమైనవి  , ద్రవ్యోల్భణం , ద్రవ్య చలామణి , పోస్టాఫీసులలో , బ్యాంకులలో  డిపాజిట్లు మొదలైనవి . పెద్ద నోట్ల రద్దు పుణ్యాన  పోస్టాఫీసులలో , బ్యాంకులలో  నగదు  డిపాజిట్లు  దండిగా  పెరిగాయి . ద్రవ్యోల్భణం  సాధారణ  స్థాయిలో  ఉంది . రుణ వితరణ  సాధారణ స్థాయిలో ఉంది . ఆ కారణంగా  వడ్డీ రేట్లు  ఇప్పట్లో పెరిగే  అవకాశాలు  చాలా తక్కువ .  బ్యాంకుల వడ్డీ రేట్లతో  కంపేర్ చేస్తే , పోస్టాఫీస్  వడ్డీ రేట్లు మెరుగే అని చెప్పాలి .  అయితే  లిక్విడిటీ , వేగం , ఏజెంట్లబెడద , సాంకేతిక శక్తి , స్వేచ్చను   చూసుకుంటే , కొద్దిగా వడ్డీ తక్కువైనా  బ్యాంకులే  బెటర్ అని చెప్పాలి . 

మరింత సమాచారం  కొరకు  మీకు దగ్గరలోని పోస్టాఫీసులను  సంప్రదించి  పొదుపు నిర్ణయాలు తీసుకోగలరు .