*కోవిద్ - 19 * (Covid-19) వలన ఏర్పడిన ఆర్ధిక మాంద్యం నుండి బయట పడటం ఎలా?

*కోవిద్ - 19 *  (Covid-19) వలన ఏర్పడిన ఆర్ధిక మాంద్యం నుండి బయట పడటం ఎలా?

*కోవిద్ - 19 * (Covid-19)  వలన దేశం మొత్తం దిగ్బంధం (లాక్ డౌన్) అయిన విషయం ప్రతి ఒక్కరికి తెలిసిందే. వేలాది కరోనా పాజిటివ్ కేసులు , వందలు దాటిన మరణాలు చూస్తున్నాం. ఉత్పత్తి , రవాణా , సేవలు అన్నీ స్తంభించి పోయాయి. ఇది కేవలం మన ఒక్క భారత దేశానికి సంబంధించిన విషయం కాదు . ప్రపంచం లోని 218 దేశాలకు ఈ కరోనా వైరస్ మహమ్మారి విస్తరించింది.

అయితే ఇక్కడ మన ప్రభుత్వాలకు మూడు సమస్యలు స్పష్టంగా కనబడుతున్నాయి .

01 . కరోనా వైరస్ ను ఎలా అరికట్టాలి?
02 . పేద మధ్య తరగతి లోని వివిధ వృత్తుల వారిని ఎలా ఆదుకోవాలి? ఉత్పత్తులను , సేవలను అందించే కంపెనీలను ఎలా ఆదుకోవాలి?
03 . ఇంతగా నష్ట పోతున్న ఆర్ధిక వ్యవస్థను గాడిన పెట్టడం ఎలా?

మన ప్రధాన మంత్రి శ్రీ నరేంద్ర మోడీ గారి గొప్ప సారధ్యానికి , దేశ 130 కోట్ల ప్రజల సంపూర్ణ మద్దతు ఉంది కాబట్టి , మరో పదిహేను, ఇరువై రోజులలలో మొదటి రెండు సమస్యలు పూర్తిగా సమసి పోతాయి . అందులో ఏ మాత్రం సందేహం లేదు.

ఇక మిగిలింది , కేవలం ఆర్ధిక వ్యవస్థను ఎలా పరుగు పెట్టించాలి? ఎలా పూర్వ వైభవం తీసుక రావాలి?

ఇది ఆశామాషి విషయం కాదు. అయినా అసాధ్యం మాత్రం కాదు. మనసు ఉంటే మార్గం ఉంటుంది అన్నట్లు , మన ప్రధాన మంత్రి గారు ,29 రాష్ట్రాల ముఖ్య మంత్రులు , ఇప్పటి లాగానే ,వైద్య నిపుణుల సలహాలకు బదులు, ఆర్ధిక నిపుణుల సలహాలను తీసుకుని , చర్చించి , వారి సూచనల కనుగుణంగా , ఆర్ధిక కార్య క్రమాలను రూపొందిస్తూ , ఇప్పటి లాగానే ప్రజలలో ధృడ సంకల్పాన్ని కూడా గట్ట గలిగి , ప్రజలలో పట్టుదలను , మనో ధైర్యాన్ని , ఉత్సాహాన్ని నింప గలిగితే , ఈ ఆర్ధిక మాంద్యాన్ని , ఒకటి రెండు సంవత్సరాలలో అధిగ మించడం ఏమంత కష్టం మాత్రం కాక పోవచ్చని నేను భావిస్తున్నాను.

ధనికులపై ఈ ఆర్ధిక మాంధ్యం ప్రభావం ఏమి ఉండదు. వీరు హాయిగానే జీవించ గలరు. పేదలను ఎదో విధముగా ప్రభుత్వాలే ఆదుకుంటాయి. వచ్చిన సమస్యల్లా మధ్య తరగతి వారికే.

ఇప్పుడు మధ్య తరగతి ప్రజలు జీవించడానికి చేయ వలసినదల్లా , వివిధ రకాల మార్గాల ద్వారా ఆదాయాన్ని పెంచు కోవాలి. ఖర్చులు తగ్గించు కోవాలి. సరదాలు , జల్సాలు , వృధా ఖర్చులను తగ్గించు కోవాలి . ముందుగా సేవింగ్స్ ను కొంత ప్రక్కకు పెట్టాలి . మిగిలిన దానిని మాత్రమే ఖర్చు పెట్టాలి.

ప్రతి ఒక్కరూ పరిసరాలను , వ్యక్తిగత శుభ్రతను విధిగా పాటించాలి.

ఇక్కడ మనం ఒక విషయం గుర్తు పెట్టు కోవాలి. గత 40 , 50 సంవత్సరాలనుండి చూస్తే , ప్రజల మధ్య ఆర్ధిక అంతరాలు బాగా పెరిగి పోతున్నాయి. దీనికి కారణాలు అనేకం ఉన్నాయి . ఆ కారణంగా నేడు , దేశ సంపద అంతా , కేవలం 10 % ప్రజల మధ్యనే ఉంది . మిగిలిన 90 % ప్రజలలో 50 % ప్రజలు మధ్య తరగతి వారు , 40 % మంది బిలో పావర్టీ లైన్లో ఉన్నారు.

*కేంద్ర ,రాష్ట్ర ప్రభుత్వాలు ముఖ్యంగా చేపట్టవలసిన చర్యలు*:

01 . దేశ సంపద అంతా 10 % ప్రజల చేతిలో నే ఉందని చెప్పుకున్నాం . ప్రభుత్వాలు , నాయకులు ఆ 10 % ప్రజలలో మనసు మారేటట్లుగా , దేశ భక్తిని , దేశ పరిస్థితులపై సానుభూతి పెంచాలి . వారి వద్ద ఉన్న నల్ల ధనం లో కనీసం 25 % ప్రభుత్వాలకు ఇచ్చేటట్లుగా ఒప్పించాలి . ఇక వారిని , ఈ నల్ల ధనం ఎక్కడిదని అడుగుమని అభయ మివ్వాలి . ఆ తరువాత కూడా , విచారణ చేయ కూడదు.

02 . ఒక రోజు ముఖ్య మంత్రి శ్రీ కె . సి . ఆర్ గారు చికెన్ , మటన్ తినడం వలన ఇమ్మ్యూనిటి పెరుగుతుంది , తినవచ్చు అని అన గానే , తెల్లవారే అక్కడ ప్రజలు బారులు తీరారు . రియాక్షన్ అలా ఉంటుంది .అంతకు ముందు చికెన్ తింటే కరోనా వస్తుందని భయ పడి తినడమే మానేశారు . ఉచితంగా వండి వడ్డించారు . అలానే ప్రధానమంత్రి , ముఖ్య మంత్రులు , విదేశీ వస్తువులను వాడ కూడదు , స్వదేశీ వస్తువులనే వాడటం వలన మన దేశం అభివృద్ధి చెందు తుంది , మనం ఆరోగ్యంగా జీవించ గలుగుతాం అని , ప్రజల మనుషుల్లో నాటుకునే వరకు చెబుతూ ఉంటే , ప్రజలు స్వదేశీ వస్తువులు అధికంగా వినియోగిస్తారు . అప్పుడు మనం దేశ జి . డి .పి. పెరుగుతుంది . అభివృద్ధి చెందిన దేశంగా గుర్తింపు పొందుతుంది.

03. కోవిద్ -19 మహమ్మారి కి సంబంధించి , "వరల్డ్ హెల్త్ ఆర్గనైజషన్ " జాతీయ విపత్తు కారణంగా భారత దేశానికి రావాల్సిన నిధులపై వత్తిడి తేవాలి.

04 . మరో 5 లక్షల కోట్లను ప్రజల సంక్షేమ పథకాలకు విడుదల చేయాలి.

05 . ఉత్పాదక సంస్థలకు , సేవా సంస్థలకు , రవాణా సంస్థలకు ఎలాంటి ఆటంకాలు సృష్టించ కుండా , వాటి యధావిధి ఉత్పత్తులను, సేవలను కొనసాగించే విధంగా వెసులుబాటు కలిగించాలి.

06 . అసంఘటిత వ్యవసాయ కార్మికులను , పట్టణాల వైపు చూడకుండా , గ్రామాల లోనే ఉపాధి కల్పించాలి .కొత్త ఉపాధులను క్రియేట్ చేయాలి . చేతి వృత్తులను పెంచాలి.

07 . ప్రతి భారతీయుడు తినే ఆహారాన్ని , మన రైతులే పండించే విధంగా , రైతులకు , సబ్సీడీలు ,ప్రోత్సహకాలు యధావిధిగా కొనసాగించాలి .వ్యవసాయానికి సంబంధించిన సలహాలు , సహకారాలను అందించాలి. రైతులు పండించిన ధాన్యానికి గిట్టుబాటు ధరను కలిగించాలి. మధ్య దళారులను తొలగించాలి . ధాన్యాన్ని కొంత కాలం నిల్వ చేసుకోడానికి , కోల్డ్ స్టోరేజ్ గోడౌన్ లను ప్రతి మండలంలో ఏర్పాటు చేయాలి . రైతులే వారి కూరగాయ పంటలను, వారే మార్కెట్లో అమ్ముకునే విధంగా అవకాశం కల్పించాలి. రైతులకు భీమా , పంటలకు భీమాలను ఖచ్చితంగా అమలు చేయాలి.

08. వ్యవసాయ భూములకు ఇచ్చే , ఎకరానికి 8 వేల రూపాయలను , నిజమైన వ్యవసాయదారులకు (రైతులు కావచ్చు , కౌలు దారులు కావచ్చు) ఇవ్వాలి గాని , భూస్వాములకు ఇవ్వకూడదు . 10 ఎకరాల భూమి ఉన్న వారినందరిని భూస్వాములుగా గుర్తించాలి . నాగలి పట్టో , మెషెన్ ను పట్టో దున్నే వాడే రైతు . భూస్వాములకు కౌలు డబ్బు వస్తుంది , భూముల ధరలు పెరుగుతే , ఆ డబ్బు వారికే చెందుతాయి. అలానే మైనింగ్ చేసే వారు , ఒక్క పంట కూడా పండించరు . వారిని రైతులు అనడం , వారికీ ఎకరానికి 8 వేలు ఇవ్వడం తక్షణమే నిలిపి వేయాలి.

09 . భారత దేశంలో దొరకని ముడి సరుకులు, మెషినరీ తప్పా , ఎలాంటి ఆహార పదార్ధాలను, డ్రింక్స్ ను , మందులను రెండు మూడు సంవత్సరాలు దిగుమతి చేయ కుండా నిషేధించాలి . మన ఆరోగ్యాలను పాడు చేసేవే విదేశీ ఆహార పదార్ధాలు.

10 . వ్యక్తి గత ఆదాయ పన్నుల మినహాయింపు పరిమితిని 5 లక్షలకు పెంచాలి . నికర ఆదాయం 5 లక్షలు మించుతేనే రిటర్న్ ఫైల్ చేసే విధంగా మార్పులు చేయాలి. ఇవి అన్ని వయస్సుల వారికీ సమానంగా ఉండాలి. మిగిలిన మినహాయింపులు యధావిధిగా కోన సాగించాలి.

11 . కట్టు దిట్టమైన నిభంధనలతో పర్యాటక రంగాన్ని అభివృద్ధి పరచాలి.

12 . విదేశీ పెట్టుబడులను ఆహ్వానించే విధంగా , నిభందనలను సడలించాలి.

13. ప్రజలకు బ్యాంకులపై నమ్మకాన్ని కలిగించాలి .ప్రజలకు మరియు బ్యాంకులకు లాభదాయకతను పెంచాలి. బ్యాంకులపై రాజకీయ నాయకుల వత్తిడి తగ్గించాలి. బ్యాంకులు ఇచ్చే లోన్లపై , ఎదుటి వారి వ్యాపారాల లాభదాయకతను, సెక్యూరిటీలను అస్సెస్స్ చేసే నిపుణులను బ్యాంకులలో నియమించాలి . సేవింగ్ అక్కౌంట్లపై వడ్డీ రేటును పెంచాలి . కోటి రూ . లు దాటిన ఎఫ్ . డి . లపై వడ్డీ రేట్లను తగ్గించాలి.

14 . విదేశాలలో ఉద్యోగాలు చేస్తున్న వారిని , విద్యార్థులను విదేశాలకు పంపించి వేయాలి . వారికి అన్ని విధాలుగా సహకారాలు అందించాలి.

15 . చదువుకుని ఖాళీగా ఉన్న విద్యార్థులకు, వారి స్వభావానికి అనుకూలమైన 

ఎదో ఒక రకమైన ఉపాధిని కల్పించాలి . కొత్త ఉపాధులను క్రియేట్ చేయాలి.

16 . పెట్రోల్ , డీజిల్ ఉత్పత్తుల వినియోగం సాధ్యమైనంత వరకు తగ్గించాలి. ఇక్కడే సుమారుగా 70 % మొత్తం మనం డబ్బు విదేశాలకు వెళుతుంది . దీనికి ఆల్టర్ నేటివ్ గా విద్యుత్ ను లేదా సోలార్ శక్తిని అభి వృద్ధి పరచాలి.

17 . భారత దేశంలో పుట్టిన ప్రతి ఒక్కరూ మేధావే . ప్రతి ఒక్కరిలో తెలివి తేటలు ఉన్నాయి  . తన దేశం లేదా తన రాష్ట్రం లేదా తన జిల్లా లేదా తన గ్రామం అభి 

వృద్ధి గురించి చెప్పే సూచనలను , సలహాలను పరిగణలోకి తీసుకుని , ఒక నిపుణుల కమిటీలో చర్చించాలి. ఉపయోగం అనిపించిన వాటిని , అమలు చేయాలి.

ప్రభుత్వాలు ఈ చర్యలు చేపట్టినట్లవుతే , దేశ ప్రజలు ఇప్పటి లాగానే ప్రభుత్వాలకు సహక రించినట్లయితే , భారత దేశం కేవలం రెండు మూడు సంవత్సరాలలోనే , నేటి కరోనా వైరస్ సమస్యలవలన ఏర్పడిన ఆర్ధిక ఇబ్బందులను ,ఆర్ధిక మాంధ్యం నుండి తప్పకుండా గట్టెక్క గలదు.

*మార్గం కృష్ణ మూర్తి*

www.sollutions2all.blogspot.com