"నగదు రహిత వ్యవస్థ" (CASH LESS SOCIETY) కోసం సలహాలు ఏమిటి ?

ప్ర : "నగదు రహిత వ్యవస్థ" (CASH LESS SOCIETY)  కోసం  సలహాలు  ఏమిటి ?

జ : "నగదు రహిత వ్యవస్థ" (CASH LESS SOCIETY)   కోసం  అనేకమైన  సలహాలను  చెప్పు కోవచ్చు . అందులో  ముఖ్యమైనవి,

01. ముందుగా  ప్రజలలో" ఆర్ధిక  క్రమ శిక్షణ" ను  ప్రోత్సహించాలి . మితిమీరిన  కోరికలను  తగ్గించుకునే విధంగా  వారిని సిద్ధం చేయాలి . (MUST PREPARE  THE PEOPLE TO  FINANCIAL PLAN AND TO REDUCE THE ABNORMAL DESIRES).

02. వృధా ఖర్చులను  తగ్గించుకునే విధంగా   మరియు  పొదుపును  పెంపొందించుకునే  విధంగా  ప్రజలను మోటివేట్  చేయాలి . ఆ విధంగా  నగదు వాడకాన్ని / చలామనిని  తగ్గించాలి.

03. ప్రభుత్వమే  సరిపడే  అన్ని  "ప్లాస్టిక్  టోకెన్స్"  తయారు  చేసి  ప్రజలకు పంపిణీ చేయాలి . "ప్లాస్టిక్  టోకెన్స్" రూ . లు .20/-, 10/-,5/-, 2/- మరియు 1/- డినామినేషన్లలో   తయారు  చేయాలి .  వాటిపైన  క్లియర్  గా  " ON DEMAND WE WILL PAY RS.---- TS" అని  ముద్రించాలి . వీటిని  సరఫరా చేయడానికి , ప్రతి  ప్రభుత్వ సంస్థ  వద్ద  ( ఉదా ; RTC, GHMC, MEE SEVA, ELECTRICITY DEPT., GOVT. HOSPITALS ETC.,) స్వైపింగ్ మెషన్లను  ఏర్పాటు చేయాలి . అక్కడ  అవసరమైన వారు  కార్డును  స్వైపింగ్  చేసి టోకెన్స్ తీసుకునే విధంగా మరియు  వద్దనుకున్నపుడు  టోకెన్స్ వాపస్ చేసి  నగదు తీసుకునే విధంగా లేదా  బ్యాంకు అకౌంటుకు గాని  పోస్టాఫీస్  అకౌంటుకు గాని  జమ చేసే విధంగా   ఏర్పాటు చేయాలి . ఈ  "ప్లాస్టిక్  టోకెన్స్"  ను  అన్ని చోట్ల  ఆక్సెప్ట్  చేసే విధంగా ( బస్సులలో , కిరానా షాపుల్లో , పాన్ షాపులలో , కూరగాయల మార్కెట్లో , పాలు అమ్మే చోట ) , ప్రభుత్వం  సర్క్యులర్ ను  విడుదల చేయాలి . 

04. గ్రామాలలో  పూర్వీకుల కాలం నాటి  "బార్టర్ విధానం " (BARTER SYSTEM)  ను ప్రోత్సహించాలి . "బార్టర్ విధానం " అనగా , ఒకరి వస్తు  సేవలను వాటి విలువ ఆధారంగా  , మరొకరి  వస్తు  సేవలతో  మార్పిడి చేసుకోవడం అన్న మాట . ఉదా :   A  అనే వారికీ  1కె జి . బెండకాయలు కావలి .  అవి  B వద్ద ఉన్నాయి . B  వాటి విలువకు సమానంగా  పావు శేరో , అద్ద  శేరో  వడ్లో , జొన్నలో తీసుకుని  బెండ కాయలు  ఇస్తారు  . అలానే సేవలు . ఈ రోజు మీరు మాకు పనికి వస్తే , మీకు అవసరమైనప్పుడు  మేము మీకు పనికి వస్తాము .  ఇలా  అనేక మైన  వాటిని నగదు లేకుండా  అవసరాలు తీర్చు కోవచ్చు . 

05. రేషన్ షాపులలో , "బయో మెట్రిక్  సిష్టం " ద్వారా  అంటే వేలు ముద్రల ద్వారా , వారి బ్యాంకు అకౌంటుకు లేదా  పోస్టాఫీస్  అకౌంటుకు   డెబిట్ అయ్యే విధంగా  చేయాలి . ఇది విజయం కావాలంటే , రేషన్ కార్డు లు  ఉన్న వారందరికి  విధిగా  బ్యాంకు  అకౌంట్ ఉండాలి . అలానే  ఆధార్ కార్డు ఉండాలి . దీనికి బ్యాంకు అకౌంట్ కు లేదా  పోస్టాఫీస్  అకౌంటుకు లింక్ చేసి ఉండాలి . రేషన్ కార్డులోని సభ్యులే  రేషన్ షాపుకు వెళ్ళాలి . బ్యాంకు అకౌంట్ లేదా  పోస్టాఫీస్  అకౌంటుకులో  బ్యాలెన్స్  ఉండాలి .  మెషన్లో  అకౌంట్ నెంబర్  టైపు చేయగానే  బ్యాలెన్స్ తెలిసే విధంగా వ్ సాఫ్ట్ వేర్ తయారు చేయాలి . అలానే డెబిట్ అయినా తరువాత , దానికి సంభందించిన  రసీదు  వచ్చే ఏర్పాట్లు చేయాలి . లేదంటే మిస్యూజ్ అయ్యే అవకాశం లేక పోలేదు . 

06. గ్రామాలలో ని  పోస్టాఫీసులను  బలోపేతం చేయాలి . ప్రతి పోస్టాఫీసులో  ఎస్ . బి . అకౌంట్లు తెరిచే విధంగా  ఏర్పాటు చేయాలి .  ఏజెంట్లను దరి చేయ నీయ  రాదు . ప్రతి పోస్టాఫీసులో  ఒక స్వైపింగ్ మెషిన్  ను  ఏర్పాటు చేయాలి . పోస్టల్ చార్జీలను  చెల్లించడానికి  డబ్బు పొదుపు చేసుకోడానికి ,  మనీ ట్రాన్స్ఫర్ చేయడానికి  వీలవుతుంది .

07.  నమ్మకమైన  ప్రజలకు  కిరానా  షాపుల వారు , కూరగాయలు అమ్మే వారు , ఇతర వస్తువులు అమ్మే వారు  నెల అంతా  ఉద్దెర (CREDIT)  ఇచ్చే ఏర్పాట్లు చేసుకుని , నెల తరువాత లేదా  జీతం వచ్చిన తరువాత  డెబిట్ కార్డు ద్వారా  లేదా  చెక్కు ద్వారా పేమెంట్ చేయవచ్చు . నమ్మకం లేని  ప్రజలు  అంటే  తెలియని  వ్యక్తులు కావచ్చు , డబ్బు ఎగ్గొట్టే వారు  కావచ్చు , అలాంటి  వారు ముందు గానే  డెబిట్ కార్డు ద్వారా  వారి వద్ద  బ్యాలెన్స్ పెట్టి  లేదా   ఒకే సారి నెల మొత్తం  సామాను  తీసుకుని  డెబిట్ కార్డు ద్వారా చెల్లించి  లేదా చెక్కు ఇచ్చి  కొనుక్కోవచ్చు . ఎక్కడా నగదు అవసరం ఉండదు . 

08. అన్ని భాషలలో  మొబైల్  పేమెంట్ విధానం , స్వైపింగ్ మెషిన్లను , పి.ఓ.ఎస్.  మెషిన్లను , ఈ . వ్యాలెట్స్ ను   విస్తృతంగా  అందుబాటులోకి తీసుకుని రావాలి .  ప్రజలకు  మొబైల్ బ్యాంకింగ్ అవగాహనపై  ట్రైనింగ్ ఇవ్వాలి . మోసాలు జరుగకుండా  ఏర్పాటు చేయాలి .  ఇంటర్నెట్ ను , కరెంటును  నిరంత  రాయంగా  సరఫరా  అయ్యేట్లు చూడాలి . 

09. సాధారణంగా  గ్రామీణ ప్రజలకు బస్తా నిండా  బియ్యం , కుండా నిండా నీరు  మరియు చేతిలో నగదు ఉంటె  , వారు  ఎంతో ధైర్యంగా (భద్రతగా ) ఫీలవుతారు . అలాంటిది  చేతిలో నగదు  లేక పోయే సరికి  వారికి  అభద్రతా భావం ఏర్పడుతుంది .  అందుకని ,  నగదు రహిత విధానం వలన  మనకే ప్రయోజనం  అని, బ్యాంకులో  ఉండడం వలన  మీ  డబ్బుకు పూర్తి భద్రత  ఉంటుందని , దానిపైనా   సాలుకు  4%  వడ్డీ  కూడా  జమ అవుతుందని, ప్రజలు  అర్ధం చేసుకునే విధంగా ( వారి వారి భాషలో) వారికి పూర్తి  నమ్మకం కలిగించ గలగాలి .  

10. ఉద్యోగులకు  వేతనాలను , వృద్ధులకు , వికలాంగులకు  మినహా అందరికి  పెన్షన్లను , వారి బ్యాంకు అకౌంట్లకే  ట్రాన్స్ఫర్ చేయాలి . 

11. పరిస్థితులను బట్టి  , ఎప్పటికప్పుడు  టెక్నోలోజీని  ఉపయోగించుకుని మార్పులు చేర్పులు చేస్తూ ఉండాలి . 

12. రోడ్ల పైనా , గుడుల వద్ద  , బస్సు  స్టాప్ లలో , మరెక్కడైనా  బిక్ష గాండ్లు  లేకుండా , ట్రైన్లల్లో కొజ్జాలు (చెప్పలేనటువంటి  చేస్టలతో) ,  డబ్బులు వసులు  చేయ కుండా  ప్రభుత్వాలు నిషేధించాలి . వారి వెనుకాల ఉన్న  బ్రోకర్లను  కట్టడి చేయాలి .  నిరు పేదలైన , ఏ ఆసరా లేని  వారికి , అంగ వికరులకు , వృద్దులకు  ప్రభుత్వమే  జీవనోపాధి కలిగించాలి . వసతి కల్పించాలి .    ప్రజలు కూడా ఒక్క రూపాయి కూడా వేయ కూడదు . బిక్షాటన  వృత్తిని ప్రోత్సహించ కూడదు . నిజంగా వారు నిరు పేద  బిక్ష గాండ్లు  అయితే ,  వారిని  ఉత్పాదకతకు  వినియోగించుకోవాలి  గాని , సోమరులుగా తయారు చేయకూడదు . ట్రాఫిక్ కు , పాద చారులకు  ఇబ్బంది కలుగ కుండా  నిషేధించాలి .     

13. గుడులలో , దేవాలయాలలో  నగదు వేయడం నిషేధించాలి . ఇప్పడు గుడులు కమర్షియల్ అయినాయి .  ధన వంతులు , అధిక  డబ్బు ఉన్న వారు  డెబిట్ కార్డుల ద్వారా  , చెక్కుల ద్వారా , నెఫ్ట్ , ఆర్ . టి . జి . ఎస్  ల ద్వారా  చెల్లించ వచ్చు . లేదా ఆన్ లైన్ల ద్వారా చెల్లించ వచ్చు . ఒకరు హుండీలో నగదు  వేసే సరికి పేద వారు  కూడా వారిని  అనుసరించాల్సి వచ్చి  జేబులు  గుల్లా చేసుకుంటున్నారు . అత్యవసారాలకు చేతిలో చిల్లి గవ్వ లేకుండా పోతుంది . చిలుకూరు బాలాజీ  గుడిలో రూపాయి వేయకున్నా  పుణ్యం దక్కినప్పుడు , మన:శాంతి లభించి నప్పుడు , తిరుపతి , ఇతర  పెద్ద పెద్ద దేవాలయ హుండీల లో డబ్బు  వేస్తేనే పుణ్యం వస్తుందా ?  ఇక వీటికి తోడు , కుజ దోషమని , ఆ దోషమని  , ఈ దోషమనీ  దోచుకునే  పద్దతులను , మూఢ  నమ్మకాలను పూర్తిగా నిషేధించాలి .  టి . వి . ఛానళ్లలో , పేపర్లలో ప్రకటనలు  ఇచ్చి  ప్రజలను  భయబ్రాంతులకు గురి చేయ కుండా  ప్రభుత్వం  చర్యలు  చేపట్టాలి . 

14. ప్రజలకు   బ్యాంకింగ్ పై  పూర్తి  అవగాహన, భద్రత  ఏర్పడే వరకు , నమ్మకం కలిగేవరకు , నగదు  వ్యవరాలను కూడా  కంటిన్యూ  చేయాలి . అది కేవలం ఒక అప్షన్  మాత్రమే . అంతే కానీ, డిజిటల్ సిస్టం   ఇప్పుడే  మ్యాండేటరీ కాకూడదు .

www.sollutions2all.blogspot.com
www.margamkrishnamurthyideas.blog.com
www.margamkrishanamurthyideas.blogspot.com