ప్ర . 'స్టేట్ బ్యాంక్ అఫ్ ఇండియా ' (STATE BANK OF INDIA ) బ్యాంక్ , సేవింగ్స్ అకౌంట్లపైన చెల్లించే వడ్డీని 4% నుండి 3. 5% తగ్గించాక , పొదుపు చేసుకునే ప్రజలకు ప్రత్యామ్నాయం ( ALTERNATIVE SAVING METHODS WITH HIGH INTEREST RATES ) ఏమీ లేవా ?

ప్ర:  'స్టేట్ బ్యాంక్ అఫ్  ఇండియా ' (STATE BANK OF INDIA )  బ్యాంక్ ,  సేవింగ్స్  అకౌంట్లపైన  చెల్లించే వడ్డీని  4% నుండి  3. 5%  తగ్గించాక , పొదుపు చేసుకునే  ప్రజలకు  ప్రత్యామ్నాయం      ( ALTERNATIVE  SAVING METHODS WITH HIGH INTEREST RATES )  ఏమీ లేవా  ?

జ : 'స్టేట్ బ్యాంక్ అఫ్  ఇండియా ' (STATE BANK OF INDIA ) తీసుకున్న  నిర్ణయం , చిన్న పొదుపు దారులకు  పెను శాపంగా మారి పోయింది . ది . 31.07. 2017 . నుండి  కోటి రూపాయల  వరకు  పొదుపు చేసుకున్న  చిన్న మదుపు  దారులకు , అకస్మాత్తుగా   సాలుసరి వడ్డీని  4% నుండి 3.5% నికి  తగ్గించి వేసింది .  ఇక కోటి , ఆపైన  సేవింగ్ అకౌంట్లల్లో  పొదుపు చేసిన వారికీ  4%  వడ్డీని  యదా విధిగా  కొనసాగించ నుంది . రేపు  మిగిలిన  బ్యాంకులు  కూడా  అదే  బాట  పట్ట వచ్చు .   

వాస్తవంగా  చూస్తే , 3.50%  అంటే , రూ . లు . 100/-  365 రోజులు  పొదుపు చేస్తే ,  ఆ  తరువాత  బ్యాంకు వారు  మంకు   చెల్లించే  వడ్డీ  రూ . లు . 3.50/-. అంటే  రోడ్డు మీద  కనీసం  ఒక్క ' టీ ' కూడా రాదన్న మాట . అదే  బ్యాంకు వారు  మినిమమ్ బ్యాలన్స్  ఒక్క రూపాయి  తగ్గినా  100/- రూ . లు. మరియు జి ఎస్ టి  18% కలిపి  118 రూ . లు .  సేవింగ్  అకౌంట్లకు డెబిట్ చేస్తారు . కరెంట్ అకౌంట్లో  కోట్ల డబ్బు  ఉన్నా  రూపాయి  వద్దే చెల్లించారు .  పెద్ద వాండ్లు తీసుకున్న  లక్షల  కోట్ల రూపాయలను  సునాయాసనంగా  రద్దు చేస్తారు . ఆర్ . బి . ఐ  గణాంకాల  ప్రకారం  గత 5 సం . రాలలో  బ్యాంకులు రద్దు చేసిన రుణాలు , 2012-13 లో  27,231 కోట్లు, 2013-14 లో  34,409 కోట్లు , 2014-15 లో 49,018 కోట్లు ,2015-16 లో  57,586 కోట్లు   మరియు 2016-17 లో 81,683 కోట్లు  . మొత్తం  2,49,927  కోట్లు .   

సామాన్య  , మధ్య తరగతి  పొదుపు దారుల వద్ద  ఎక్కువ  డబ్బు ఉందనుకుని , వీరికి  ఆదాయ  అవకాశాలు అధికమని  అనుకుని  వడ్డీ రేటును  వీరికి  3.50%  తగ్గించారా లేక   కోటి , ఆపైన  పొదుపు చేసిన  వారు ,  పేద వారు అని  అను కుంటున్నారా   లేక వారి వడ్డీ  తగ్గిస్తే   బ్యాంకులో  ఉన్న డబ్బును  విత్ డ్రా  చేస్తారని  అనుకున్నారో  సామాన్య ప్రజలకు  తెలియడం లేదు . కోట్ల కొద్దీ  డబ్బు  కలిగి ఉన్నవారు ,   నిజాయితీగా  కోట్ల కొద్దీ డబ్బు సంపాదించి  పన్నులు  సక్రమంగా  చెల్లిస్తున్నారు  అని   వీరికి  వడ్డీని  యదా విధిగా   4%  ఉంచారా , లేదా  బ్యాంకులకు పేద వారిని నుండి  అయితే  ఎక్కువ  ఆదాయం  సంపాదించ వచ్చు  , ఏ పేచీ  కూడా  ఉండదు అని అను కున్నారా   ఏమో  పేద మధ్య  తరగతి  ప్రజలకు  పాలు  పోవడం లేదు .  వీటికి  తోడు   మదుపు దారులకే  , మినిమమ్  బ్యాలన్స్  చార్జీలు ,  అనేక మెయిన్  ఇతర చార్జీలు  పడుతుంటాయి .  31 మే  వచ్చిందంటే , ముక్కు పిండి  భీమా డబ్బులను వసూలు  చేస్తారు .  పేద వారు కాబట్టి  , ఒక వేల  సరిపడా బ్యాలన్స్ లేక పోతే ,  భీమా డబ్బులు  డెబిట్ కాక్క పోతే  ' జన్ ధన్ భీమా ' వర్తించదు . కరెక్టుగా  మినిమమ్ బ్యాలన్స్ వరకే  మెయింటైన్  చేస్తే , ఇలాంటి  భీమా డబ్బులు డెబిట్ అయినా , ఎస్ ఎం ఎస్  చార్జీలు  డెబిట్ అయినా , మినిమమ్ బ్యాలన్స్ తగ్గిందని  మరల చార్జీలు  డెబిట్ చేస్తారు . దీనికి  జి ఎస్ టి (GST) 15 %  నుండి  18% పెరగడం వలన  , కొంత కాలం పోతే బ్యాంకు లంటే ప్రజలకు విసుగు కలగ  వచ్చు . అప్పుడు  మరల ' బార్ట్ ర్  సిద్ధాంతాని ' (BARTER SYSTEM) కి  వెళ్లి పోయే అవకాశాలు మెండుగా  ఉన్నాయి . 

ప్రాక్టికల్ గా  ఆలోచిస్తే ,  కేవలం   వేయి  రూపాయల నుండి  5 లక్షలు  డబ్బు ఉన్న  పేద మధ్య తరగతి  ప్రజలు  మాత్రమే  , సేవింగ్ ఆకొంట్లలో  డబ్బును  అలానే నిల్వ ఉంచు కుంటారు . అధిక  మొత్తం  కోట్లల్లో  ఉన్న వారు  ( బినామీ అకౌంట్ హోల్డర్లు , ఫేక్ అకౌంట్ హోల్డర్లు , ఇన్ ఆపరేటివ్  అకౌంట్ హోల్డర్లు  , కోర్టు ప్రకారం  లావాదేవీలను  నిలిపివేసిన  హోల్డర్లు మినహాయిస్తే )  ఖచ్చితంగా  వారు  , ఇంత కంటే ఎక్కువ  ఆదాయం  లభించే  సాధనాలలోనే  డిపాజిట్ చేస్తారు . 

కాబట్టి  5 లక్షల  నగదు నిల్వలు  ఉన్న సేవింగ్ అకౌంట్లకు  4% వడ్డీని  ,  5 లక్షల నుండి  ఆపైన  ఒక కోటి  డబ్బులు  కలిగి ఉన్న సేవింగ్ అకౌంట్ హోల్డర్లకు  3.5% , కోటి ఆపైన  నగదు నిల్వలు  ఉన్న అకౌంట్లకు  3%  వడ్డీని  నిర్ణయిస్తే  బాగుండేదని  పేద మధ్య తరగతి  ప్రజల ఆలోచన . 

ఏది ఏమైనా  , నిర్ణయం జరిగి పోయింది కాబట్టి ,  చిన్న మదుపు దారులు , అధిక ఆదాయం కొరకు , వడ్డీ ఎక్కువ లభించే  ప్రత్యామ్నాయ  మార్గాల కొరకు  అన్వేషించక  తప్పదు . వాటిలో  ముఖ్య మైనవి ;

01.  సీజనల్ గా  చౌకగా దొరికే   మనకు  కావాల్సిన నిత్యావసర, మరియు  అత్యవసర    సరుకులను / వస్తువులను  3 నెలలకు  సరిపడా   లేదా  6 నెలలకు  సరిపడా ,లేదా 12 నెలలకు  సరిపడా    కొని  జాగ్రత్తగా నిలవ  చేసుకోవాలి .  దీని వలన  అధిక  పొదుపు కల్సి వస్తుంది . 

ఉదా : వర్షా  కాలంలో ఉల్లిగడ్డలు  రూ . లు .10/- కిలో ఉంటే  , అవే  ఎండా కాలంలో                  రూ. లు.100 /-  లకు  కిలో  అవుతుంది. చింత పండు  10/- కిలో  సీజన్లో ఉంటే  , 6 నెలల తరువాత  100/- కి కిలో అవుతుంది . నూనెలు , పప్పు దినుసులు, కరం , పసుపు , ఎల్లిగడ్డలు ,  బియ్యం, ధాన్యాలు  ఇలా ఎన్నో నిలువ ఉండే వస్తువులు / సరుకులు ఉన్నాయి . వాటిల్లో పొదుపు చేయండి . కుండలో  నీరు  నిండుగా ఉంటే ,  డబ్బాలో బియ్యం నిండుగా గా వుంటే   ఆ మానసిక  ధైర్యమే వేరు . జీవించగలమనే ధై ర్యం  ఏర్పడుతుంది , జీవించాలనే ఆశ కలుగుతుంది  .  నేటి మన  పొదుపు క్రమ శిక్షణే  పొదుపు మనకే కాకుండా , రేపటి తరాలకు కూడా  ఆటో మాటిక్ గా  పాసాన వుతుంది 

02. అధిక వడ్డీ లభించే  ఫిక్స్డ్ డిపాజిట్లల్లో  పొదుపు చేయాలి . కొన్ని బ్యాంకులు  7 రోజులు ఆ పైన రోజులకు కూడా  ఫిక్స్డ్ డిపాజిట్లను  ఇస్స్యూ చేస్తున్నాయి . అక్కడ  అక్కౌంట్స్ ఓపెన్ చేసుకుని  అక్కడ  పొదుపు చేయండి . ముందుగా  మీకు అకౌంట్ ఉన్న బ్యాంకులోనే  ఆరాతీయండి . ఎక్కడ వడ్డీ  ఎక్కువ వస్తుందో  అక్కడే  ఫిక్స్డ్ డిపాజిట్ చేయండి .  ఏ బ్యాంక్ అయితే దగ్గరగా ఉంటుందో , ఏ బ్యాంక్ అయితే  సరియయిన సేవలను అందిస్తుందో , ఏ బ్యాంక్ అయితే ఎక్కువ వడ్డీ   చెల్లిస్తుందో  అబ్యాంకునే ఎంచు కొండి .  చిన్న చిన్న మొత్తలుగా  ఫిక్స్డ్ డిపాజిట్లు చేయండి , ఆటోమాటిక్  రోలోవర్  అప్షన్ , మరియు  ఆన్  లైన్ ఎనీ వేర్ అప్షన్  కావాలని అడగండి .  నామినీ ని  రిజస్టర్ చేయ మనండి . 

03. బ్యాంకుల కంటే ,  పోస్టాఫీసులలో  కొంచెం అధికంగానే  వడ్డీ లభిస్తుంది .   వీటినైనా ఎంచు కోవచ్చు . కాక పోతే ఇక్కడ  ఏజెంట్ల బెడద అధికంగా ఉంటుంది . బ్యాంకులంత  స్పీడ్ ఉండదు . లిక్విడిటీ  తక్కువ . ఈ  10 నిమిషాల్లో ఓ 2 లక్షలు కావలనంటే  మీనా మేషాలు లెక్క బెడుతారు . కొంత మంది  క్లర్కులు  కొట్లాటకే  దిగుతారు. ఒక రోజు ముందుగా చెప్పాలని వాదిస్తారు . బ్యాంకులలో  అలాంటి  సమస్యలు  లేవు . 

04.  కాస్త చదువుకున్న వారు , షార్ట్ టర్మ్ కొరకు ,  మేలిమైన , మన్నికైన  ' మ్యూచువల్  ఫండ్స్ '  (MUTUAL FUNDS)  లలో ని  డెట్స్  ఫండ్స్ లలో గాని , లీక్వ్డ్ ఫండ్స్ ల లో గాని  పెట్టుబడులు చేయవచ్చు .  అదే లాంగ్ టర్మ్ కొరకయితే  లార్జ్ క్యాప్ ఫండ్స్లో  గాని , సెక్టార్ ఫండ్స్ ల లో గాని ,  పన్నులు తగ్గించే  ఫండ్స్  (ELSS)ల లో గాని  పొదుపు చేయ వచ్చు .  ఇక్కడ మరల  గ్రోత్  ఫండ్స్  లేదా  డివిడెండ్  అప్షన్లను ఎంచు కోవచ్చు .' సిస్టమాటిక్ ఇన్వెస్టుమెంట్ ప్లాన్  ' (SIP)  ద్వారా కూడా ఇన్వెస్ట్ చేయ వచ్చు . 'సిస్టమాటిక్ విత్ డ్రాల్  ప్లాన్ '(SWP)  ఎంచు కోవచ్చు . ఎక్కడైనా  50,000/- పొదుపు మించితే  ' పాన్ ' (PAN) కంపల్ సరి . అలానే ఇక్కడ పొదుపు  చేయాలనంటే  50,000/- లోపైనా  ' పాన్ '(PAN) అవసరం . 

05. మరింత అనుభవం  ఉన్న వారు  లాంగ్  టర్మ్ ఇన్వెస్ట్మెంట్ కొరకు , మంచి  కంపెనీల  షేర్లల్లో  పెట్టుబడి పెట్ట వచ్చు . కనీసం  5 , 10 సం . రాలైనా  వేచి ఉంటేనే  లాభాలకు ఆస్కారం ఉంటుంది . పెన్నీ  షేర్ల జోలికి  వెల్ల  కూడదు . స్పెక్యులేషన్ చేయ కూడదు . అత్యాశకు పోకూడదు . ర్యూమర్లను  నమ్మకూడదు . అప్పు చేసి  శేర్లల్లో గా ని , మ్యూచువల్ ఫండ్స్ లలో  గాని పెట్టుబడులు చేయ రాదు . 

06. క్యాష్ లెస్ మెడిక్లైయిం  పాలసీలను , కుటుంభం మొత్తానికి  కలిపి  తీసుకోవచ్చు .  సేవింగ్ ఆకొంట్లలో డబ్బు నిలువ ఉంచుకునేది ఇలాంటి అవసరాలకే  కదా . అందు కని , ముందు జాగ్రత్త గా  , ఇలాంటి పాలసీలను , మంచి ఇన్స్యూరెన్స్  కంపెనీల వద్ద  తీసుకున్నట్లయితే , సేవింగ్ అకౌంట్లలో డబ్బు లేకున్నా పెద్ద సమస్య ఉండదు . 

07. ఏమైనా  హౌసింగ్  లోన్స్ , వెహికిల్ లోన్స్ , బయట ఎక్కువ వడ్డీ అప్పులు ఉన్నట్లయితే , అడ్వాన్సుగా తీర్చి వేయవచ్చు . ఇప్పడు ముందస్తుగా తీర్చినా పన్నులు గాని , రుసుములు గాని ఉండవు . 

08. ఖచ్చితంగా  అవసరం ఉంటుంది అని మీరు  అనుకుంటే ఇప్పుడే అవసరమైన  బంగారు  నగలను  కొని పెట్టు కోవచ్చు . ఎందు  కంటే , ఒక  వైపు  పొదుపు ఖాతాలో  వడ్డీ రేటు తగ్గింది . మరో వైపు  అక్కడ చౌకగా బంగారు  నగలు లభిస్తున్నాయి .  మల్లీ  బంగారం  ధర  పెరుగ  వచ్చు గాని , ఇప్పట్లో వడ్డీ రేట్లు పెరుగవు .

09. సేవింగ్ అకౌంటల్లల్లో  అధిక నగదు నిల్వలు ఉంటె , అదే బ్యాంకులో  ' రికరింగ్  డిపాజిట్  అకౌంట్ '  ఓపెన్  చేస్తే  , ఖచ్చితంగా  అధిక వడ్డీ  లభిస్తుంది.

10. ఎల్ . ఐ . సి . వారి  సీనియర్  సిటిజన్స్  పెన్షన్ పధకం  లో  ( 60 సం . రాలు  దాటినా వారు )  గాని , పోస్టాఫీసు  సీనియర్ సిటిజన్ పధకంలో కానీ  డిపాజిట్ చేసి నట్లవుతే  సాలుసరి   8.3%   వడ్డీ లభిస్తుంది .  

11. మనకున్న  వ్యాపారాల్లో పెట్టుబడులు పెట్టి అభివృద్ధి చేసు కోవచ్చు . 

12. ఉన్న గృహాలను  రెన్నొవేషన్  చేసు కోవచ్చు .  లేదా కొత్తవి కట్టు కోవచ్చు .

13. పిల్లల  ఉన్నత  చదువులకు , లోన్లు తీసుకునే బదులు , పెట్టుబడులు పెట్టవచ్చు . 

14. చట్ట బద్దంగా  రియల్ ఎస్టేట్  బిజినెస్   చేయ వచ్చు .  

N.B: " MUTUAL FUNDS AND SHARES INVESTMENTS  ARE SUBJECT TO MARKET RISKS. READ ALL THE RELATED DOCUMENTS CAREFULLY BEFORE INVESTING".




 N.B: " THE SUGGESTIONS GIVEN AT THE INTEREST OF POOR AND MIDDLE CLASS PEOPLE. BEFORE TAKING ANY  INVESTMENT DECISIONS , CONTACT ANY RELIABLE INVESTMENTS CONSULTANTS. THIS BLOG WRITER IS NOT LIABLE FOR ANY DAMAGE OR LOSS TO ANY ONE ".  



www.sollutions2all.blogspot.com


'