కోర్టులలో కొండల్లా , గుట్టల్లా కేసులు(Increase of cases in courts) పెరిగి పోవడానికి గల కారణాలు ఏమిటి?

ప్ర . కోర్టులలో  కొండల్లా, గుట్టల్లా  కేసులు ( Increase of cases in courts) పెరిగి పోవడానికి గల కారణాలు ఏమిటి?

జ . కోర్టులలో  కొండల్లా , గుట్టల్లా  కేసులు  పెరిగి పోవడానికి గల  ముఖ్య  కారణాలు  " ప్రజలకు  అధి కారులకు     న్యాయ  అవగాహనా  లోపం +  చట్టాలలో  లొసుగులు , మినహాయింపుల పాపం  +  అవినీతి శాపం "  మొదలయిన వాటిని  ముందుగా చెప్పు కోవాలి .   ప్రజలకు  అధి కారులకు     న్యాయ  అవగాహన  ఎలా ఉండాలి  అంటే ' చిన్న పిల్లలకు  వ్యాక్జిన్  వేయించు  కోవాలని  ప్రజలకు ,  వేయాలని అధికారులకు  ఎలా గుర్తుంటుందో  అలా 'చట్టాల గురించి , న్యాయం గురించి  అవగాహన  కల్పించాలి . ఏది మంచి ఏది చెడు , ఏది  ధర్మం , ఏది అధర్మం  అనేది  ప్రతి ఒక్కరికీ  అవగాహన  కల్పించాలి . దీనికి  న్యాయ వాదులు , న్యాయ మూర్తులు , విశ్రాంత న్యాయ వాదులు , విశ్రాంత న్యాయ మూర్తులు  తరుచుగా  గ్రామ  గ్రామాన  సభలు నిర్వహించాలి . దీనికి  ప్రభుత్వం నిధులు కేటాయించాలి .  ఆ విధంగా  ప్రజలలో న్యాయ అవగాహనను ,  నై తికతను   పెంపొందించాలి . ప్రతి ఒక్కరినీ  అక్షరాస్యుల్ని   చేయాలి . ప్రతి ఒక్కరిని ఒక  న్యాయ  సైనికుడిలా  తయారు  చేయాలి .  చట్టం ముందు అందరూ సమానులే అనే  భావనను  ప్రజలలో కల్గించాలి . స్వాతంత్ర్యం  వచ్చిన  68 సంవత్సరాలు  దాటినా  ఇంకనూ నిరక్ష రాస్యులున్నారంటే , ఇంకనూ అత్యంత పేద వారు , బిక్ష గాండ్లు  ఉన్నారంటే  దానికి కారణం , చట్టాలు  రాజకీయ నాయకులకు , బడా మోస గాండ్లకు , వర్తింప చేయడం , ఓటు బ్యాంకు కోసం  కొంత మందికి  జీవిత పర్యంతం రిజర్వేషన్లు  కల్పించడమే . పేద వారు , మధ్య తరగతి వారు , నిజాయితీ పరులు , రైతులు  అప్పులు తీసుకోవాలంటే , సవా లక్ష ప్రశ్నలు  ఎదురౌతాయి . అప్పులు చెల్లించక పోతే  నానా  హైరానా  చేస్తారు. ఆత్మ  హత్యలకు  గురి చేస్తారు . ఆదే  వైట్  కాలర్  మోసగాండ్లకు , కమీషన్లకు  కక్కుర్తి పడో . ఆబ్లిగేషన్స్ వలననో , బ్యాంకర్లు   వేల కోట్ల అప్పులు ఇచ్చి  , వారి ఇంటి ముందు ' ప్లే కార్డ్స్ ను ' పట్టుకుని  నిలబడుతారు . మరి కొంత మంది అప్పుల ఎగవేత దారులు  విదేశాలకు  పోవ డానికి రాచ బాటను ఏర్పాటు చేస్తారు .   పలుకుబడి గల   ధనవంతుడికి న్యాయం దక్కుతుండే , పేద వాడికి  దక్క కుండా  పోతుండే . ధన వంతుడికి  బెయిలు దొరుకుతుండే , పేద వాడికి  దొరకడం లేదాయే . బెయిల్  దొరక  ఆత్మ హత్యలు  చేసుకుంటున్న ఉదంతాలను చూస్తున్నాం . రూ.లు. 25/- చీపురు కట్ట కోసం తీసుకున్న  లంచం కేసు తేల డానికి  40 సంవత్సరాలు  పట్టిన ఉదంతాలు  పేపర్లలో చూస్తున్నాం .   కేసులు అధికంగా వాయిదాలు పడటం , ఒక కేసు  తీర్పు రావడానికి  ఒక్కో సారి  దశాబ్దాలు  దాటడం . సుదీర్ఘ కాలం కొన సాగడం వలన  సాక్షులు  అందు బాటులో  లేక పోవడమో , చని పోవడమో . తారు మారు  చేయడమో జరుగు చున్నది. తీర్పులు  సాక్షులపైననే  ఆధార పడటం  మొదలయిన వన్నింటిని  చట్టాలలో  లొసుగులుగా చెప్ప వచ్చు .   అధికారులలో  అవినీతి  ఆలోచనను రానివ్వకూడదు .  వీటిని  అధిగ  మించుతే  కోర్టులలో కేసులు  తగ్గు మొఖం పడుతాయి . " పుండు ఒక కాడ  ఉంటే మందు ఒక కాడ పెట్టిన  చందం " లా  నడుచు కుంటే   ఉపయోగం  ఉండక పోవచ్చు .