యువత మేల్కొనవలె

అంశం: యువత - భవిత

శీర్షిక: యువత మేల్కొన వలె

ఆ.వె:01

స్వార్ధ రాజ కీయ మార్జాల మందలు

యేలు తుండె నేడు నేల నందు 

పాడగునిక చూడు పడుసువారి భవిత

ప్రజలు మిన్న కుండె పగలు రాత్రి!

ఆ.వె:02

డ్రగ్గు బీరు దంద డాన్సు డాబాల్లోన 

అందు బాటు నుండె నదుపులేక

ఆగమవుతు యువత మూగబోవుచునుండె 

కాలమేలనాపు కరుణ తోటి!

ఆ.వె:03

ఉచిత పథక మనుచు నుత్త హామీలిస్తు

నేత జెప్పు నెన్నొ నేర్పు గాను

బానిసలను జేయు బతుకవీలవకుండ

సీట్ల గెలుపు కొరకు నోట్లు పంచు!

ఆ.వె:04

సార దంద జేయు చక్కగా నేతలు

దొరక కుండ నిలన దొర్లు తుండు

భూమి కభ్జ జేసి బురిడి గొట్టిస్తుండు

యువత నోరు మూసి భవిత మార్చు!

ఆ‌వె:05

యువత మేల్కొనవలె భవిత మార్చుకొనను 

మాట మార్చు నట్టి మాయ దొరల 

తరిమి కొట్ట వలెను నెరవక నికనైన 

భవిత యుండు రేపు యువత కొరకు!