రాజకీయులిపుడు రాటుదేలె

 75 యేండ్ల ప్రజాస్వామ్యం

ఆ.వె:

86.

యువత దేశమునకు భవితయే యెపుడును 

జనత తలుచుకుంటె జగతి మారు 

వేచి చూస్తు నుండె వేయనికను వేటు

రాజ కీయు లిపుడు రాటుదేలె!

87.

నోట్ల కెపుడు నీవు వోట్లను వేయొద్దు 

ఓట్ల కిచ్చు నోట్లు చేటు గనుక 

ఐదు వేలు చేయు నైదేండ్లు బానిస 

రాజ కీయు లిపుడు రాటుదేలె!

88.

సార పోసి మిమ్ము సాగదీయును నేత 

చుక్క కెపుడు మీరు చిక్క వద్దు 

పిట్ట కథల కెపుడు బెనక రాదు జనము

రాజ కీయు లిపుడు రాటుదేలె!

89.

కోడినిస్త మనియు కొలువు లిస్తామని

భూమి నిస్త మనుచు ధీమ నిచ్చు

బుజ్జ గించ వచ్చు మజ్జిగ పోసియు

రాజ కీయు లిపుడు రాటుదేలె!

80.

ఓటు విలువ తెలిసి నోటమి చూడకు

భావి తరము వారి భవిత నెరిగి 

మంచి నాయకుడిని యెంచియు గెలిపించు

రాజ కీయు లిపుడు రాటుదేలె!