వ్యవసాయం (AGRICULTURE) ఎవరికి శాపం ? ఎవరికి స్వర్గధామం ?

ప్ర : వ్యవసాయం  (AGRICULTURE) ఎవరికి  శాపం ? ఎవరికి  స్వర్గధామం ?

జ : వ్యవసాయం (AGRICULTURE)  రైతులకు  శాపం . అవినీతి పరులకు , నల్లకుబేరులకు  స్వర్గధామం .

అవును , వ్యవసాయం (AGRICULTURE)  రైతులకు  శాపం .  ఎందుకని  మీరనవచ్చు . చూడండి సాలు గాలం , రాత్రి అనకా , పగలు అనకా  వ్యవసాయం  పనులూ  చేస్తే  వారికి చివరికీ మిగిలేది  శూన్యం. ఎండు డొక్కలు ,అప్పులే కదా మిగిలేది . సన్న కారు రైతులనే  తీసుకుందాం . వారు  1 నుండి  5 ఎకరాల  భూములను  కొనుగోలు చేయాలంటే  కొన్ని లక్షల  మొత్తం పెట్టుబడి పెట్టాలి . ఆ తరువాత , కాలాన్ని బట్టి  దున్ని , గొర్రు గొట్టి , విత్తనాలు  చల్లి , పసి పిల్లలను  పెంచినట్టు  మొక్కలను పెంచి , నాటు వేయాలి లేదా మొక్కలను నాటాలి . వీటికి  నీరు కావలి . సన్నటి  ఎండా కావలి . గాలి కావలి .  సరియయిన సమయంలో ఎరువులు  కావాలి . నిరంతరం  కరెంటు  కావాలి .  సరియయిన సమయంలో వర్షాలు పడాలి . వర్షాలు  లేక పోతే  చెరువులు నిండవు , బావులలో నీరు  ఉండదు .  ఆ తరువాత మొక్కలపైన లేదా చెట్ల పైన  లేదా  వరి  పైన పురుగు వాలకుండా , దోమలు వాల కుండా  రసాయన ఎరువులు పిచుకారి  చేయాలి . ఎప్పటికప్పుడు  , వీటన్నిటికీ  కూలీలు కావాలి .  వీటన్నిటికీ  మరల సాలుసరి పెట్టు బడులు  , పంట తీరును బట్టి  వేల  నుండి లక్షల్లో ఉంటుంది .  ఈ  విధంగా తీసుకు వచ్చిన  పెట్టుబడి డబ్బుకు , వేలల్లో  వడ్డీలు కట్టాలి .  పెట్టు బడి పెట్టిన సావుకారికి  గులాముగా తిరుగాలి . ఇంతా చేసినా  , చివరికి  ఆ పంట పండుతుందో  లేదో తెలియదు . చేతికి వస్తుందో లేదో తెలియదు .  పంట చేతికి వచ్చే సమయాన  ఒక్క తుఫాన్ వచ్చిందనుకోండి , ఇంత కాలం చేసిన శ్రమ అంతా బూడిదలో పోసిన పన్నీరే అవుతుంది .  విత్తనాలు వేసే  ముందర సరైన వర్షాలు లేక పోయినా , పంటలు చేతికి వచ్చే ముందు జోరుగా వర్షాలు కురిసినా , నాసిరకం విత్తనాలు అయినా , కల్తీ ఎరువులైనా ,  కనీసం రోజుకు 8 గంటలు కరెంటు లేక పోయినా  దిగుబడి తగ్గి పోతుంది . తీరా పంట చేతికి వచ్చాక  , మార్కెట్ లో   కొనే వారు లేక  పోతే , ధరలు లేక పోతే  , ఇక  రైతుల బాధలు  వర్ణనానీతం .  రైతులు వరుణ దేవుళ్ళ పైనా , ప్రభుత్వాల పైనా  , కమీషన్ ఏజెంట్ల పైనా భారం వేసి జీవితాలు గడపాలి .   మెజారిటీ రైతులకు టెక్నాలిజీ  తెలియక పోవ డం , దిగుబడి పెంచుకునే విధానం తెలియక పోవడం  , ఖర్చులను తగ్గించుకునే విధానాలు తెలియక పోవడం  మొదలైన కారణాల వలన , రైతులు నష్టాల పాలవుతున్నారు , అప్పుల పాలవుతున్నారు . వీటికి తోడు పన్నులు .  ఒక వైపు శ్రమ , మరో వైపు అప్పులు .  ఈ విధంగా వ్యవసాయం రైతులకు శాపమే కదా .  ఇక కౌలు దారుల  జీవితాలు మరింత దారుణం .  వీరికి రుణ మాఫీలు అందవు . ప్రభుత్వ సబ్సీడీలు అందవు . 

అయితే , వ్యవసాయం  (AGRICULTURE) మరి ఎవరికి  లాభం ?. ఎవరికి  స్వర్గధామం ? 

వ్యవసాయం (AGRICULTURE)  అవినీతి పరులకు , అక్రమ సంపాదకులకు , నల్లకుబేరులకు  లాభము . అలానే స్వర్గ ధామం  కూడాను . వీరికి  వ్యవసాయం అనేది అక్రమ సొమ్ములను దాచుకోడానికి , పన్నులు ఎగ్గొట్ట దానికి  , ఒక చక్కటి  మరుగు ( HIDDEN PLACE) , ఒక చక్కని ముసుగు ( MASK) లాంటిది .   ఇప్పటి వరకు  మన వ్యవస్థలో , ఎవరికీ ఎక్కడినుండి డబ్బు వస్తుందో , ఎక్కడ పెట్టుబడులు పెడుతున్నారో కనిపెట్టే  యంత్రాగము  లేదు, ఆ ఆలోచనా లేదు . ఎవరైనా సరే , కనీసం ఒక సం .రం లోపల తప్పనిసరీగా రిజిస్ట్రేషన్ చేయించాలి, దానికి ఖచ్చితంగా 'పాన్ ' నెంబరును , ' ఆధార్ ' నెంబరును , 'సెల్ ' నెంబరును , 'బ్యాంక్ అకౌంట్ ' నెంబరును లింక్ చేయించాలని లేదు .   ఎందుకంటే ఆ నల్లకుబేరులు , కీలకమైన  వారు రెండూ  వారే కాబట్టి . వీరికి వ్యవసాయ పంటలపై  అంతగా రాబడి అవసరం లేదు . 

ఎందు కంటే  వీరిపైనా , వీరి బినామీ పేర్లపైనా  భూములు  రిజిష్టర్ అవుతాయి  , పాసుబుక్కులు వస్తాయి కాబట్టి , రుణ మాఫీలు వీరికే అందుతాయి , ప్రభత్వ సబ్సీడీలు వీరికే అందుతాయి .  నల్లధనం  , అక్రమ సొమ్ము సేఫ్ గా ఉంటుంది . భూముల ధరలు పెరుగుతుంటాయి . భూములు  ఎప్పుడు కొనాలి  , ఎక్కడ కొనాలి , ఏది కొంటె వ్యవసాయ భూమి అవుతుంది , పట్టణానికి ఎన్ని కిలో మీటర్ల దూరంలో కొనాలి , ఎందువలన భవిష్యత్తులో భూముల ధరలు పెరుగుతాయి , ఎక్కడి సైడు పెద్ద పెద్ద ప్రాజెక్టులు వస్తున్నాయి ? ఎవరిని  బినామీగా పెట్టుకోవాలి ? తేడా రాకుండా ముందే ఏమి చేయాలి ? మొదలైన  విషయాలలో  కరెక్టుగా స్కెచ్ వేసుకుంటారు .  ఇక వ్యవసాయ (AGRICULTURE)  భూములు కొన్నా , అమ్మినా ,   లక్షల్లో , కొట్లల్లో ఆదాయం వచ్చినా    రూపాయి ఆదాయ పన్ను కట్టేది  లేదు . అలానే పంటల ఆదాయం పై రూపాయి  పన్ను కట్టవల్సిన అవసరం లేదు . అసలు  ఇలాంటి  బిల్లులు  పాస్ చేసుకునేది ఎవరు ?  వారే కదా .  అదే బ్యాంకుల్లో  పొదుపు  చేసుకుంటే  ,  పెట్టు బడులు పెడితే ,  సాలుకు         వడ్డీ 10, 000/- దాటినా  ముందుగానే, మూలం లోనే  పన్ను (టి . డి . ఎస్ ) వసూలు  చేస్తారు . అదే వ్యవసాయ (AGRICULTURE) భూములపై  పన్ను వసూలు చేయ డానికి,    అసలు వీరికి భూమి ఉన్నట్లు  ఏ వ్యవస్థ కని పెట్ట గలదు?  ఉంటె  బినామీ పేర్ల మీద  లేక పోతే కేవలం  బాండు  పేపర్లమీదనే కదా . ఇక వీరు  నివసించేది పట్టణాలలో , భూములు కొనేది  గ్రామాలలో . వీరి కాలుకు  ఒక ముల్లు కుచ్చదు, ఒక తేలు  పాము దరి చేరదు . ఆ బాధలన్నీ అనుభవించేది కౌలు దారులు  లేదా బినామీ దారులు లేదా నమ్మిన బంట్లు .    అలాంటప్పుడు వ్యవసాయం (AGRICULTURE)  , అవినీతి పరులకు  , అక్రమ సంపాదకులకు  , నల్ల కుబేరులకు  , స్వర్గ ధామమే కదా ! భూతల  స్వర్గమే కదా ! ఒప్పుకుంటారుకదూ!
అందుకనే  వ్యవసాయ  భూములపైనా , బినామీ భూములపైనా  సర్జికల్ స్ట్రైక్ జరగాలి . దానిని ప్రభుత్వాలు జప్తు చేసుకుని , ముందుగా  దేశం లోని పేదలందరి  నివాస  గృహాలకు  ఉచితంగా  కెటాయించాలి . ఆ తరువాత  వ్యవసాయ  కౌలు దారులకు  , పేద రైతులకు  పంచి వేయాలి . 
నా ఆలోచనలు  ఎప్పుడో ఒకప్పుడు , ఎదో ఒక రోజు  వాస్తవ రూపం  దాల్చక తప్పదు . సమయం కోసం వేచి చూద్దాం .