అనుమానం అంటే ఏమిటి ? మనిషికి అనుమానం ఎందుకు కలుగుతుంది ? నమ్మకం అంటే ఏమిటి ? నమ్మకం ఎలా ఏర్పడుతుంది ?

ప్ర . అనుమానం అంటే ఏమిటి ?  మనిషికి  అనుమానం  ఎందుకు కలుగుతుంది ? నమ్మకం అంటే ఏమిటి ? నమ్మకం ఎలా ఏర్పడుతుంది ?

జ .సాధారణంగా  ప్రతి నిత్యం  ఏదో ఒక చోట  లేదా  ఏదో ఒక వ్యవస్థలో  లేదా ఒక  సంస్థలో  లేదా ఏదో ఒక కుటుంభంలో   వినే  పదాలలో   " అనుమానం "  కుడా  ఒకటి . ఈ " అనుమానం " అనే భావనల వలన , ఆలోచనల వలన  ,  అనేకమైన  సంఘటనలతో  ఎన్నో కుటుంభాలు  , మరెన్నో వ్యవస్థలు  కుప్ప కూలి పోతున్నాయి .  అందుకే  నాలుగు అక్షరాల పదమైన  " అనుమానం "  బీజాక్షరాల్లా  అందరి నోల్లల్లో  శ్వాస ఉన్నంత వరకూ  ఉచ్చరింప బడుతూ నే  ఉంటున్నది   .   అయితే  ఈ  " అనుమానం "  అనేదే  లేక పోతే   వీటికి రెట్టింపు కుటుంభాలు , వీటికి రెట్టింపు  వ్యవస్థలు  కుప్ప కూలి పోతాయి . " నమ్మి నాన  బోస్తే  పుచ్చి  బూడిద అయినట్లు " , అన్నిటిని , అందరిని నమ్ముకుంటూ  పోతే  చివరికి ఏమి మిగలదు . గొర్రె కసాయి వాన్ని  నమ్ముతుంది . కాని కసాయి దాని ప్రాణాలు తీస్తాడు . వ్యవసాయ దారుడు , నాణ్యమైన విత్తనాలనే  నమ్మి , ఎక్కువ ధర పెట్టి కొని తెచ్చి చెలుక దున్ని వేస్తాడు . అవి మొలకెత్తనపుడు  తెలుసుకుంటాడు , నేను నమ్మి  మోసాపోయానని .  నిరుద్యోగి  నమ్మి  ఏజెంట్ కు  లక్షలు కుమ్మరిస్తాడు . ఉద్యోగ రానప్పుడు  తెలుసుకుంటాడు , నేను మోస పోయానని .  సామాన్య ప్రజలు  చిట్టీలు వేస్తారు .  వారు బిస్తరు చదురుకున్న రోజు , ఇంటికి తాళం వేసిన రోజు తెలుసుకుంటాడు , నేను మోస పోయానని .   రాజకీయ నాయకుల వాగ్దానాలు , మాటలు  నమ్మి  , ఓటర్లు  ఓట్లు  వేసి అత్యధిక  మెజారిటీతో  గెలిపిస్తారు . కాని  వారు పరి పాలించే టపుడు  తెలుస్తుంది  ఓటర్లకు , మేము  నమ్మి  ఓట్లు వేసి  మోసాపోయామని .  అదియును గాక , ఒక వేల అందరూ  నమ్మకాల మీదనే  జీవిస్తుంటే  ,  అపుడు  ఈ చట్టాలు , పోలీసు  వ్యవస్థ  , న్యాయ వ్యవస్థ  , ప్రభుత్వాలు  ఏవీ అవసరం ఉండదు . బలమైన వారే  , తెలివైన వారే  , హుషారు గల వారే ,  అందమైన వారే  , ఎదుటి వారిని మోసం చేసుకుంటూ  కొంత కాలం  హాయిగా  జీవించ వచ్చు .  కొంత కాలం ఎందుకన్నానంటే  ,  కొంత కాలం తరువాత  ,  మోస పోయే వారు  పని చేయరు . సంపాదించరు . ఎలాగో నమ్మి మోసపోతున్నాం  కదా , ఎందుకు  కష్ట పడాలి  , ఎవరికోసం సంపాదించాలి , ఎవరికోసం బ్రతుకాలి  అని అనుకుంటారు .  అడ్డ చాకిరి చేసి  , " కాకుల కొట్టి  గద్దలకు  వేయాలా " అని పనులు మానేస్తారు . ఈ విధంగా  శ్రమ శక్తి ఆగి పోతుంది , ఉత్పత్తి  ఆగి పోతుంది . దేశ అభి వృద్ది ఆగి పోతుంది .  అందు కని  " అనుమానం "  మరియు     " నమ్మకం "  రెండూ  ఉండాలి . రెండూ  బ్యాలెన్సింగ్ గా  ఉండాలి . ప్రతి నాణానికి , ప్రతి నోటుకు   బొమ్మ , బొరుసూ  రెండూ  ఉండాలి . అలా ఉంటేనే నాణానికి  గాని  రూపాయి ప్రతి నోటు కుగాని విలువ ఉంటుంది . చెల్లు బాటు   అవుతుంది .  అందుకని  అను మానించే  వారిని  చులకనగా చూడకూడదు . అనుమానించే  వారిని  నేరస్తులుగా  భావించ కూడదు .  సి . ఐ . డీ . లకు  , ఎ . సి బి . వారికి  ,  ఇన్వెస్ట్ గేషన్  వ్యవస్థలకు ,  ప్రభుత్వాలకు , యజమానులకు ,  తల్లి దండ్రులకు , బార్యలకు , భర్తలకు      " అనుమానం "  అనేది  ఒక   ' ఆయుధం ' లాంటిది . అంతే  కాదు    " అనుమానం " అనేది  రెండు వైపులా పదునున్న కత్తి  లాంటిది  కుడా .     " అనుమానం "  ద్వారా  సత్యాన్ని  బయటకు తీయ వచ్చు , అలానే  అనుమానించే వారి  మీద  నిందలు , అబాండాలు వేసి , తమ తమ కార్య కలాపాలాను  నిర్విగ్నంగా  కొన సాగించుకోవచ్చు .   

అసలు  ఈ   " అనుమానం " అంటే ఏమిటి ?
బాధ్యత  గల  వ్యక్తులు , తాము ఇచ్చిన పనిని  సక్రమంగా నిర్వర్తిస్తున్నారా  లేదా  అని గాని  , తాము  చేసిన తప్పును  కప్పిపుచ్చుకోడానికి  ప్రయత్నిస్తున్నారా లేదా అని గాని , తమ  బిడ్డలు  దారి తప్పుతున్నారా  లేదా అని గాని ,  రహస్యంగా  తెలుసు కోవడానికి  ప్రయత్నించ డాన్నే   " అనుమానం " గా  చెప్పుకోవచ్చు .   

 మనిషికి ,  ఎదుటి వారి పైనా   ఎందుకు  అనుమానం   కలుగుతుంది ?

ఎదుటి మనిషి ,( ఆడ కావచ్చు  లేదా మగ కావచ్చు)  వారి  మాటల  తీరులో , నడవడికలో , ఆలోచనలలో , చేష్టలలో , సగటు  వ్యక్తులకు  భిన్నంగా , అసాదారణ రీతిలో ,  కోరికలలో , వేష భాషలలో , దుస్తులలో ,  చూపులలో  ,  సైగలలలో  ,  వ్యవహార శైలిలో   తేడాలు , మార్పులు  , కనబడి నప్పుడు ,  స్వేచ్చగా  ఉండాలనుకున్నపుడు , స్వేచ్చగా  తిరుగాలనుకున్నపుడు , ఒంటరి తనాన్ని ఇస్టపడినపుడు , వద్దన్న పనిని వాలాంచి  చేసినపుడు ,  ఎదురుగా  ఒక తీరుగా   మరియు చాటుగా  మరొక తీరుగా  నడుచుకున్నపుడు ,  అతి భయంగా  అతి  అమాయకంగా  నటించి నపుడు , అనుబంధం గల వారికి ఎదురు తిరిగినపుడు , కేర్లేస్స్  చేసినపుడు , బెదిరించి నపుడు , దబాయించి నపుడు , గదరాయించి నపుడు , చీదరించుకున్నపుడు , అసహ్యించు కున్నపుడు , కించ పరిచినట్లుగా  మాట్లాడినపుడు  ,  ఇతరులముందు  డామినేషన్  కనబరచినపుడు ,  కోట్లాడి  నపుడు , తిట్టి నపుడు , కొట్టినపుడు ,  ఏదో  సాధించు కోవాలని  బయట ప్రజలు  వినేటట్లుగా  అరిచినపుడు , రేడియో టైపులో  మాట్లాడి నపుడు - వారితో సంభందం, అనుభందం గల వారికి  గల వారికి  , వారిపై అధికారం గల  ప్రతి ఒక్క  వ్యవస్థకు  , ప్రతి ఒక్క  సంస్థకు  , ప్రతి ఒక్కరికి , అలాంటి వారిపై  " అనుమానం " కలుగుతుంది  .  అయితే , ఈ విధంగా నడుచుకున్న వారంతా  పొరపాటు చేసినట్లు  కాదు . తప్పు చేసి నట్లు కాదు . నేరం చేసినట్లు కాదు , మోసం చేసినట్లుకాదు .  కాని అనుమానాన్ని కలిగింప చేస్తారు . అనుమానాన్ని రేకెత్తింప  చేస్తారు. 

" అనుమానం  పెను భూతం " కాదన లేము . కాని  "నిప్పులేనిదే  పొగరాదు "  అనే సామెత కూడా  వాడుకలోనుండి  వచ్చినదే .  

భారత  దేశం   విలువలకు , సంస్క్రతికి , సాంప్రదాయాలకు , కట్టుబాట్లకు  పుట్టినిల్లు . సమాజంలో  బ్రతుకు తున్నపుడు  మనుష్యులు   విలువలకు , సంస్క్రతికి , సాంప్రదాయాలకు , కట్టుబాట్లకు  అనుగుణంగా నడుచుకోవాలి . భావి తరాలకు  ఆదర్శం కావాలి .  అలా కాకుండా  నా డబ్బు నా యిష్టం  , నా శరీరం  నా యిష్టం , నా సంపద  నా యిష్టం ,  నా పిల్లలు  నా యిష్టం  అంటే  రోడ్డుకు  అడ్డంగా నడుస్తే ఏమవుతుందో అదే జరుగు తుంది.  ఆ కారణంగానే   వ్యవస్థలు , సంస్థలు, కుటుంభాలు   కుప్ప కూలి  పోతాయి . సంసారాలు కుక్కలు  చింపిన  విస్తరులవుతాయి . 

నమ్మకం అంటే ఏమిటి ? 

అనుమానానికి , ఆవ నమ్మకానికి  పూర్తి వ్యతిరేక పదం  " నమ్మకం " .  బాధ్యత  గల  వ్యక్తులు , తాము ఇచ్చిన పనిని  సక్రమంగా నిర్వర్తిస్తున్నారా  లేదా  అని గాని  , తాము  చేసిన తప్పును  కప్పిపుచ్చుకోడానికి  ప్రయత్నిస్తున్నారా లేదా అని గాని , తమ  బిడ్డలు  దారి తప్పుతున్నారా  లేదా అని గాని ,  రహస్యంగా  తెలుసు కోవడానికి  ప్రయత్నించ కుండా  , పరిశీలించ కుండా  ఉండడాన్నే  " నమ్మకం " గా  చెప్పుకోవచ్చు . 

నమ్మకం ఎలా ఏర్పడుతుంది ?
వ్యవస్థల మద్య , సంస్థల మద్య , మనుష్యుల మద్య , కుటుంభ సబ్యుల మద్య , భార్యా భర్తల  మద్య   అలానే  వ్యవస్థలకు ప్రజలకు మద్య  , సంస్థలకు  ప్రజలకు  మద్య  ఎలాంటి  దాప రికాలు లేకుండా , మనస్పర్ధలు లేకుండా , అబద్దాలు, మోసాలు లేకుండా, స్వార్ధం  లేకుండా, ఇంకా చెప్పాలంటే  కామ క్రోధ ,మోహ , లోభ మధ మాత్సర్యాలు  లేకుండా  సామాజిక , ఆర్ధిక  , కుటుంభ  వ్యవహారాలూ  నడుస్తూ ఉంటే , అప్పుడు,   ఒక దానిపై   మరొక దానికి , ఒకరిపై  మరొకరికి  నమ్మకం ఏర్పడుతుంది .