' జి ఎస్. టి '. (GST) పన్ను విధానం ఎలా ఉండాలి ?

ప్ర . ' జి ఎస్. టి '. (GST)పన్ను విధానం  ఎలా   ఉండాలి ?

జ .  ' జి ఎస్. టి '.(GST) పన్ను విధానం  పేదలకు  ఉపయోగ కరంగా   ఉండాలి . 

 ఎన్నో సంవత్సరాల నుండి   ప్రవేశ పెట్టాలనుకుంటున్న  జి . ఎస్ . టి .(GST)  బిల్లును , మరల ప్రవేశ పెట్టాలని కేంద్ర ప్రభుత్వం నిర్ణయం తీసుకోవడం  హర్షించ తగినదే . దీని వలన  గుర్తు పెట్టుకో లేనన్ని " పరోక్ష పన్నులు " రద్దయి  , ఒకే ఒక "జి. ఎస్. టి."  పన్ను అమలులో ఉంటుంది .  పారదర్శకత ఉంటుంది . అవినీతి తగ్గ వచ్చు .  వ్యాపారాలు  ఊపందు కుంటాయి . నల్ల ధన  వృత్తులు , వ్యాపారాలు  తగ్గు మొఖం పట్టి  ప్రభుత్వాలకు  పన్ను ఆదాయాలు  పెరుగుతాయి . ఉద్యోగావకాశాలు పెర్గుతాయి . 

అయితే  , ప్రపంచీకరణలో భాగంగా , విదేశీ  వ్యాపారస్తుల ను  ప్రసన్నం  చేయడానికని మాత్రం ఉండకూడదు . దేశ  ప్రజల  , వ్యాపారాల  మేలు కోసం , దేశ అభి వృద్ది కోసం  జరుగాలి .  అందుకని  ముందుగా  ప్రజలకు  , జి . ఎస్ . టి .(GST)  పన్ను విధానం ఎలా ఉపయోగ పడుతుందో  విస్తృతంగా  చర్చ జరుగాలి . ప్రజల , వ్యాపారస్తుల అను మానాలను  నివృత్తి చేయాలి . ప్రజల , వ్యాపారస్తుల  సూచనలను , సలహాలను పరిగణలోకి  తీసుకోవాలి .  జి ఎస్. టి . ని  16% నుండి  18% మద్యలో  ఉండేట్టు  చూడాలి .  అలానే  ప్రతి 0.5% పన్నును  పెంచాలన్నా  రాజ్యాంగ సవరణ  జరుగాలి .  లేదంటే  ప్రజలు , వ్యాపారస్తులు  ఈ విషయం మరిచి పోయాక  దొడ్డి దారిన  జి .ఓ . ల ద్వారా,  ఆర్డి  నెన్స్ ల ద్వారా  40% వరకు  పెంచు కుంటూ పోయే  ప్రమాద ముంది .  గత  ఏడాది బ్యారల్ కు 130 డాలర్లు  ఉన్న క్రూడ్ ఆయిల్ ,  నేడు 30 డాలర్లకు  దిగి వచ్చినా ( ఫిబ్రవరి ,2016) , మన పెట్రోల్ , డిజిల్  మరియు ఇంధన ధరలు  నాల్గో వంతుకు  తగ్గక పోవడమే కాకుండా , మరింత పెరుగుతుండటం  విడ్డూరంగా ఉంది . మనం  సుమారుగా  60 నుండి 70 శాతం  వరకు  క్రూడ్ ఆయిల్  దిగుమతుల మీదనే  ఆధార పడి  ఉన్నాము. మన విదేశీ నిల్వలు ఖర్చయ్యేదీ ఇక్కడే . క్రూడ్ ఆయిల్  రేటు తగ్గడం  మనకు వరంగా  భావించాలి . అలాంటిది  పెట్రోల్ , డిజిల్ మరియు  ఇంధన ధరలు  తగ్గక పోపోవడానికి  కారణాలు  సామాన్యులకు  అంతు చిక్కడం లేదు . ఎక్కడ  లోపముందో మేధావులు , ఆర్ధిక వేత్తలు  ప్రజలకు వివరించాలి .   

అలానే  పేద ప్రజలు వాడే  100 యూనిట్ల  లోపు  కరెంట్ , వాటటర్  బిల్లులపైనా , రూ . లు . 100/-  సెల్ రీచార్జీల బిల్లుల పైనా , కేబుల్ , నెట్  కనెక్షన్ల పైనా  జి ఎస్ . టి . విధించ కూడదు .
ఎదో  ఒక  రోజు నేను చెప్పినవే  అందరూ ఒప్పు కుంటారు . అమలు చేస్తారు .