ఉద్యోగ మాయాజాలం

అంశం: ఉద్యోగ మాయా జాలం

శీర్శిక: రెక్కాడితే డొక్కాడని

లోకమే మాయా లోకం
బాధ్యతలు ఎంతో అధికం
పెరుగుతుంది జనాభా నిత్యం
తిరుగుతుంది భూగోళం నిరంతరం!

రెక్కాడితే డొక్కాడని కాలం
ఉద్యోగం పురుష లక్షణం
కానీ అది నేడు స్త్రీ పురుషులకు అవసరం
చెరో ఉద్యోగం లేకపోతే జీవించడం కష్టం!

అది యజమానులు భావించే బలహీనత
ప్రభుత్వాలను చేతుల్లోకి తీసుకొనిరి
కార్మిక చట్టాలను మార్చి వేసిరి
గ్లోబలైజేషన్ లిబరలైజేషన్ ప్రవేటైజేషన్
అవతరించే
ప్రపంచమే కుగ్రామమాయే
ఉద్యోగ మాయాజాలం మొదలాయే!

అధిక పని గంటలు వసతులు శూన్యం
యజమానులు ఆడిందే ఆట పాడిందే పాట
ఉంటే ఉండు పోతే పో
అవసరం లేకుంటే మేమే పంపేస్తావము!

కార్మికులకు ఉద్యోగ భద్రత కరువు
ఇక పోతుంది సమాజంలో పరువు
సరుకులు దుకాణాలలో అరువు
చెల్లించలేక ఇంటిల్లి పాది కన్నీటి చెరువు!