లౌక్యం P

అంశం: *ఐచ్ఛికం*
శీర్షిక: *లౌక్యం*

*పెట్టని తల్లి పెట్టకనే పాయే*
*రోజూ పెట్టే ముదునష్టపుదన్న పెట్టకపాయే*
అనేది వాడుకలో ఉన్న నానుడి
దీనిని జీవితంలో ఒక్కసారైనా ఎదుర్కోని వారు
బహుశా ఒక్కరైనా ఉండకపోవచ్చు!

ఎన్నో సార్లు సహాయం చేసినా
అనేక సార్లు ఆహారాలు అందించినా
వందల సార్లు దానధర్మాలు చేసినా
చాలా సార్లు మంచి సలహాలు ఇచ్చినా
పలు మార్లు శుభ కార్యాలకు వెళ్ళినా
ప్రతిసారీ అశుభ కార్యాలకు పోయినా!

వీలు గాక ఒక్కసారి చేయక పోతే
సమయం కుదరక ఒక్క సారి వెళ్ళకపోతే
గతంలో  చేసినన్నీ వ్యర్ధమైపోవు
మీరు నీచంగా హీనంగా చూడబడుతారు
అంతేనా మీపై కోపం కలుగవచ్చు కలతలు రావచ్చు
కారాలు మీరాలు రువ్వ వచ్చు
బంధుత్వం స్నేహం దూరం కావచ్చు!

అలా కాకుండా!
మీకు ఎప్పుడు వారితో అవసరమో
అప్పుడే సహాయం చేయడమో
అడిగినప్పుడే సలహాలు ఇవ్వడమో
అత్యవసర కార్యక్రమాలకు వెళ్ళడమో చేస్తే
వేయి సహాయాలు చేసిన గౌరవం
గొప్ప తనం ఆ ఒక్క సారికే దక్కుతాయి
కీర్తిస్తారు ఇదే నేటి సమాజం తీరు!

స్వార్ధమే కావచ్చు కానీ *లౌక్యం* అంటే ఇదే
మీకు సౌఖ్యం లభించేది కూడా ఇక్కడే!