ప్రేమలు ఒక బూటకం

అంశం:వంచక ప్రేమలు

శీర్శిక: *ప్రేమలు ఒక బూటకం*

జీవితమే ఒక నాటకం
అందులో ప్రేమలు ఒక బూటకం
ప్రదర్శించడానికే  ప్రేమల వాలకం
మనసులో ఉన్న దంతా కామం

సృష్టిలోని అందమైన ప్రకృతిని చూసి
పరవసించినట్లు
సృష్టిలోని మరో అందమైన యువతను చూసి
పరవసించడం
యుక్త వయస్సులో ఉన్నప్పుడు
ఇరువురి శరీరాలలో వచ్చే మార్పుల వలన
ఆహార్య ప్రదర్శనల వలన కలిగే
మాటల గారడి వలన ఏర్పడే ఆకర్షణ
అది కేవలం వ్యామోహం!

అది వారి వయస్సుల్లో వచ్చిన మార్పే గానీ
వారి మనస్సుల్లో వచ్చిన పరిపక్వత కాదు
డబ్బుకో పొగడ్తలకో ఐస్క్రీమ్ కో
చాక్లెట్లకో ఎదుటివారికి చూపించుకోడానికో
నటించే నటనే కానీ అది ప్రేమా కాదు దోమా కాదు
అవసరాలను తీర్చుకునే నయవంచక నటన!

ప్రకృతిలో స్త్రీ పురుషుల ఆకర్షణ అనేది
సృష్టి రహస్యం
దానిని ఛేదించడం ఎవరి తరం?
రాధా కృష్ణుల లైలా మజ్నూల  ప్రేమలు
నేడు చాలా అరుదు
ఆకు మీద ముల్లు పడినా ముల్లు మీద
ఆకు పడినా నష్టపోయేది మహిళనే!

చట్టాలలో సానుకూలత వలన
సమాజం దానిని అంగీకరిస్తుండటం వలన
నేడు యువతీయువకులు ఒకరిపై ఒకరు
డామినేషన్ తో
నష్టపోతున్నామనే భావన పోయింది!

స్త్రీల సాధికారత డామినేషన్ పెరగడం వలన
యదేచ్ఛగా ప్రేమించుకుంటున్నారు
కోరికలు తీరాక ఇష్ట పూర్వకంగానే
మరొకరి చేసుకోడానికి ప్రయత్నిస్తున్నారు
ఇరువురివీ నయవంచక ప్రేమలే!

నేడు కొందరు స్త్రీలు పెళ్లి చేసుకోడానికే
ఆసక్తి చూపడటం లేదు
కొందరు పురుషులు పెళ్ళిళ్ళు చేసుకోడానికే
బెంబేలెత్తి పోతున్నారు!

ప్రేమ  పెళ్ళి  అనేది జీవితంలో
ఒక భాగమే గానీ అదే జీవితం కాదు
వ్యక్తిత్వాన్ని మించిన శక్తి మరోటి లేదు
యువత పరిపక్వతతో ఆలోచించాలి
అందమైన జీవితాన్ని అనుభవించాలి
రేపటి తరానికి ఆదర్శంగా నిలువాలి!