అప్పులు ఎగ్గొట్టిన వారిని (WILLFUL DEFAULTERS), " వీరు ఉద్దేశ్య పూర్వకంగా అప్పులు ఎగ్గొట్టిన వారు " అని వారి ఫోటోలను , పేర్లను , బ్యాంకులు ప్రకటించి నంత మాత్రాన ఏమైనా ఉపయోగం ఉంటుందా ?

ప్ర . అప్పులు ఎగ్గొట్టిన  వారిని (WILLFUL DEFAULTERS) ,  " వీరు  ఉద్దేశ్య పూర్వకంగా  అప్పులు  ఎగ్గొట్టిన వారు " అని  వారి ఫోటోలను , పేర్లను  , బ్యాంకులు  ప్రకటించి నంత  మాత్రాన  ఏమైనా  ఉపయోగం ఉంటుందా ?

జ . " తెగించిన వారికి  తెడ్డే  లింగం " అన్నట్లు , అప్పులు ఎగ్గొట్టిన  వారిని (WILLFUL DEFAULTERS),  " ఉద్దేశ్య పూర్వకంగా  వీరు అప్పులు  ఎగ్గొట్టిన వారు " అని  వారి ఫోటోలను , పేర్లను  , బ్యాంకులు ప్రకటించినంత  మాత్రాన  ఏమీ   ఉపయోగం ఉండదు . పైగా  దేశః ప్రజలందరికీ  ఎవరికీ వారు  ఏమి చేయవచ్చు , ఎలా చేయ వచ్చు  , ఎలా అప్పులు ఎగ్గొట్ట వచ్చు, ఎలా తప్పించు కోవచ్చు  అన్నట్లుగా (అర్ధం చేసుకునే రీతిలో) సందేశాన్ని పంపించి నట్లవుతుంది . 

సామాన్య , మధ్యతరగతి వారికి లక్ష రూపాయల అప్పు ఇవ్వాలంటే , బ్యాంకులకు రెండు , మూడు సంవత్స రాల అధిక ఆదాయం గల ' ఐ.టి' రిటర్నులు ఇవ్వాలి , పాన్ కార్డు ఇవ్వాలి , ఆధార్ కార్డు లేదా రేషన్ కార్డు ఇవ్వాలి , 'సిబిల్' చెక్ చేయించు కోవాలి , ఒక సంవత్సరం బాంక్ ట్రాన్జాక్షన్స్ ఇవ్వాలి , 10 రెట్లు సెక్యూరిటీ ఇవ్వాలి . ఆ సెక్యూరిటీకి వాల్యుయేషన్ చేయించి ఇవ్వాలి , లీగల్ ఒపినీయన్ చేయించి ఇవ్వాలి , ఈ సి , ఇవ్వాలి , రెండు ఫోటోలు ఇవ్వాలి . అయినా నెలా , రెండు నెలలు కాళ్ళు అరిగేలా తిరిగినా , ఏదో ఒక లోపం చూపించి రిజెక్ట్ చేసిన లోను అప్లికేషన్స్ కోకొల్లలు .

అదే పలుకు బడి వారికి ,రాజకీయ నాయకులకు  లేదా  వారి  బంధు మిత్రులకు , వారి కార్య కర్తలకు ,   పెద్ద పెద్ద  వైట్ కాలర్ వ్యాపారస్థులకు  ఏ సెక్యురిటీ లేకుండానే , ఏ 'సిబిల్' రిపోర్ట్ చూడ కుండానే వేల కోట్ల అప్పులు ఇస్తాయి . ఒక వేల నిజంగానే  సేక్యూరిటే ఉంటే  , అన్ని వేల కోట్ల అప్పులు ఎందుకు రాని బాకీలుగా , నిరర్ధక ఆస్తులుగా మారుతాయి .పెద్దల అప్పులు వసూలు చేయడానికి , వారి ఆఫీసుల ముందర ప్లే కార్డులు పట్టుకుని కూర్చోవడం , సామాన్యులకైతే నోటీసులిచ్చి ఆస్తులను వేలం వేయడమా ? బ్యాంకు అదికారుల భయాలకు కారణం ఏమిటి ? చట్టాలు సక్రమంగా లేక పోతే  వారు అన్ని లక్షల కోట్ల బ్యాంకింగ్ వ్యాపారాన్ని ఎలా నడిపిస్తారు . మరి సామాన్యులకు  అవే లోసుగులున్న చట్టాలు ఎందుకు వర్తించవు ?  ఈ రాని బాకీలు , ఈ నిరర్ధక ఆస్తులు  దేశ , విదేశీయుల  సొమ్ము . ఇన్ని లక్షల కోట్లను  ఓ 10 , 20  మంది  బడా వ్యాపార వేత్తలు , బడా రాజ కీయ నాయకులు  దోచుకుని పోతే ఎలా ? దేశ ప్రజలందరి నుండీ  , వ్యాపార సంస్థలనుండీ  ముక్కు పిండి వసూలు చేసిన పన్నులను  బ్యాంకులను బలోపేతం చేయడానికి  కెటాయిస్తారా ? అసలు దేశం ఎటు పోతుంది ?  పేద వారు వాడే రూ .లు . 10/- సెల్ రీ చార్జ్  కార్డు పైన  12% నుండి 15% వరకు  సర్వీస్ టాక్స్ రూపేన  వసూలు చేస్తున్నారు . అలానే  ఇతర వస్తువులపై  పరోక్ష పన్నులు  వ్యాట్  14.5% , సి . ఎస్ . టి  2%, ఎక్సైజ్  12%, ఎక్ష్ పోర్ట్ , ఇంపోర్ట్ పన్నులు , ఆక్త్రాయ్ మొదలైనవి , మరియు  ప్రత్యక్ష పన్నుల రూపేనా  ఆదాయ పన్నులు , టి .డి.ఎస్ ,  వెల్త్ టాక్ష్ ,  ప్రోఫెస్సినల్ టాక్ష్ మొదలైనవి వసూలు చేసి , అట్టి  నిధుల నుండి   ఈ రోజు బడ్జెట్ లో  బ్యాంకులు  నిల దొక్కు కోడానికి  25 వేల కోట్లను  కేటాయించారు . రేపటి బడ్జెట్లో  50 వేల కోట్లను కేటాయిస్తారు .    అన్ని వేల కోట్లనే  సోలార్ ప్రాజేక్ట్ లకో , మానవ వనరులకో , ఆదార్  కార్డులు త్వరితగతిన  జారీకి  లేదా  అన్నింటికీ  కేటాయిన్చినట్లవుతే ప్రజలకు ఎంతో మేలు జరిగేది కదా . నేటి  కాలంలో బ్యాంకులకు  సర్వీస్ చార్జీల ద్వారానే  అధిక ఆదాయం వస్తుంది . స్టేషనరీ కాస్ట్  తగ్గింది .  ఆన్ లైన్  కారణంగా  జీత భత్యాల కాస్ట్  తగ్గింది .  ఇన్స్యూరెన్స్ ఖాతాల వలన ఆదాయం పెరిగింది . అయినా బ్యాంకులు నష్టాలను ప్రకటిస్తున్నాయి . లేదంటే లాభాలు తగ్గుతున్నాయి . ఎక్కడుంది లోపం ? ఎవరిదీ పాపం ? ఎవరకీ శాపం ?

"నిండా మునిగిన వారికి చలి ఉండదు అన్నట్లు" అప్పులు ఎగ్గొట్టిన  వారిని ,  
" ఉద్దేశ్య పూర్వకంగా  వీరు అప్పులు  ఎగ్గొట్టిన వారు (WILLFUL DEFAULTERS) " అని  వారి ఫోటోలను , పేర్లను  , బ్యాంకులు ప్రకటించినంత  మాత్రాన , వారి  వారి  ఆఫీసుల ముందు  ప్లై  కార్డులు పట్టుకుని  ధర్నా చేసినంత  మాత్రాన  ఏమీ   ఉపయోగం ఉండదు . ఇది కేవలం బ్యాంకులను అడ్వర్టైజ్మెంట్  చేయడమో ,  ప్రజల చెవులలో పువ్వులు పెట్టడమో  అవుతుంది , బ్యాంకు ఉద్యోగులకు  మనో ధైర్యం కలిగించడమే అవుతుంది తప్పా  మరే ఉపయోగముండదు . వీరికి వ్యక్తిగతంగా  అప్పు పుట్టక పోవచ్చు కాని , వారి బార్యల పేరు మీద ,వారి  పిల్లల పేరుమీద  వారి బినామి పేర్ల మీదా పాన్ కార్డులు తీసుకుని   అప్పు తీసుకుని , వ్యాపారాలు కొన సాగించుకోవచ్చు కదా .  బ్యాంకుల  నియమ నిభందనలు  అందరికి సమానంగా ఉండాలి . అప్పుడే ప్రజలకు  డిపాజిట్లు చేయ డానికి , బాండ్లు కొని పెట్టు బడులు  పెట్ట డానికి నమ్మకం కుదురు తుంది .  అలానే  అప్పులు తీసుకుని సక్రమంగా చెల్లించ డానికి  ఆలోచన , ఆసక్తి  కలుగుతుంది . 

బ్యాంకుల నిరర్ధక ఆస్తులు పెరుగ  డానికి ముఖ్య కారకులెవరు ?
" తిలా పాపం తలా పిడికెడు అన్నట్లు " , బ్యాంకుల నిరర్ధక ఆస్తులు పెరుగ  డానికి ముఖ్య కారకులు  వీరే అని ఇద మిద్దంగా  చెప్పడం సాధ్యం  కాదు . వ్యవస్థలలో  లోపాలు , నియంత్రణలో లోపాలు , కమీషన్ ఏజెంట్లు , బ్యాంకు అధి కారులు , చిన్న పెద్దా అందరూ కారకులే . 

బ్యాంకుల నిరర్దక ఆస్థులను  తగ్గించాలంటే ఏమి చేయాలి ?

రాజకీయ నాయకుల  జోక్యాలతో , అధికారుల స్వార్ధంతో  నేడు  అన్ని బ్యాంకులలో  కలిపి  సుమారుగా  6 లక్షల 40 వేల కోట్ల  రూపాయలను  రాని  బాకీలుగా  ప్రకటించడం  జరిగింది . వాటిని ప్రత్యేక కోర్టులు ఏర్పాటు చేసి ,  ఫాస్ట్ ట్రాక్ పద్ధతి లో వసూలు చేసే ప్రయత్నం చేయాలి .రాజకీయ నాయకుల జోక్యాన్ని సాద్యమైనంత మేరకు  తగ్గించాలి . బ్యాంకు అధికారులకు పూర్తి అధికారాలు కల్పించాలి . పూర్తి కాలపు చార్టెడ్ అకౌంటెంట్లను , చార్టెడ్ ఇంజినీర్లను నియమించు కోవాలి . ప్రాజెక్ట్ రిపోర్టులను జాగ్రత్తగా  అసెస్స్  చేయాలి . అన్ని అప్పులకు , అందరికి  సమానంగా  5, 6 రెట్లు సెక్యూరిటీ పెట్టు కోవాలి . తీసు కున్న అప్పు  దేనికి వాడు తున్నారు , ప్రతినెలా లేదా 3 నెలల  కొకసారి ఇన్స్పెక్షన్  చేయాలి . బ్యాంకు అది కారులపై నియంత్రణ  ఉండాలి . " చేతులు కాలాక ఆకులు పట్టుకున్నట్లు " కాకుండా ఎప్పటి కప్పుడు పర్యవేక్షణ  చేయాలి . జాతీయ  బ్యాంకులు కదా అని  దోచుక తింటుంటే  దేశ ఆర్ధిక పరిస్థితి కుప్ప కూలి పోతుంది . అందుకని ప్రతి ఒక్కరి నుండి , ప్రతి వ్యాపార సంస్థ నుండి ప్రతి రూపాయి వడ్డీతో సహా వసూలు చేయాలి . నిజాయితీ ప్రజలకు , నిజాయితీ వ్యాపార సంస్థలకు మనో ధైర్యాన్ని కల్పించాలి మరియు  మోసాలు చేయడానికి  అవకాశం కల్పించ కూడదు .  అంతే  గాని మరల బ్యాంకులకే  25 వేల కోట్ల నిధులు కేటాయించడం ద్వారా , ఇంకను ఎంత కావాలంటే అంత ఇస్తాము అనడం ద్వారా   ప్రజలకు ఎటువంటి సందేశాన్ని పంపిస్తున్నారని సందేహం కలుగుతుంది .   బ్యాంకులు నడిచేది ముఖ్యంగా  సింహ భాగం ప్రజల డిపాజిట్ల తోనే అనేది మరియు ప్రజలు , వ్యాపార వేత్తలు  అప్పులపై చెల్లించే వడ్డీలు , సర్వీస్  చార్జీల తోనే బ్యాంకులు ఆదాయాన్ని పొందుతున్నాయనే విషయాన్ని మరిచి పోకూడదు . ఒక సారి ప్రజలకు బ్యాంకులపై నమ్మకం సన్నగిల్లినా , బ్యాంకులు వివక్ష చూపినా , బ్యాంకులు పంపించే సందేశాన్ని ప్రజలు పూర్తిగా అర్ధం చేసుకున్నా , ఆ బ్రహ్మ దేవుడు దిగివచ్చినా  ఇక బ్యాంకులు మన గలగడం కష్ఠ తరం కాగలదు . ఒక సారి  ఒక ప్రైవేటు బ్యాంకులో  చిన్న అనుమానం వచ్చి పుకార్లు లేస్తే , ప్రజలు వారి వారి  ఖాతాల లోని డబ్బులను  విత్ డ్రా  చేసు కోడానికి  క్యూ లు కట్టారు . 

బ్యాంకుల అప్పులు  "నివురు కప్పిన 

నిప్పులు " అన్నట్లుగా  ఉన్నాయి . బ్యాంకుల అప్పులను  ప్రత్యేకమైన కోర్టులు ఏర్పాటు చేసి , రాజకీయ జోక్యం లేకుండా , కుల మత వివక్ష  చూప కుండా , చిన్నా పెద్దా తేడా లేకుండా  ప్రతి ఒక్కరి 

నుండి నిర్భయంగా వసూలు చేయలేక పోతే  లేదా వారి ఆస్తులను  జప్తు చేయ లేక పోతే,  ప్రజలకు బ్యాంకులపై  నమ్మకం సడలి , బ్యాంకులలో  డిపాజిట్లు

చేయడం కూడా  మానేసే ప్రమాదముంది .  ఇప్పడు పెరుగుతున్న షేర్ మార్కెట్  బ్యాంక్ ఇండెక్ష్  కూడా , కేవలం నీటిమీద 

బుడగ మాత్రమే అని  గుర్తుంచుకోవాలి .