శీర్షిక: ధగధగా మెరుస్తుంది నా తెలంగాణా:
స్వాతంత్ర్యం వచ్చి ఏడు దశాబ్దాలు గడిచినా
గణతంత్రపు జెండా ఆకాశమెత్తు ఎగిరినా
ధగధగా మెరుస్తుంది నా తెలంగాణా
నా తెలంగాణ కోటి రతనాల వీణ
ఉద్వేగంతో కవి హృదయం స్పందిస్తుంది
ధీన జనుల గుండెల మాటున!
మూడున్నర కోట్ల జనాభా నా తెలంగాణా
ఎనుబై ఆరు లక్షలు రేషను కార్డుల నటన
కార్డుకు ముగ్గురు సభ్యుల లెక్క వేసిన
రెండు కోట్ల యాబై ఎనిమిది లక్షలు
పేదలున్న నా తెలంగాణా
ధగధగా మెరుస్తుంది నా తెలంగాణా
నా తెలంగాణ కోటి రతనాల వీణ!
ప్రతి ఐదేళ్లకు ఒకసారి వస్తుంది కొత్త సర్కారు
వచ్చిన ప్రతి సర్కారు, గత సర్కారును
విమర్శిస్తూనే కాలం గడుపుతూ ఉంటుంది
అప్పటి వరకు ప్రతిపక్షంలో విమర్శించిన నేతలే
ప్రభుత్వం ఏర్పడ్డాక ప్రజలను మరిచిపోతుంటారు
ధగధగా మెరుస్తుంది నా తెలంగాణా
నా తెలంగాణ కోటి రతనాల వీణ!
మల్లీ ఏవైనా ఎన్నికలు వస్తుస్తున్నాయంటే
ఇక ఓట్లు వేసే ప్రజలే గుర్తుకొస్తారు నేతలకు
ఎక్కడ లేని ప్రేమను ఒలక బోస్తారు
పేదవారంటూ, కష్ట జీవులంటూ
అమ్మలు, అక్కలు దివ్యాంగులంటూ
హామీల పథకాలను ప్రకటిస్తారు
అరి చేతిలో వైకుంఠం చూపెడుతారు
అందమైన ఉపాన్యాసాలు దంచేస్తారు
ఆకర్శనీయ ప్రచారాలు చేస్తుంటారు
ధగధగా మెరుస్తుంది నా తెలంగాణా
నా తెలంగాణ కోటి రతనాల వీణ!
ఎన్నికలు అయిపోయాక
పథకాలను మధ్యలోనే ఆపేస్తారు నాయకులు
దీపముండగానే ఇల్లు చక్క బెట్టుకొనను
పన్నులు పెంచేస్తారు జనుల పైన ఎంతైనా
బారులు తెరిచేస్తారు, ఉచితాలను లాగేస్తారు
గెలుపు ఓటమిల పోరాటంలో
కాళ్ళు విరిగే దూడ లెన్నో
తెలియకుండా పోయేవెన్నో
ధగధగా మెరుస్తుంది నా తెలంగాణా
నా తెలంగాణ కోటి రతనాల వీణ!
గత సర్కారు అవినీతిని చేధించలేరు
మరల అప్పులను పెంచుతూ పోతారు
ప్రజలపై భారం మోపుతారు
అందుకే *రావాలి ఐదేళ్ల కొక సారి*
*రాష్ట్ర పతి పాలనా దేశమంతా*
భయం పెరుగు అవినీతి నేతలలో కొంతైనా
ఆగి పోవు అవినీతి, బినామీల సంత
ధర్మ పాలన దేశమంతా కొనసాగు కొంత
దేశంలో ఉత్పాదకత పెరుగునెంతో!
ధగధగా మెరుస్తుంది నా తెలంగాణా
నా తెలంగాణ కోటి రతనాల వీణ!
No comments:
Post a Comment