ఆవు చేనులో మేస్తే...

 అంశం: చిత్ర కవిత : చరవాణి

శీర్షిక:  "ఆవు చేనులో మేస్తే...."

*ఆవు చేనులో మేస్తే*

*దూడ కంచెలో మేస్తుందా*
అన్నట్లు

తల్లిదండ్రులు పొద్దస్తమానం
చరవాణీలు పట్టుకుంటే
పిల్లలు *పాల పీకలు*
పట్టుకుంటారా!
వాళ్ళు చరవాణీలే
కావాలని మారాం చేస్తారు

పెద్దలు అనుభవజ్ఞులు
అమలు చేయువారు
పిల్లలు పసికూనలు
అనుసరించు వారు

ఎదుటి వారిని
సరియైన పంధాలో
నడిపించాలంటే
చెప్పే నీతులు
చేసే చేతలు
ఒకే రీతిలో ఉండాలి

గురువు మాట
వేదం లాంటిది
అమ్మా నాన్నలు
కన్న బిడ్డలకు
మొదటి గురువులు
నివసించే ఇల్లు
పాఠశాల లాంటిది

తల్లిదండ్రులు
ఎంత క్రమశిక్షణతో ఉంటే
అంతే క్రమశిక్షణతో
పిల్లలు పెరుగతారు

చరవాణి పెద్దలు వాడటం
తప్పు అని అనడం లేదు
ఎంత వరకు వాడాలో
అంత వరకే వాడాలి

*చరవాణి రెండు వైపులా*
*పదునైన కత్తి లాంటిది*
పసి పిల్లలకు చరవాణితో
అవసరం లేదు

డబ్బు ఉందనో ,గొప్పలకనో
సరదాకనో అలవాటు చేస్తే
అది రేపు వ్యసనమైపోతుంది
అత్యవసరమై కూర్చుంటుంది
*మొక్కై వంగనిది మానై వంగున్నా*
అన్న చందాన
చరవాణి లేక పోతే
పాలు త్రాగననీ
అన్నం తినను అని
చదువుకోను అనే స్థాయికి
వెళ్ళి పోతారు పిల్లలు

చరవాణి ని చిన్న పిల్లలకు
ఎంత దూరముంచుతే
అంత మంచిది
పెద్ద పిల్లలకు
అవసరాలకు తగ్గట్టు
ఫోన్లు ఇవ్వడం
అనవసర అప్ లకు
లాక్ లు వేయడం చేయాలి
తల్లి దండ్రులు మితంగా
చరవాణిలను ఉపయోగించాలి
అధికంగా వాడుతే
పిల్లలకు సున్నితంగా
వివరణ ఇవ్వాలి
అప్పుడే
సమయం మిగులు తుంది
ఆరోగ్యం బాగుంటుంది
ఖర్చు తగ్గుతుంది
సమాజం బాగుపడుతుంది