రూపకాలంకారాలు - శ్రీ కృష్ణుడు

అంశం: రూపకాలంకారాలు

శీర్షిక: "శ్రీ కృష్ణుడు*

శ్రీ కృష్ణుడు
దశావతారాలలో
ఒక అవతారం కృష్ణావతారం
లోక కల్యాణం కొరకు
విశ్వశాంతి కొరకు
శిష్టరక్షణ, దుష్టశిక్షణ శిక్షణ గావించ
ద్వాపర యుగంలో
దేవకీ అష్టమ గర్భాన
కంసుడు నిర్భంధించిన కఠిన చెరసాలలో
ఆదివారం అష్టమి రోజున
అర్ధరాత్రి సమయాన
ఆకాశంలో ఉరుములు మెరుపులు
కుంభ వర్షం పడుతున్న వేళ
కెవ్వున కేకలేస్తూ దివ్య తేజస్సుతో
జగతిన అవతరించాడు కృష్ణుడు

శ్రీ కృష్ణుడు
దేవకీ వసుదేవుల నందనుడు
యశోద నందులు పెంచిన తనయుడు
కంస చాణూర మర్ధనుడు
నల్లని మేను గలవాడు.
నీల మేఘాశ్యాముడు
పద్మ నయనమ్ముల వాడు
నవ్వు రాజెల్లెడు మోము వాడు
వివిధ ఆభరములకు ఇష్టుడు
మౌళి పరిసర్పిత పింఛం గలవాడు
మందార మాల, పీతాంబరములు
తులసి మాలలు ధరించు వాడు
మెలి దిరిగిన ముంగురులు కలవాడు
చేతిలో పిల్లన గ్రోవి ధరించు వాడు
వనమాల శంకు చక్రాలను ధరించు వాడు
సుధారసమ్ము పై జల్లెడు వాడు
యదు భూషణుడు, శృంగార రత్నాకరుడు
భక్తవత్సలుడు, లోకేశ్వరుడు
గరుత్మంతుడను పక్షి వాహనం గలవాడు
రుక్మిణి సత్యభామాదులతో విహరించు వాడు

శ్రీ కృష్ణుడు ,
ముద్దుగారే యశోద ముంగిట ముత్యము
కాళింది పడగలపై కప్పిన పుష్యరాగం
రతికేళి రుక్మిణికి రంగు మోవి పగడము
సంజయుని సఖుడు ,
ద్రౌపది వస్త్రాపహరణ నుండి కాపాడిన వాడు
కురుక్షేత్ర సంగ్రామంలో రథసారథి
గీతా బోధకుడు , జగద్గుగురువు
విశ్వ జీవకోటి సంరక్షకుడు
భగవంతుడు, శ్రీ కృష్ణుడు
వందే కృష్ణం! వందే జగద్గురుం!