నా స్వప్నం నెరవేరేనా!

అంశం- రేపటి నా కల

శీర్షిక: *రేపటి నా స్వప్నం నెరవేరేనా!*

మనసు కలవరపెడుతుంది
నిద్ర లోనూ స్వప్నం లోనూ
మదిని నిత్యం తొలుస్తుంది
అదే అదే పదే పదే ఇప్పటికీ ఎప్పటికీ

ఎన్నో ఆశలతో మరెన్నో ఊసులతో
స్వాతంత్ర్య సమరయోధులు
గాంధీ, నెహ్రూ, సర్ధార్, సుభాష్ చంద్రబోస్
లాలా లజ్పత్, తిలక్, లాల్ బహదూర్ శాస్త్రి
ఝాన్సీ లక్ష్మీబాయి, అల్లూరి,భగత్ సింగ్
రాజ్యాంగ కర్త డాక్టర్ అంబేద్కర్ లాంటి
వారు మరెందరో!

పోరాడి పోరాడి, వేటాడి వేటాడి
ఛేదించి ఛేదించి శోధించి శోధించి
త్యాగాలు చేసి, ప్రాణాలు అర్పించి
స్వాతంత్ర్యం సాధించిన ఫలితం లేకపోయే!

*ఒక స్త్రీ అర్ధరాత్రి నడిరోడ్డుపై ఒంటరిగా*
తిరిగిన రోజునే స్వాతంత్ర్యం వచ్చినట్లని*
*స్వాతంత్ర్యం ఫలాలు అందరికీ సమానంగా*
*అందిన రోజునే, స్వాతంత్ర్యం వచ్చినట్లనీ*
*దేశానికి వెన్నెముకైన గ్రామాలు అభివృద్ధి*
*చెందినపుడే స్వాతంత్ర్యం వచ్చినట్లనుకున్న*
ఆశలన్నీ ఆడిఆషలాయే!

యేండ్లు దాటినా దశాబ్దాలు గడిచినా
ఎక్కడ వేసిన గొంగళి అక్కడే చందాన
సాగుతుండే జనుల బ్రతుకులు
చెత్త కుండీల వద్ద శునకాల పోట్లాటలా!

ప్రతి యేటా ప్రభుత్వాలు
లక్షల కోట్ల ఉచిత పధకాలను ప్రకటిస్తూ
పేదలకు అమలు చేస్తున్నామంటారు
యేడు గడిచే సరికి అదే బడుగు జీవులు
బొచ్చెలు పట్టుకుని చకోరపక్షుల్లా
నగదు పధకాల కొరకు ఎదురు చూస్తుండే
హక్కుల సాధన విషయం మరిచి పోయే!

ఎక్కడ పోతుండే లక్షల కోట్ల నిధులు
ఎవరి బొజ్జలు నిండుతుండేనో, తెలియకుండే
దేశం అభివృద్ధి చెందుతున్న దేశంగానే మిగిలిపోయే
బీదలు ఓటు బ్యాంకు గానే ఉండి పోతుండే

నా రేపటి స్వప్నం!
*ప్రతి ఐదేళ్లకు ఒకసారి దేశంలో*
*రాష్ట్రపతి పాలన విధించాలని*
*ఫాస్ట్ ట్రాక్ కోర్టుల ద్వారా అవినీతి నేతలకు*
*అధికారులకు శిక్షలు విధించాలని!

అప్పుడే ప్రభుత్వ నేతలలో,
బ్యూరో క్రాట్లలో వణుకు పుడుతుందని
సత్వరం చట్టాలన్నీ అమలులోకి వస్తాయని
అవినీతి తగ్గుముఖం పడుతుందని!

నాయకులు ఉచిత హామీలను ఆపేస్తారని
ఎన్నికల సంస్కరణలు మొదలవుతాయని
ఓటర్లు నిర్భయంగా ఓటు హక్కు
వినియోగించుకుంటారని!

ఉచితాలపై ఆధారపడకుండా ప్రజలు
స్వశక్తితో అభివృద్ధి సాధిస్తారని 
సంపద అందరికీ సమానంగా అందుతుందని
ఆత్మాభిమానంతో జనులు జీవిస్తారని
*నా రేపటి స్వప్నం నెరవేరేనా?*