భోలా శంకరుడు

అంశం:మహా శివరాత్రి

శీర్షిక: *భోలా శంకరుడు*

సప్త చక్రాలలో ఏడవది *సహస్రార చక్రం*
తలపైన కొలువుండు నెవరికైన
*సహస్రార చక్రం* బీజాక్షరమే
*ఓం*
*ఓం* అనునది భోలాశంకరుడికి పంచ ప్రాణం

ప్రతి నిత్యం *ఓం*
అను బీజాక్షరమును
నూటా ఎనిమిది మార్లు
జపించిన జీవితం ధన్యమగును

భోలా  శంకరుడు
త్రిగుణాత్ముడు త్రిశూలాధారి
విభూతి ధారణుడు విశ్వ లయ కారకుడు
సర్పమును కంఠాభరణముగ ధరించినవాడు
శిరస్సుపై గంగా పార్వతిని నిలిపిన వాడు
విషాన్ని కంఠంలో బిగపట్టిన గరళకంఠుడు
పులి చర్మాన్ని వస్త్రంగా ధరించిన వాడు
నంది వాహనుడు
పార్వతీ మాతను సగం భాగం నిలుపుకున్న
అర్ధ నారీశ్వరురుడు
అల్ప సంతోషి
త్రికోణ పత్రాలైన బిల్వ పత్రాలతో పూజిస్తే
సంతోషంతో ఆనందతాండవం చేస్తాడు

*జన్మకో శివరాత్రి* అంటారు
ప్రతి యేటా మాఘ మాసం కృష్ణ పక్షం
చతుర్ధశి రోజు వచ్చే పవిత్రమైన
శివరాత్రి యే. *మహా శివరాత్రి*

*మహా శివరాత్రి* రోజున భక్తితో నిష్టతో
ఇష్టంగా ఉపవాస దీక్ష చేసిన
నిశి అంతా జాగారం చేస్తూ
*ఓం నమఃశివాయ* అను బీజాక్షరములను
జపించిన చాలు జీవితం ధన్యమౌ
కోరిన కోరికలు తీర్చు
బోలా శంకరుడు

బ్రహ్మ విష్ణు మహేశ్వరుడులో
మూడవ వాడు మహేశ్వరుడు 
సృష్టి స్థితి లయకారులలో
లయ కారకుడు