బతుకమ్మ

అంశం: *బతుకమ్మ*

శీర్షిక: *తీరొక్క పూల పండుగ*

సమరసతకు ఒక వేదిక

ఐఖ్యతకు ,ఆనందాలకు ప్రతీక

సత్సాంప్రదాయాలకు మాలిక

సంస్కృతి యాస భాషలకు నిలయమిక

చెట్లకు పూచిన పూలకు మహాభాగ్యమిక

బతుకమ్మ పండుగకు తెలంగాణే మూలమిక!

పిల్లా పెద్ద లందరికీ ఆనందాలిక

ఆడపడుచులు, అమ్మమ్మలు ఆడాలిక

పూల బతుకమ్మ పండుగ ఒక ప్రతీక

దేశ దేశాల తెలుగు ప్రజలకు గొప్ప వేడుక!

తెలంగాణ రాష్ట్ర పువ్వు తంగేడు పువ్వు

గునుగు పువ్వు ,కట్లపువ్వు, బంంతిపువ్వు

గోరంట పువ్వులు , చేమంతి పువ్వులు

రంగు రంగుల తీరొక్కపువ్వులనుకోసుకొచ్చి!

పిల్ల బతుకమ్మ తల్లి బతుకమ్మ అని 

బతుకమ్మలను త్రికోణాకారంలో పేర్చి

ధూప దీపాలతో పసుపు కుంకుమలతో

ఘనముగా బతుకమ్మలకు పూజలు చేసి 

ఆఱుబయట పెట్టి అమ్మలక్కలు పాడి!

పొద్దు గూకి నంక , బతుకమ్మలనెత్తుకుని

డప్పు వాయిధ్యాలతో  చెరువుకాడికెల్లి

పసుపు గౌరమ్మను పార్వతిగా చేసి

తులసిమొక్కతోపాటు గౌరమ్మనుప్రతిష్టించి

వనితలు చుట్టూర బతుకమ్మల పెట్టి!

చప్పట్లు కొడుతూ బతుకమ్మ పాటలు 

అంగ రంగ వైభవంగా ఒక్కొక్క పువ్వేసంటూ

ఆనంద లయలతో ఆడుతూ పాడుతూ

యింపైన సొగసులతో కోలాటమాడి!

బతుకమ్మల ధూపదీపాలతో నీటిలోవదిలి

ఇచ్చుకో వాయినం పుచ్చుకో వాయినమని

తెచ్చిన ప్రసాదాలను ఒకరికొకరును

వాయినాలు యిచ్చుకుని , ఇష్టముగతిని

ఆనందగా పోయెదరు ఎవరింటికి వారు!