యోగి వేమన

అంశం: వేమన

శీర్శిక: *వేమన మహా గొప్ప కవి*

దేశంలో ఎందరో మనుషులు ఉంటారు
కానీ,  కొందరే కవులు అవుతారు
అందుకు కారణం *సిగ్మండ్ ఫ్రాయిడ్*
మనో విజ్ఞాన శాస్త్ర వేత్త ప్రకారం
ఎదిగే వయసులో కుటుంబంలో సంఘర్షణలు
స్నేహితుల, పుస్తకాల , సమాజ పరిస్థితుల
నెరవేరని కోరికల ప్రభావమని!

వేమన జీవితాన్ని,రచనలను బట్టి విశ్లేషణ చేస్తే
తాను చిన్ననాట విశ్వద అనే ఒక వేశ్యాలోలుడు
మణి మాణిక్యాలు సకలం దారపోషాక
సర్వం కోల్పోయాక, వదిన ద్వారా తెలిసివచ్చే
చేసిన తప్పేమిటో,  జీవితంపై విరక్తికలిగే
ఒక సాధువు ద్వారా ఆత్మజ్ఞానాన్ని పొందారు
అలా రూపాంతరం చెందిన వాడే వేమన కవి!

వేమన ఒక మహా గొప్ప కవి, యోగి,తత్వవేత్త
అలతి అలతి పదాలతో నాటి సాంఘిక
సామాజిక రుగ్మతలను చీల్చి చెండాడుతూ
వ్రాసిన ఆటవెలది పద్యాలే *వేమన పద్యాలు*
ప్రేయసి విశ్వద, స్నేహితుడు అభిరామ పేర్లతో
*విశ్వదాభిరామ వినురవేమ* అను మకుటంతో
సామాన్య జనుల గుండెలలో నిలిచి పోయాడు!

*వానకు తడవని వారు, వేమన పద్యం వినని వారు లేరు* అనేది ఒక ఆర్యోక్తి.
సిపి బ్రౌన్ సహకారంతో వెలుగులోకి వచ్చాయి
ఐదు శతాబ్దాలు గడిచినా  ప్రపంచ జనుల
నాలుకలపై నేటికీ ఆడటానికి కారణం
నాటి పరిస్థితులు నేటికీ మారకపోవడమే!