వికాస తరంగం

అంశం: వికాస తరంగం

శీర్శిక: *ప్రకృతి విజ్ఞాన సంపదలు*

ప్రకృతి విజ్ఞాన ఖని
ప్రకృతి వికాసతరంగాల గని
అది ఎంత తీసినా తరగని నిధి
సృష్టిలో ఉచితంగా లభించే విజ్ఞాన నిధి!

మనసును వికసింప చేసుకోడానికి
మనో ఉల్లాసం పొందడానికి
జ్ఞానాన్ని సముపార్జించుకోడానికి
విజ్ఞాన వికాసాన్ని వృద్ధి చేసుకోడానికి
అందరికీ అందుబాటులో ఉన్నది ప్రకృతి!

విత్తనం పుడమి గర్భాన్ని చీల్చుకుని
మొక్కగా ఎలా మొలకెత్తుతుందో
అలానే అమ్మ గర్భాన్ని చీల్చుకుని
బిడ్డ జన్నించి ఎదుగటం నేర్చుకున్నాడు!

గొంగళి పురుగు జీవిత దశలను చూసి
ఎంతో జ్ఞానాన్ని పొందాడు,వికాసం చెందాడు
అది ఎంత కష్ట పడుతూ ఎన్ని దశలు మారితే
సీతాకోకచిలుకగా మారుతుందని!

గ్రామ సింహాలను చూసి తెలుసుకున్నాడు
అన్నం పెట్టిన యజమానికి ఎంతటి
విశ్వాసంతో ఉండాలని!

చీమలను చూసి జ్ఞానాన్ని పొందాడు
అవి ఎంతటి శ్రమైక జీవులనీ
చీమలు ఎంత క్రమశిక్షణ గలవని
అవి భవిష్యత్తు గురించి
ఎంతటి ప్లానింగ్ తో ఉంటాయని!

ఇలా ప్రకృతిలో ఎన్నో ఉన్నాయి
మనిషి తెలుసుకోడానికి ,తన మనో వికాసాన్ని
జ్ఞానాన్ని పెంచుకోడానికి, అభివృద్ధి చెందడానికి!