ఎన్నికలలో ఎవరికి ఓటు వేయాలి ?

ప్ర . ఎన్నికలలో  ఎవరికి  ఓటు వేయాలి ?

జ. ప్రజా స్వామ్య  దేశం లో , 18  సంవత్సరాలు  నిండిన  ప్రతి ఒక్కరికీ ' ఓటు హక్కు ' ఉంది .  ప్రజా స్వామ్య  దేశం లో , ' ఓటు ' అనేది  ప్రజల చేతిలో  'వజ్రాయుధం' . సాధారణంగా , ఎన్నికలు ప్రతీ  5 సంవత్సరాల కొకసారి  వస్తాయి. అవి జనరల్  ఎన్నికలు  కావచ్చు , ఉప ఎన్నికలు  కావచ్చు  ,  కార్పోరేట్  ఎన్నికలు కావచ్చు . ఎన్నికయిన  ప్రతి నాయకుడు ,   పాలక పక్షం  లోనో , ప్రతి పక్షం లోనో ఉండి  , మనల్ని  5 సంవత్సరాలు  పాలిస్తారు లేదా  శాశిస్తారు . మనకు స్వాతంత్ర్యం  వచ్చి  6 దశాబ్దాలు  దాటినా , 30 శాతం ప్రజలు  ఇంకనూ , బి . పి . ఎల్ . లైన్  క్రిందనే  ఉన్నారు . 1951 లో 35 కోట్ల ఉన్న జనాభ  నేడు  127 కోట్లకు దాటింది .  అదే దామాషాలో  పేద తనం పెరిగి పోతున్నది  తప్పా  వారి బ్రతుకులు మారడం లేదు .   కాని  అదే సమయంలో  నాయకులు , ,అధికారులు  పెద్ద పెద్ద వ్యాపారస్థులు  కోట్లకు పడగ  లెత్తుతున్నారు .  దానికి ముఖ్య కారణం  ప్రజల పేద తనం  , నిరక్ష రాస్యత , నాయకుల  డామినేషన్ , ప్రజల అభిమానం , డబ్బు , మద్యం  ప్రాబల్యం , చట్టాలలో  మినహాయింపులు , 'ఎన్నికల  సంఘం' ,  పోటీ  చేసే  అభ్యర్దుల యెడల , వారు అందించే ధ్రువ పత్రాల పట్లా ,  పెట్టే  ఖర్చు పట్ల   చూసీ  చూడ  నట్లు వ్యవహరించడం  మొదలైన వన్నీ , ఓటర్లలో  అనాసక్తికి   కారణాలుగా  చెప్పు కోవచ్చు . 

ఏది ఏమైనా , గత  నాయకుల పాలన ను  బేరీజు  వేసుకుని  ప్రజలు , సమర్ధులైన అభ్యర్దులకు  మాత్రమే  ఓటు వేయాలి .  ఎన్నికలలో  గెలిచి , అధికారం చేపట్టిన  90 రోజులలో  , వారు ఎన్నికలలో వాగ్దానం చేసిన  పనులు  ప్రారంభించారా  లేదా ? అధికారం చేపట్టిన ఒక సంవత్సర కాలంలో , అందులో కొన్నింటినైనా  పూర్తి చేశారా లేదా ?  అధికారం చేపట్టిన 2 సంవత్సరాలలో  సగం  వాగ్దానాలైనా  పూర్తి చేశారా  లేదా ?  వాగ్దానం  చేయనివి కూడా  ప్రజల సంక్షేమానికి  కృషి చేస్తున్నారా , నిజాయితీగా  , అవినీతి రహితంగా  పాలిస్తున్నారా , ఎలాంటి కుల , మత , ప్రాంత గొడవలు సృష్టించ  కుండా , ప్రజల కనీస అవసరాలు  తీరుస్తూ  , ప్రజలకు  ఎల్లప్పుడూ  అందు బాటులో ఉంటున్నారా అనే  విషయాలను  బేరీజు  వేసుకుని  మంచి అభ్యర్దులకు  ఓటు వేయాలి . తప్పకుండా  ఓటు హక్కు వినియోగించు కోవాలి . ఒకే  ఒక్క  ఓటుతో  ఒక  అవినీతి  అభ్యర్ధి  , కుంభ కోన అభ్యర్ధి , హంతక  అభ్యర్ధి ,  కేవలం  నటన  అభిమానం గల  సెలబ్రిటీ  గెలువ వచ్చు . అలానే   ఒకే  ఒక్క  ఓటుతో  ఒక  మేధావి   అభ్యర్ధి  , సమర్ధత  గల  అభ్యర్ధి , నిజాయితీ   అభ్యర్ధి ,  సమాజానికి  సేవ  చేయాలనే  , రాష్ట్రాన్ని , దేశాన్ని  అభివృద్ధి  చేయాలనే లక్ష్యం  గల అభ్యర్ధి ఓడి పోవచ్చు  .  అందుకని ,  అభిమానం తో , తాత్కాలిక డబ్బు , మద్యం , వస్తువుల  ఎరలకు  లొంగ కుండా , ఏ  మాత్రం  ఎవరకీ భయ పడ  కుండా  మీకు  ఇష్టమైన , నమ్మకమైన  మంచి అభ్యర్దులకు  ఓటు వేయాలి  ,