నిరుద్యోగులకు ప్రభుత్వం, జీవన భ్రుతిని కల్పించ వచ్చా ?

ప్ర . నిరుద్యోగులకు  ప్రభుత్వం, జీవన భ్రుతిని  కల్పించ వచ్చా ? 

జ . నిరుద్యోగులకు  ఉచితంగా ప్రభుత్వం  జీవన భ్రుతిని  కల్పించ కూడదు . అలా చేస్తే  , చదువుకున్న , చదువు కోని  యువతీ  యువకులను  సోమరులుగా తయారు చేసి నట్లవుతుంది . దీనులను చేసి నట్లవుతుంది .  ప్రభుత్వం ఉచితంగా  జీవన భ్రుతి  కల్పించడం వలన , ప్రతి సంవత్సరం  ఈ ఖాతాలో  జమయ్యే  నిరుద్యోగుల సంఖ్య  పెరిగి పోతూనే ఉంటుంది .  దీని వలన  దేశంలో ఉత్పాదకత  తగ్గుతుంది .  జి . డి . పి.  తగ్గుతుంది .  అసంఘటిత వ్యవస్థ  పెరిగి పోతుంది .  అంతే కాకుండా  ప్రభుత్వం పై   భారం అధికంగా  పడుతుంది .  కొన్నాళ్ళకు  వీరికి  ఏ  పని  చేత కాకనో , ఇష్టం లేకనో  , అవకాశాలు ఉండో , అసాంఘీక   శక్తులుగా  మారడానికి  అవకాశమున్నది  ,   

ఉచిత  జీవన భ్రుతిని  కల్పించ డానికి  బదులు , ఏదో ఒక పనిని   కల్పించి , దానికి తగ్గ  వేతనం  చెల్లించడం  వలన  యువతీ  , యువకులు  గర్వంగా జీవించ డానికి  అవకాశ ముంటుంది . అలా కాకున్నా  ఏదైనా  వృత్తి విద్యలో గాని , సాంకేతిక విద్యలో గాని , సాఫ్ట్ స్కిల్స్  లో  గాని , నిర్మాణాత్మకమైన  , నాణ్యమైన  ట్రేనింగ్  నిస్తూ  ' స్టైఫండ్ ' నిచ్చినా  యువతీ , యువకులు  గర్వంగా  జీవించ డానికి  అవకాశముంటుంది .  అంతే కాకుండా , దేశం గర్వించ దగిన , యువతీ , యువకులు తయారవుతారు .  దీని వలన  దేశంలో ఉత్పాదకత  పెరుగుతుంది  .  జి . డి . పి.  పెరుగుతుంది  .   చేతి నిండా పని  , గర్వంగా  జీవించ గల నైపుణ్యం , అంతకు మించి , వారిపై వారికి గల విశ్వాసం పెరగడం  వలన  , యువతీ  యువకులు  అసాంఘీక శక్తులుగా  మారడానికి  అవకాశ ముండదు , ఇక  ప్రభుత్వం పై ఎలాంటి భారం పడదు .