గీత సారాంశం

అంశం:గీతా కల్పతరువు

శీర్శిక: గీతా సారాంశం

*గీత సక్కగుంటే ఏదైనా సక్కగుంటది*
అనేది గ్రామీణ ప్రజల నానుడి
ఆ గీత లేదా తలరాత అనునది
శ్రీ కృష్ణుడి నుండి పొందే సహాయం

శ్రీ కృష్ణ భగవానుడు, కురుక్షేత్రంలో
అర్జునుడికి చేసిన , సహాయం మనకు చేస్తే
మనం కూడా బాగు పడుతాం, అనేది దీని భావన

*వేద భూమి మనది వేనోళ్ళ ప్రశంసింప బడినది*

మహాభారతంలో, కురుక్షేత్రం సందర్భంగా
శ్రీ కృష్ణుడు అర్జునుడికి చేసిన ఉపదేశ
సారాంశమే భగవద్గీత
మహాభారతం సారాంశమే భగవద్గీత

*భగవద్గీత ఒక కల్పతరువు*
*విశ్వ మానవాళికి ఆది గురువు*

శ్రీ కృష్ణుడు, జూదంలో శకుని , పాండవులను
మోసం చేసి ఓడించినపుడు, శకునిని
శిక్షించే శక్తి లేక కాదు
ద్రౌపదికి వస్త్రాపహరణం జరిగినపుడు
కౌరవులను శిక్షించే శక్తి లేక కాదు
కురుక్షేత్ర యుద్ధంలో, అధర్మానికి పాల్పడిన
కౌరవ సైన్యాన్ని మట్టుపెట్టే శక్తి లేక కాదు

ఏదైనా పక్వానికి రావాలి
సమస్తలోకానికి దాని పర్యావసానం తెలియాలి
ధర్మాధర్మాలు సమాజానికి తెలియాలి
అనుభవం రావాలి,
ఒక మానవుడిగా  సమస్యలను ఎదుర్కోవాలి,
అని భావించాడు శ్రీ కృష్ణుడు

ఈ రోజు అనగా మార్గశిర శుక్ల ఏకాదశి రోజున
అర్జునుడికి ఉపదేశం చేస్తాడు,
అందుకే ఈ రోజును "గీతా జయంతి" గా
ప్రతి సంవత్సరం జరుపుకుంటున్నాం

కురుక్షేత్ర సంగ్రామంలో,
అటువైపు తండ్రులు, అన్నదమ్ములు,
మామలను చూసాక హృదయం
ద్రవించి పోతుంది
అర్జునుడు దుఃఖితుడై , అస్త్ర శస్త్రాలను
వదిలేసి నేను యుద్ధం చేయనంటాడు
విషాద వదనంతో,
నా వాళ్ళను చంపాక సాధించిన
రాజ్యాలు , భోగాలు నాకు వద్దు అని
రథం లోనే కూలిపోతాడు

అప్పుడు రథ సారథి అయిన శ్రీ కృష్ణుడు
అర్జునుడికి గీతోపదేశం చేస్తాడు
"అర్జునా! యుద్దాన్ని వారే కోరుకున్నప్పుడు
బంధుత్వం ఆలోచించవద్దు", 
"చావు పుట్టుకలు సహజం. విద్యుక్త ధర్మాన్ని
నిర్వర్తించడం లోనే నీ కధికారముంది.
కర్మఫలాన్ని అనుభవించడంలో నీకు
అధికారం లేదు"
అంటూ యుద్దానికి  సన్నద్ధం చేసి ,
యుద్ధంలో గెలుపుకు మూల కారకుడవుతాడు