సంక్రాంతి విశిష్టత P

అంశం: సంక్రాంతి సంబరాలు

శీర్షిక: *గొబ్బెమ్మలు*

మంచుపరదాలతో ప్రకృతి అందచందాలు
నింగినెగిరే రంగు రంగుల పతంగులు
మనోహర భరితంబు పిల్లల కేరింతలు
అంబురాన్ని తాకే సంక్రాంతి సంబురాలు!

ముచ్చటగా మూడు రోజుల పండుగ
భోగి సంక్రాంతి కనుమవరుసగా రానుండ
పల్లెల్లో కొత్తధాన్యాలు ప్రతిఇంటా నిండుగ
చెడుజ్ఞాపకాలను బోగిమంటలలో కాల్చగ!

ఉషోదయాన కాంతల కోలాహాలాలు
వాకిళ్ళ నిండా ఇంద్ర ధనస్సులా ముగ్గులు
అంద చందాలతో లోగిళ్ళలో ఆవుపేడతో
*పిరమిడ్ లను తలపించిన గొబ్బెమ్మలు*!

సకల సంపదల నిచ్చు భూమాతను
కొలిచే చక్కని ఆచార సాంప్ర దాయాలతో
పసిడి అందాలతో పుడమి పులకరింపులు
లేత పచ్చని మామిడాకుల తోరణాలు
బంతి చేమంతులతో నిండుగా గుమ్మాలు!

తలస్నానాలాచరించి ధరించే కొత్త బట్టలు
రేగు పండ్లు నవధాన్యాలు , పుష్పాలు
పిల్లలతలలపైపోసిఅరిష్టాల తొలగింపులు
ఆటపాటలుపసందైనవిందులు వినోదాలు
చకినాలు అర్షలు లడ్డూలు పిండివంటలు!

డూ డూ బసవన్నంటూ గంగిరెద్దులజోరు
తంబూర వాయిధ్యాలతో సన్నాయిల హోరు
హరిలోరంగ హరి యంటూ హరిదాసుల వారు
గుక్కతిప్పలేని గొప్పలతో తుపాకి రాముడు!

సంక్రాంతి సెలవులతో తల్లిగారిండ్లకు
కొత్త అళ్ళుండ్లు కోడండ్లు పిల్లల రాకతో
రైళ్ళు బస్సులు కిక్కిరిసి పోతుండ
గ్రామాలన్నీ కళకళ లాడుతుండు!

బొమ్మల కొలువులు  కోతి కొమ్మచ్చీలు
కోళ్ళపందాలు ఎద్దుల అలంకరణలు
కోడెల పోటీలు తిరునాళ్ళ జాతరలు
ఆనందించేరు అందరు పిల్లలు పెద్దలు!

ధనస్సునుండి మకరంలోకి భానుడి ప్రవేశం
ధనుర్మాస వేళ ఉత్తరాయణంలోకి పయనం
ఎంతో పుణ్యఫలం పెద్దలకు పిండ తర్పనం 
మునులు ఋషులు మనకు ఆదర్శం!

మరెన్నో గొప్ప విశిష్టతలతో సంక్రాంతి
భారతీయులలో నింపు కొత్త క్రాంతి
ఇదే మన భారతీయ సంస్కృతి
విశ్వాన గడిస్తుండే ఎంతో ఖ్యాతి!