సంగీతం మేరు శిఖరం

*సంగీతం -ఆనందం*

శీర్షిక : *సంగీతం మేరు శిఖరం* 

*సంగీతం సప్త సాగరం*
*సంగీతం కల్ప వృక్షం*
*సంగీతం ఉపాధి కల్పించే మేరు శిఖరం*

రాగమేదైతే నేమి? అది సంగీతమే!
శబ్ధమేదైతే నేమి? అది సంగీతమే!
శుభోదయాన పక్షుల కిలకిలా రావాలు 
సంద్యా వేళ తుమ్మెదల ఝంకారావాలు
ఎల్ల వేళలా జంతువుల అరుపులు సంగీతమే!

తరువులు ఊగినపుడు 
ఎండు టాకులు నేల రాలు నపుడు
నిప్పుల్లో మంటల చెలరేగినపుడు
చెరువులు మత్తడి పడినపుడు 
వచ్చే శబ్ధాలు సంగీతమే!

చిరు గాలులకు తరువుల ఊపుల నుండి
వెలువడే శబ్ధాలు సంగీతమే!
చెట్టు కొమ్మలకు కట్టిన ఊయల నుండి
వినిపించే రాగం సంగీతమే!

ఆనందంగా ఉన్నపుడు స్నానాల గదిలో
వంట గదులలో పాడే కూని రాగాలు సంగీతమే!
శిశువు జన్మించినపుడు అమ్మకు వినిపించే
కెవ్వుకేక సంగీతమే!

సంగీతమంటే ఇష్టపడని మనిషి 
కొక్కు పట్టిన కోడితో ఒట్టి పోయిన ఆవుతో
హృదయం లేని జీవితో మోడు బోయిన తరువుతో సమానం!

సంగీతంలో ఉన్న ఆనందం
సంగీతం లో ఉన్న మాధుర్యం
సంగీతం లో ఉన్న మహత్యం 
సంగీతం వలన ఏర్పడే సప్త స్వరాలు
సమాజానికి గొప్ప వరాలు
సంగీతం వెలకట్టలేని గొప్ప సంపద!

జాతి కులం మతం వర్ణం ప్రాంతం
దేశం భాష భేదాలు లేకుండా ప్రపంచ దేశాల
మనుషులను కలిపే గొప్ప శక్తి గలది *సంగీతం*!

అమ్మ జోల పాట పాడి శిశువును
నిద్రపుచ్చ వచ్చు!
వేణు గానంతో ఆవుల నుండి
పాలను కార్పించ వచ్చు!

పిల్లన గ్రోవితో సర్పాలను నాట్యమాడించ వచ్చు!
సంగీతంతో దీర్ఘ రోగికి స్వస్థత చేకూర్చ వచ్చు!

సంగీతంతో నరులను పరవసింప చేయవచ్చు
మయూరాలను నాట్యమాడించవచ్చు!
సంగీత మంటే  ప్రకృతి పరవసించి పోతుంది!
సంగీత మంటే ఇష్టపడని వారెవరు 
ఆస్వాదించని వారెవరు!

ఓంకారం ఒక సంగీతంమే
సంగీతం లేకుండా సృష్టి లేదు 
సృష్టి లేకుండా సంగీతం లేదు
సంగీతం లేకుండా ప్రకృతి లేదు 
సంగీతం లేకుండా మనిషి లేడు!

సంగీతం ఎంతో మధురం
సంగీతం ఊపిరి సంగీతం ప్రాణం 
సంగీతం ఒక ఉల్లాసం సంగీతం ఒక స్వాంతన 
సంగీతం సార్వజానీనం!