గూడు చెదిరిన పక్షులు

అంశం: సామాజికం

శీర్షిక: "గూడు చెదిరిన పక్షులు"
(ప్రక్రియ: మణిపూసలు)
(రూపకర్త: శ్రీ వడిచర్ల సత్యం) 

పరువుగల కుటుంబం
అన్యోన్య కుటుంబం
ఆశ పెరిగె మనసులో
దూరమయె కుటుంబం!

                   ఆస్తులొస్తాయని పంపె
                   దూరదేశాలకు పంపె
                    నీవెంతని అహము తోటి
                    భార్య భర్తననిచి పంపె!

త్రాగుడుకు బానీసాయె
చెడు తిరుగుళ్ళుమొదలాయె
పరువు పదవి గాలిలో
ఆస్తులు ఆవిరై పోయె!

                      అందముందని భార్య
                      వయసుఉందని భార్య
                      పక్క వాడితో పోయే
                      సంపదుందని భార్య !
                      

మోజులో వాడుకునే
లోగుట్టు తెలుసుకునే
ఉన్నదంతా ఊడ్చుకొని
కనుమరుగై పోయెనే!

                      ఉభయులకూఅర్ధమాయె
                       కాలమంత గడిచిపోయె
                       కోర్టులచుట్టుతిరుగుతూ
                       గూడు లేని పక్షులాయె!

సమస్యలూ సహజము
అందరికుండు నిజము
కూర్చుని మాట్లాడుకునిన
ఉండునెంతొ ఫలితము!
                                   
                        కోర్టులో నలిగె కేసులు
                        గడిచినవి రావు రోజులు
                        ఎంత ఉండి ఏమివచ్చే
                        రోడ్డున పడె కుటుంబాలు!


జీవితంబు ఉత్కృష్టము
సర్దుబాటెంతొ ముఖ్యము
ఆగమాయె బిడ్డ భవిత
కలిసి పోతే గౌరవము!