Pఆత్మాభిమానం - అహంకారం P

అంశం:ధన అహంకారం

శీర్శిక: *ధన అహంకారం - ఆత్మాభిమానం*

*అహంకారానికి ఆత్మాభిమానానికి*
*మధ్య తేడా కేవలం వెంట్రుక వాసి*
*మాత్రమే*
*అవి నాణానికి బొమ్మ బొరుసు లాంటివి*

అతి ఏదైనా అనర్ధమే
మితమేదైనా అమృత తుల్యమే

మిత అహంకారం లేకుండా
అభివృద్ధి లేదు
పరిమిత ఆత్మాభిమానం లేకుండా
వికాసం లేదు!

భార్యా భర్తల మధ్య విభేదాలు
తల్లిదండ్రులు పిల్లల మధ్య బంధాలు
బంధుమిత్రుల మధ్య సంబంధాలు
భాగస్వాముల మధ్య ఒప్పందాలు
బెడిసి కొట్టడానికి కారణం
అధిక ఆత్మాభిమానం
అత్యధిక ధన అహంకారమే!

ఆత్మాభిమానం అధికమైనా
సంపద అహంకారం అధికమైనా
జ్వాలలు ఉవ్వెత్తున ఎగిరి
అగ్ని పర్వతం బద్దలైనట్లే
వ్వవస్థలు భస్మీపఠలం అవుతాయి!

ఆత్మాభిమానం కోల్ఫోయావంటే
ఎదుటి వారికి బానీసయినట్లే
ఆత్మాభిమానం అహం గానీ లేదంటే
నీలో రోషం చీము నెత్తురు లేనట్లే

ఆత్మాభిమానం కోల్పోయిన వారు
సోమరులుగా తయారవుతారు
ద్రవ్య అహంకారం ఇగో పెరిగిన వారి వలన
వ్యవస్థలో సమాజంలో కుటుంభాలలో
కోపాలు తాపాలు మనస్పర్థలు పెరిగి
వినాశనానికి దారి తీయు!

ఆత్మాభిమానం తగ్గినా అహంకారం పెరిగినా
రెండూ తమకు తమ కుటుంబాలకు
వ్యవస్థలకు తీరని నష్టం చేకూర్చు!

ఆత్మాభిమానం వ్యక్తిత్వంలో అంతర్భాగం
పరువు ప్రతిష్టలలో ముఖ్య భూమిక పోషించు
ఆరోగ్యంగా ఉన్నంతకాలం
కొడుకు కోడలు వద్ద ఉండాలన్నా
కూతురు అల్లుడి ఇంట్లో గడపాలన్నా
ఏదో ఒక మాట పడాలన్నా ఆత్మాభిమానం
అడ్డు వస్తుంది!

పిల్లలు ప్రేమించి పెళ్ళిళ్ళు చేసుకున్నా
ఇష్టమైన చదువులు చదువకున్నా
తల్లిదండ్రుల మాటను లెక్క చేయకున్నా
ఇరుగు పొరుగు సూటిపోటి మాటలన్నా
ఆత్మాభిమానం అడ్డు వచ్చి
ఆత్మ హత్యలు చేసుకున్న వారు లేకపోలేదు!

నిన్నటి తరంలో ఉన్నంత ఆత్మాభిమానం
నేటి తరంలో కనబడదు
నేటి తరంలో ఉన్నంత ఆత్మాభిమానం
రేపటి తరంలో చాలా తగ్గిపోవచ్చు
స్వార్ధం విత్త సంపాదన సోమరితనానికి
అలవాటు పడిన నరులు ఆత్మాభిమానం
కోల్పోతున్నారు ఇది చాలా ప్రమాదకరం!

ఎక్కడ నెగ్గాలో కాదు ఎక్కడ తగ్గాలో కూడా
తెలిసిన వారే జీవితంలో విజయం సాధిస్తారు
అలానే ఆత్మాభిమానం అహంకారంలో కూడా
సల్లుబిగులు ఉండాలి

ఆత్మాభిమానం పౌరుషం రేషం
పూర్తిగా లేకుండా బానిసలుగా
జీవించు వారు బ్రతికినా
మరణించినా ఒకటే!