*నేటి అంశం -సామెతల కవిత*
*1.ఆకలి రుచి ఎరుగదు నిద్ర సుఖమెరుగదు*
*2. డబ్బుకు లోకం దాసోహం*
శీర్షిక: *అనుభవాల నుండి పుట్టినవే ఆర్యోక్తులు*
రెక్కాడితే డొక్కాడని బడుగు జీవులకు
రోజంతా శ్రమించే శ్రామికులకు
రోజుకు ఒక్క పూట తిండి దొరకని దీనులకు
పంచభక్ష్య పరమాన్నాల రుచి యేల తెలుసు!
చెమటోడ్చి పనిచేసిన కార్మికులకు
సడలిన కండరాలకు అలసట దీర్చను
నిద్ర ముఖ్యం గానీ పట్టు పరుపులు కాదు
అందుకే అంటారు *ఆకలి రుచి ఎరుగదు*
*నిద్ర సుఖమెరుగదు* అని పెద్దలు!
*డబ్బుకు లోకం దాసోహం* అనే ఆర్యోక్తి
జనుల నాలుకలలో నాటుకు పోయింది
డబ్బుకు జనులు దాసోహం కావచ్చు కానీ
అందరూ అవుతారనుకోవడం మూర్ఖత్వం!
డబ్బుతో అన్ని వస్తువులను కొనగలమని
అనుకోవడం కూడా సరికాదు
డబ్బుకు లొంగేది బలహీనులు పేదలు
అత్యాశ పరులు మాత్రమే ననీ గుర్తుంచుకోవాలి
ఇలా అనుభవాల నుండి పుట్టినవే ఆర్యోక్తులు!
No comments:
Post a Comment