గోల్కొండ పత్రిక వ్యవస్థాపకుడు

శీర్షిక: గోల్కొండ పత్రిక వ్యవస్థాపకుడు

*అతడు లేని తెలంగాణ*
*అలంకరణ లేని జాణ* అన్నారు ఓ కవి

నాటి  నిజూం ముసలి నక్క నిరంకుశ
ఆగడాలపై ఆన్యాయాలపై అక్రమాలపై
అనాగరికతలపై రగిలిన నిప్పురవ్వ
నిజాం నవాబు దుశ్చర్యలపై
ఉవ్వెత్తున ఎగిసిపడిన ఆగ్నిజ్వాల

స్వాతంత్ర్య సమరయోధుడు
సంఘ సంస్కర్త తెలంగాణ వైతాళికుడు
విద్యా వంతుడు బహుభాషా కోవిదుడు
న్యాయ శాస్త్ర నిపుణుడు దేశ భక్తుడు 

మానవతావాది పండితుడు పరిశోధకుడు
రచయిత గ్రంధకర్త వ్యాఖ్యాత
గోల్కొండ పత్రిక వ్యవస్థాపకుడు
భారతి సాహిత్య పత్రిక
ప్రజావాణి పత్రిక సంపాదకుడు
బహుముఖ ప్రజ్ఞాశాలి

దాతల పదాన్యతలతో
రెడ్డి హాస్టల్ ను ఏర్పాటు చేసి
పలు సేవలందిస్తూ వారి దాతృత్వ
పరిమళాలను విశ్వవ్యాప్తం చేసిన
మానవతావాది

తన చిన్న నాటే నాన్న మరణిస్తే
చిన్నాన్న  రామకృష్ణారెడ్డి గారి వద్ద
పెరిగి పెద్దయి విద్యాబుద్ధులు నేర్చే
సమయంలోనే అభ్యుదయ భావాలు
వంటబట్టిన సురవరం
నాటి రజాకార్ల పెత్తందార్ల అనిచివేతపై
ఆగడాలపై గోల్కొండ పత్రిక 
సంపాదకీయంలో వ్యాసాలు వ్రాసి
చెమటలు పట్టించిన  ధైర్యశాలి

జన చైతన్యానికి విద్యయే
సరియైన మార్గమని తలచి
గ్రంధాలోధ్యమ పోరాటంలో పాల్గొని
అనేక గ్రంధాలయాలు స్థాపించిన ఘనాపాటి

అప్పటి కాలంలో తెలంగాణలో
కవులే లేరన్న ఆంధ్రుల హేళనలకు
చలించి తెలంగాణ తెలుగు సాహిత్యంపై
మక్కువతో తక్షణమే
354 మంది తెలంగాణ కవులతో
వారి పూర్తి జీవిత విశేశాలతో
*గోల్కొండ కవుల* గ్రంథాన్ని ముద్రించి
వారి చెంప చెల్లుమనిపించిన
సాహిత్య పిపాసి ధీరోదాత్తుడు

తెలుగు భాషను యాసను తెలుగు జాతిని
తెలంగాణ సాంస్కృతి సాంప్రదాయాలను
పరిరక్షిస్తూ సాంఘీకంగా సామాజికంగా
రాజకీయంగా జనులను చైతన్య
పరుచడంలో విశేష కృషి సలిపినాడు
"ఆంధ్రుల సాంఘిక చరిత్ర" రచించి
"కేంద్ర సాహిత్య అకాడమీ" అవార్డు పొందిన
గొప్ప సాహితీ వేత్త

చివరి దశలో రాజకీయ శాసనసభ్యుడిగా
ఎన్నికై తన జీవితాన్ని ప్రజా సేవకు
అంకితం చేసిన సేవా తత్పరుడు
మాన్య శ్రీ సురవరం ప్రతాపరెడ్డి