వద్దు బాబోయ్ పెళ్లి మాకు వద్దు

అంశం: పెళ్లి (గేయం)
శీర్షిక: వద్దు బాబోయ్ పెళ్లి మాకు వద్దు  ( గేయం)
〰️〰️〰️〰️〰️〰️〰️
అమ్మాయులూ పెళ్లి చేసుకోండమ్మా...
అబ్బాయిలూ పెళ్లి చేసుకోండయ్యా...
వయసు తరిగి పోతుందీ...
సొగసు చెదిరి పోతుందీ......  "అమ్మా"

బెండకాయలు ముదిరినా....
వంటకు పనికి రావంటారూ...
యువత వయసు మీరినా...
సంతానం కలుగదంటారూ.....        "అమ్మా"

పిల్లలు పుట్టినా మీరు పెంచలేరూ...
పెంచినా మీరు చదివించ లేరూ...
చదివించినా మీరు చెప్పినా వినరూ...
విన్ననూ మిమ్ములను పోషించలేరూ...  "అమ్మా"

అమ్మ బాబోయ్ పెళ్లి మాకు వద్దూ...
వద్దు బాబోయ్ పెళ్లి మాకు వద్దూ...
పెళ్ళయితే రోజూ ఓ తంటా...
ఇక రోజూ గొడవలు మా ఇంటా...      "అమ్మా"

అత్తా మామ ఆడపడుచులతో తంటా 
ఇంట్లో చేయాలి రోజూ వంటా 
కేసులతో తిరుగాలీ కోర్టుల వెంటా...
వద్దు బాబోయ్ ఈ పెళ్లి పెంటా....        "అమ్మా"