అరచేతిలో స్వర్గం చరవాణి

అంశం: *అతడు ఆమె ఓ చరవాణి*

శీర్షిక: *అరచేతిలో స్వర్గం చరవాణి*

కొత్తగా పెళ్లయిన జంట
తిరుపతి వెళ్దామనుకున్నారంట
అత్తా మామలు వస్తామన్నారు వెంట
ఉభయులూ వద్దనుకున్నారు ఆ పెంట!

ఇరువురి తల్లిదండ్రులు హైదరాబాదే
ఉన్నత విద్య ధనవంతుల కుటుంబాలే
సాగనంప వచ్చారు కాచిగూడ స్టేషన్
వెంకటాద్రి ట్రేయిన్ లో ఎక్కించారు!

కొత్త జంట ఒంటరి ప్రయాణమనుకున్నారేమో
నగలు తీయించి సూటుకేసుల్లో పెట్టించారు
డబ్బులు బ్యాగుల్లో పెట్టించారు
ఒకరికి మించి ఒకరు జాగ్రత్తలు చెప్పారు!

పై బెర్త్ ఒకరిది ఆపై బెర్త్ మరొకరిది
ఆమె బెర్త్ లో ఆమె అతడి బెర్త్ లో అతడు
అరచేతిలో స్వర్గం చరవాణియే
ఎవరి చరవాణి వారి చేతిలోనే పట్టుకుని
హెడ్ ఫోన్స్ పెట్టుకున్నారు
ఎవరి వీడియోలలో వారు మునిగిపోయారు!

మధ్య మధ్యలో అతడికి ఆమె
ఆమెకు అతడు వాట్సాప్ మెసేజ్ లు
నీవేమి యూట్యూబ్ వీడియో చూస్తున్నావ్
నీవేమి యూట్యూబ్ వీడియో చూస్తున్నావ్!

టి.టి.వచ్చి తట్టే వరకు చూపట్లేదు టిక్కెట్లు 

ట్రేన్ చకచకా సాగిపోతూ స్టేషన్లను దాటేస్తున్నది
ఎక్కేవారు ఎక్కుతున్నారు దిగేవారు దిగుతున్నారు
తెల్ల వార్లు చరవాణి ద్యాస తప్పా
లగేజీ సోయి కూడా మరిచారు!

ఉదయం ఏడు గంటలు అవుతుంది
తిరుపతిలో ట్రేన్ ఆగింది
అప్పుడు మెల్లమెల్లగా బెర్త్ లు దిగారు
ఆవులింతలతో చెప్పులు వేసుకున్నారు
సూట్ కేసులు లేవు బ్యాగులు లేవు
లబోదిబోమంటూ ట్రేన్ దిగేశారు
అతడు ఆమె ఓ చరవాణితో!