ఎండాకాలం హడావుడి

అంశం: ఎండాకాలం హడావుడి 

శీర్షిక: *తల్లి తండ్రులకు తలపోట్లు*

ఎండాకాలంలో మండుటెండలు
ఏడాది కోసారి బడులకు సెలవులు
ఆటలు పాటలతో హడావుడి పిల్లలు
తినడానికి పెట్టమని పిల్లల గోలలు!

చరవాణీలలో మునుగుతారు కొందరు
స్విమ్మింగ్ పూల్ అంటారు కొందరు
డ్యాన్సులు నేర్చుకుంటారు మరికొందరు
కరాటే నేర్చుకుంటారు ఇంకొందరు!

నాన్న డ్యూటీ నాన్నది
అమ్మ డ్యూటీ అమ్మది
డ్యూటీ కయితే వెలుతారు
మనసంతా ఇంటి కాడనే
పిల్లలు ఏమి చేస్తున్నారో తెలియదు
ఎందులో వ్రేలు పెడుతున్నారో తెలియదు
ఎక్కడ ఆడుతున్నారో తెలియదు
ఏమి తగాదాలు తెస్తారో తెలియదు!

డ్యూటీలకు హడావిడిగా వెలుతారు
హడావిడిగా వస్తారు
ఇంటికి వచ్చేసరికి తగాదాల మూటలు
ఎవరివైపు మాట్లాడినా కోపాలు తాపాలు
ఎండాకాలం ఎలాగడస్తుందా అని
తల్లిదండ్రులకు తలపోట్లు!

వారాంతపు సెలవుల్లో టూర్లు షికార్లు
పార్కులు గుడులు గోపురాలు
విందులు వినోదాల హడావుడి
సెలవులు అయిపోయే దాకా పట్టణాలలో
ఇలానే ఉంటుంది తప్పదు మరి!