పుస్తకం హస్త భూషణం

అంశం: పుస్తకం

శీర్షిక: *పుస్తకం హస్త భూషణం*

పుస్తకం హస్త భూషణం
జ్ఞానానికి నాంది, ఆలోచనకు పునాది
ఆశయ సాధనకు, చైతన్యానికి సారధి
సంస్కృతి సంప్రదాయాల పరిరక్షణకు వారధి
ఒంటరులకు స్నేహితుడు, బంధువు
పుస్తక పఠనం బ్రతుకుదెరువుకు ఆలంబన
భూత భవిష్యత్ వర్తమాన కాలాలకు 

పుస్తకం ఒక దిక్సూచి
పుస్తకం ఒక యోగా గురువు

పుస్తకం ఒక పరిష్కార మార్గం 
పరిశోధకులకు పరిశోధనాత్మక గ్రంథం
పుస్తకం కొందరికి వ్యాపకం, ఎందరికో ప్రాణం
కొందరికి ఉల్లాసం, మరికొందరికి వినోదం
భక్తులకు ఆరాధ్య దైవం

నీ ఆయుధం కలం అయితే 

కొన్ని పేజీలు మాత్రమే వ్రాయగలవు
నీ ఆయధం పఠనమైతే 

కొన్ని పుస్తకాలు మాత్రమే చదువగలవు
నీ ఆయుధం చూపులు అయితే 

కొందరి పైనే దృష్టి సారించ గలవు
నీ ఆయుధం కత్తి అయితే 

శత్రువును మాత్రమే గెలువ గలవు
నీ ఆయుధం ఆలోచన అయితే 

మనసును మాత్రమే గెలువ గలవు
నీ ఆయుధం అనుభవం అయితే 

ఆశయాన్ని మాత్రమే గెలువ గలవు
నీ ఆయుధం ఈర్ష్య అయితే 

కొందరికి మాత్రమే హాని చేయగలవు
నీ ఆయుధం అహం అయితే 

నీ ప్రతిష్ఠను నీవే దిగజార్చుకోగలవు
నీ ఆయుధం సానుకూల ధోరణి అయితే 

సమాజాన్ని మాత్రమే గెలువగలవు
నీ ఆయుధం పుస్తకమైతే 

ప్రపంచాన్నే గెలువగలవు