సంస్కార జీవితానికి గీటు రాళ్ళు

అంశం: సంస్కార జీవితం

శీర్శిక: సంస్కార జీవితానికి గీటు రాళ్ళు

*అన్నం ఉడికిందో లేదో తెలుసుకోడానికి*
*కుండెడు మెతుకుల పిసుకనవసరం లేదు*
*ఒక మెతును పిసికినా చాలు* అన్నట్లు

*పనివాడితో ప్రేమగా పలకరింపుతోనే*
*తెలుస్తుంది యజమాని సంస్కారమేంటో*

నీతి నిజాయితీ మంచి నడవడికతో
మాట తీరు మాటకు కట్టుబడి ఉండటం
ఎదుటి వారి పట్ల సమభావం
పెద్దల పట్ల గౌరవం పిల్లల పట్ల ప్రేమ
హద్దులు దాటకుండా ప్రవర్తించడం

క్రమశిక్షణతో జీవించడం
శుచి శుభ్రత పాటించడం
సత్ప్రవర్తన సజ్జనులతో సాంగత్యం
తోటి వారికి చేతనైన సహాయం చేయడం
ఆపదలో ఉన్న వారిని ఆదుకోవడం
అందరితో ప్రేమానురాగాలు కలిగి ఉండటం
అరిషడ్వర్గాలైన కామక్రోధ లోభ మోహ
మదమాత్సర్యాలను అదుపులో ఉంచడం

తోబుట్టువులు ఆత్మీయులు బంధువులతో అనుబంధాలు కలిగి ఉండటం
అతిథులను ఆదరించి సపర్యలు చేయడం
భార్యా భర్తలు అన్యోన్యంగా గడుపుతూ
ఆదర్శంగా జీవించడం
పిల్లలను భాద్యతగా సక్రమ మార్గంలో
పెంచుతూ విద్యా బుద్దులు నేర్పించడం

దాన గుణం ధర్మగుణం కలిగి
ఆధ్యాత్మికత దైవంపై నమ్మకం ఉండటం
తల్లిదండ్రుల వృద్ధుల  అంగవైకల్యుల
మూగ ప్రాణుల పట్ల ప్రేమ దయ చూపడం
వారికి  సపర్యలు చేయడం
గతించిన వారికి కర్మలు చేయడం
రేపటి తరాలకు ఆదర్శంగా జీవించడం
మొదలైనవి సంస్కార జీవితానికి గీటు రాళ్ళు!