అంశం:అక్షయ తృతీయ
శీర్షిక: అక్షయ తృతీయ వైభవం
సీ.ప:
వైశాఖ మాసంలొ వైభవముగవచ్చు
శుక్లపక్షమునందు శుభ దినమున
తదియ తిధియు నెంతొ తరియింప జేయును
కొనెదరు మహిళలు కొంత నైన
బంగారు నగలను భారంబు తలచక
మంచిరోజుయునని మదిన తలచి
ఏది కొనినగాని యెప్పటి కైనను
వచ్చును లక్ష్మని వనిత నమ్ము!
ఆ.వె:
అక్షయపు తృతీయ నరుదైన రోజున
తాజ పూలు తెచ్చి పూజ జేసి
బయలు దేరు తరుణి బంగారము కొనను
కృష్ణ మాట వినుము తృష్ణ దీర!
ఆ.వె:
పిసరు కొన్న చాలు పసిడి నెచటనైన
లక్ష్మి వచ్చు ననియు లక్షలాది
జనులు నమ్మి కొంద్రు జాగుచేయకనాడు
కృష్ణ మాట వినుము తృష్ణ దీర!
No comments:
Post a Comment