జయహో వీర సైనికులారా/వచన కవిత

శీర్శిక: *జయహో వీర సైనికులారా!

జయహో వీర సైనికులారా!
జయ జయహో వీర సైనికులారా!
ఆపరేషన్ సిందూర్ లో
ఘన విజయం సాధించిన ధీర సైనికులారా! 

పరుల ప్రాణం తీస్తేనే
మోక్షం లభిస్తుందని విశ్వసించే
మతోన్మాద కర్కోటకులపై
నరుల ప్రాణం విలువ తెలియని
నరరూప రాక్షసులపై
మారణహోమం సృష్టించిన
ఉగ్రవాద మూకలపై
బ్రహ్మోస్ లను వదలండోయ్!

అందాల కాశ్మీర్ ను రావణ కాష్టం చేసిన
హిందువుల నెత్తురుకు మరిగిన
ఉగ్రవాదులపై ఉక్కుపాదం మోపండోయ్!

అదర వద్దు బెదర వద్దు
ఇక ఆకాశమే మీకు హద్దు
అస్త్రశస్త్రాలతో మనమున్నాం
శత్రు దేశాన్ని అష్టదిగ్భంధం చేస్తూ
ఉగ్రవాదులను గడగడ లాడించండోయ్
ఉగ్రవాద తావురాలపై
గబగబ బాంబు లేయండోయ్!

ఇల్లు అలుకగానే పండుగ కాదన్నట్లు
ప్రక్కలో బళ్ళెలా మన వెంటే నివశిస్తున్న
దేశ ద్రోహులకు బుద్ధి వచ్చేట్లుగా
ప్రపంచ దేశాలు కలిసి వచ్చేట్లుగా
శత్రు దేశాలకు తెలిసి వచ్చేట్లుగా
భారత్ సత్తా చూపాలండోయ్
వెయ్యేండ్లైనా బారత్ పేరెత్తాలంటే
గడగడ వణుకాలోయ్!