తల్లిదండ్రుల విభేదాలు - పిల్లలపై ప్రభావం

అంశం: చిత్రం కవిత 

శీర్షిక: తల్లి దండ్రులు తూర్పు పడమరలైతే ?

*నేల చీలినా కాగితం చిరిగినా* 

*కాలం కరిగినా అద్దం పగిలినా*

*యధాస్థితికి తేవడం అసంభవం*

*ఆవులు ఆవులు పోట్లాడు కుంటే*

*దూడల కాళ్ళు విరుగడం తధ్యం*

తల్లిదండ్రులు నిత్యం పోట్లాడు కుంటుంటే 

పిల్లలు భారీ మూల్యం చెల్లించాల్సి వస్తుంది!

తల్లిదండ్రులు పిల్లలకు ఆదర్శంగా జీవించాలి

పిల్లలకు గృహమే మొదటి పాఠశాల అన్నట్లు 

తల్లిదండ్రులు పిల్లలకు మొదటి గురువులు 

వారు నిత్యం తల్లిదండ్రులను అనుకరిస్తారు!

ఆదర్శంగా ఉన్నవారిని పిల్లలు ఇష్టపడుతారు

అలాంటి వారిని పూర్తిగా నమ్ముతారు

వారు ఏది చెప్పినా పిల్లలు అదే తప్పకచేస్తారు 

ఏది చేయకూడదు అంటే దానిని చేయరు!

తల్లిదండ్రులు చెడు చేయమంటే చెడేచేస్తారు 

నిజం మాట్లాడమంటే నిజమేమాట్లాడుతారు

అబద్దమాడమంటే అబద్దమేమాట్లాడుతారు 

అదే సరియైనది కావచ్చని  అనుకుంటారు!

ఇంతటి భద్యతా యుత స్థానంలో ఉన్న 

తల్లిదండ్రులు తూర్పు పడమరలా 

చికాకులు గొడవలతో కాలం గడుపుతే 

తల్లిదండ్రులు రైలు పట్టాల్లా విడిపోతే

పిల్లల విలువైన సమయం వృధా అవుతుంది 

వీరే సంఘ విద్రోహ శక్తులుగా మారుతారు!

*తల్లిదండ్రులలో సహనం సర్దుబాటు తత్వం*

*అలవర్చుకుంటే ఎలాంటి సమస్యలైనా*

*దూది పింజాల్లా తేలిపోతాయి*