చకోర పక్షి లా

 *చకోర పక్షి లా *

అందమైన ఆమని 
అరవిరిసిన పూబోనీ 
తడి ఆరని చీరె లో
కనువిందు చేస్తున్నది

ఉషోదయాన లేచి 
సింగులు సర్దుకుని 
రెండు కడువలు 
చేత పట్టుకుని 
వయ్యారంగా నడుచుకుంటూ 
ఊరు బయట నదిలోకి 
ఒంటరిగా వచ్చి చేరే

వేడి వేడి సెగలతో 
రగులుతున్న మేనును 
శీతల జలంతో నేలకు దించి 
సేద తీరే రాళ్ళపై!

మేలిమి బంగారం వలె
మిలమిలా మెరుస్తూ 
ప్రియుని కోసమనీ 
రెప్ప వాల్చకుండ చూస్తుండే 
చకోర పక్షిలా!