అంశం: *మా అరుగు ముచ్చట*
శీర్షిక: *ఇంటింటికీ శోభనిచ్చు అరుగులు*
ఆహా! ఏమి అరుగులు
అందమైన అరుగులు
ఆనందాలు పంచే అరుగులు
రంగు రంగుల అరుగులు
ఇంటిముందర ఎత్తెన అరుగులు
ఇంటింటికీ శోభనిచ్చు అరుగులు
ఇంతులు కూర్చును ఇంపైన అరుగులు!
ఉదయం సాయంత్రం అనకుండా
రోజంతా సేదతీర అనువైన అరుగులు
కాలక్షేపానికి కడుపులో సొధ తీర్చుకోడానికి
అలసట తీర్చుకోడానికి అరుదైన అరుగులు!
పెద్దలు చిన్నలు వచ్చేరు
అమ్మలక్కలు కూర్చునేరు
ఎక్కడెక్కడియో ఎప్పడెప్పటియో
అచ్చట్లు ముచ్చట్లు గుసగుసలు చెప్పుకునేరు!
ఆపదలు తీర్చుతాయి అరుగులు
అలసటలు తీర్చుతాయి అరుగులు
పరిచయాలు పెంచుతాయి అరుగులు
పంచాయితీలు పెట్టిస్తాయి అరుగులు
పరిష్కారాలు చేస్తాయి అరుగులు!
ఆహా! ఏమి అరుగులు
రంగు రంగుల ముగ్గులతో అరుగులు
ఆహ్లాదకరమైన అరుగులు
ఇంటి ముందర ఎత్తైన అరుగులు!
No comments:
Post a Comment