ఆమె నవ్వ గలదా?

అంశం:ఆమె నవ్వగలదా ?

శీర్శిక: ఆమె నవ్వ గలదు

శిశు తనంలో అమ్మను చూడగానే
విరబూసిన మల్లె పువ్వులా
కిలకిలా నవ్వుతుంది
పాలు పట్టగానే నిండు గులాబీలా
పెదవుల చివరల నుండి
పాలు  కార్చుతూ నవ్వుతుంది

అమ్మ జోల పాట పాడి నప్పుడు
నాన్న వ్రేలు పట్టుకుని నడిచినప్పుడు
బుజాన ఎత్తుకుని ఆకాశాన్ని
చూపినపుడు ఆమె నవ్వుతుంది

క్లాస్ లో ఫస్ట్ ర్యాంక్ వచ్చినప్పుడు
తల్లిదండ్రులు గురువులు స్నేహితులు
ప్రశంసించినపుడు
అమ్మమ్మ నానమ్మ తాతయ్యలు
తల నిమిరి నప్పుడు
ముసిముసి నవ్వులు నవ్వుతుంది

ఉద్యోగం వచ్చినప్పుడు
మొదటి జీతం తీసుకున్నప్పుడు
పళ్ళి చూపులకు కూర్చున్నపుడు
ఇష్ట మైన భర్త లభించినప్పుడు
ఆమె ఆనంద భాష్పాలు దాల్చుతుంది

సాధికారత సాధించిన నేడు
వ్యోమగామి నౌకలో విహరిస్తున్న నేడు
శత్రు మూకలను సంహరిస్తున్న నేడు
అన్ని రంగాలలో దూసుకుని పోతున్న నేడు
ఆమె ధీరత్వంతో నువ్వుతుంది!