మనిషికి మనిషి తోడైతే

 నేటి కవిత:

తేది:27.05.25
అంశం: మనిషికి మనిషి తోడైతే


శీర్షిక: *భర్తకు భార్య, భార్యకు భర్త తోడైతే*

*పాలను పాలలాగే నిలువ జేసిన*
*పాలుగానే ఉంటాయి ఒక రోజు*
*పాలకు పెరుగును తోడువేసినా*
*అది పెరుగవుతుంది*
*పెరుగును నీటితో గిలకొట్టిన చల్ల అగును*
*చల్లనుండి వెన్న, వెన్నను వేడి చేసిన*
*నెయ్యి తయారయినట్లే*

మనిషికి మనిషి తోడైతే
భర్తకు భార్య, భార్యకు భర్త తోడైతే
జీవితం ఇక స్వర్గమే
లేదంటే ఆ జీవితం నరకమే
ఇంకనూ స్త్రీల మనోధైర్యం కంటే
పురుషుల మనోధైర్యం చాలా బలహీనం
అందుకే పురుషుల ఆయుష్షు తక్కవ!

మనిషి సంఘజీవి
సమాజంలో కలిసి తిరగాలి
కలిసి మాట్లాడాలి కలిసి పనిచేయాలి
కలిసి మెదులాలి కలిసి జీవించాలి!

మానసిక శారీరక సుఖాలను
పొందాలన్నా సంతానం కావాలన్నా
కష్టసుఖాలు దుఃఖాలు బాధలు
సంతోషాలు ఆనందాలు పంచుకోవాలన్నా
సలహాలు ఇవ్వాలి తీసుకోవాలన్నా
నిర్ణయాలు తీసుకోవాలన్నా
భర్తకు భార్య , భార్యకు భర్త తోడు కావాలి!

పిల్లలను క్రమశిక్షణతో పెంచాలన్నా
భాద్యతలను నెరవేర్చాలన్నా
సమాజంలో మంచి పేరు ప్రతిష్ఠలు
గౌరవ మర్యాదలు పొందాలన్నా
డబ్బు సంపాదించాలన్నా
భార్యకు భర్త ,భర్తకు భార్య తోడు ఉండాలి!

కలిసి ఉంటే కలదు సుఖం అన్నట్లు
ఒకరికొకరు తోడుగా ఉంటే కొండంత బలం
ఒకరికొకరు అండగా ఉంటే గుండెకు ధైర్యం
ఒకరికొకరు చేరువగా ఉంటే ఆయురారోగ్యం
అదే ఆనంద మయ జీవితం!