జయహో అంబేద్కర్

*అంశం*పదకవిత*

పదాలు:
*చేదు జ్ఞాపకాలు*
*మనసు మూలిగింది*
*కన్నీటి కొలను*
*భావితరం*

శీర్షిక: *జయహో అంబేద్కర్!*

చిన్న నాటి జీవితాలు
కొందరికి పూలు పాన్పులు అవుతాయి
మరికొందరికి *చేదు జ్ఞాపకాలు* గా
మిగిలిపోతాయి

అది భూస్వాముల కాలం దొరల పాలన
ఊరు బయట గుడిసెలు
అంటరాని వారంటూ ముద్ర
మంచి నీళ్ళు త్రాగ నివ్వరు
బావి కాడికి రానివ్వరు
స్నేహితులతో కలువ నివ్వరు
స్కూలులోపల కూర్చోనివ్వరు
చదువుకోవాలని బలమైన కోరిక
అప్పుడప్పుడు *మనసు మూలిగేది*

తప్పు చేయకున్నా నిందలు
తగిలావని కొరడా దెబ్బలు
ఎండలో నిలబెట్టడాలు
తిండికి ఎండబెట్టి డొక్కలు చీల్చే వారు
కరెంట్ స్తంభాల క్రిందనే పుస్తక పఠనం
బాధలను గుర్తు చేసుకుంటుంటే
*కన్నీటి కొలను* లా కట్టలు తెంచుకునేది

తాను కష్ట పడినా బాధలను భరించినా
తన జాతియే కాకుండా పీడిత జనులు
బహుజనులు ఇతర పేద వర్గాల వారు
బానిసత్వపు బ్రతుకులలో మ్రగ్గ కూడదని
*భావి తరాల* భవిష్యత్తు కొరకు
వారి సంక్షేమం కొరకు  హక్కుల కొరకు
ఎన్నో కష్ట నష్టాలకు ఓర్చియు
వినయ విధేయతలతో  బారిష్టర్ చదివి
రాజ్యాంగాన్ని రచించినట్టి రాజ్యాంగ కర్త
తాడిత పీడిత అనగారిన కుటుంబాలలో
వెలుగులు నింపిన ఘనుడు డాక్టర్ అంబేద్కర్
జయహో అంబేద్కర్!